Dagblaðið Vísir - DV - 31.01.2014, Side 6

Helgarblað 31. janúar 20146 Fréttir
Skeifan 3j | Sími 553 8282 | www.heilsudrekinn.is
ÚTSALA
30-60%
AFSLÁTTUR
Kínversk
handgerð list
· Vasar
· Diskar
· Lampar
· Pottar
· Myndir
o.m.fl.
n Bílstólarnir gera kraftaverk n Áverkar helsta dánarorsökin
H
vert barn sem deyr vegna
áverka er einu barni of
mikið,“ segir Viðar Magnús­
son, yfirlæknir bráðaþjón­
ustu utan sjúkrahúsa, þegar
blaðamaður sló á þráðinn til hans og
ræddi við hann um þá staðreynd að
tvö börn láta lífið á hverju ári vegna
áverka. Viðar hélt erindi á Lækna­
dögum, sem haldnir voru í Hörpu í
síðustu viku, þar sem hann fjallaði
um aðkomu á slysstað og flutning
barna á sjúkrahús.
„Á aldrinum eins til 40 ára eru
áverkar helsta dánarorsökin,“ segir
Viðar. „Þegar maður er kominn
yfir fyrsta aldursárið er sjaldgæft
að ungt fólk deyi nema af völdum
áverka. Þetta unga fólk er framtíðin
okkar og það þarf að passa vel upp
á þau. Þá á ég sérstaklega við krakk­
ana, þar sem þau hafa ekki vit á því
að gera það sjálf.“
Aukin vitund um börn
Umferðarslys eru stór þáttur í dánar­
orsökum barna að sögn Viðars. Hann
tekur þó fram að áverkum á börnum
hafi fækkað undanfarin ár.
„Með batnandi bílum og auk­
inni vitund fólks eru börn minna út­
sett fyrir slysum í umferð, bæði sem
gangandi vegfarendur og sem far­
þegar í bílum,“ útskýrir Viðar. „Ég hef
komið að slysum þar sem bílar voru
mjög illa farnir; fólk látið í bílnum en
börn í aftursæti, vel varin í bílstól,
voru ósködduð. Það segir ofboðslega
mikla sögu um mikilvægi bílstóla
í þessu samhengi,“ en Viðar brýnir
mikilvægi þess að stólarnir séu í
réttri stærð fyrir börnin og snúi rétt.
„Herferðin „Á eftir bolta kemur
barn“ var mikilvægt innspil í þessa
vitund okkar að börn eru hluti af
umferðinni. Ef við, sem ökumenn,
tökum ekki tillit til þeirra þá er þeim
hætta búin.“
„Betra að byrgja brunninn“
Auk umferðarslysa eru drukknanir
og bruni tiltölulega algeng dánar­
orsök barna. Viðar segir að það sé
ekki alltaf talað um drukknanir sem
slys þar sem „ekki eru áverkar í sama
skilningi og í tilfellum umferðar­
slysa“. Hann bætir þó við að hætturn­
ar geti leynst hvar og hvenær sem er.
Slysin gera ekki boð á undan sér.
„Þegar börn fara út á vatn á
bátum, hvort sem það er með
foreldrum eða ein, þá skiptir máli að
þau séu rétt varin þar líka,“ segir Við­
ar. „Slysin eru þannig að við höfum
bara ákveðna möguleika á að bregð­
ast við þeim. Það sem skiptir öllu
máli eru forvarnirnar, að passa upp
á að börnin verði ekki fyrir slysunum
svo við þurfum ekki að takast á við
afleiðingarnar. Það er betra að byrgja
brunninn heldur en að láta barnið
detta ofan í hann.“
Fólk skoði slysagildrur
Hálf vinnuvika Viðars er á bráða­
deild Landspítalans á meðan hinn
helmingurinn fer í að hafa faglega
yfirumsjón með sjúkraflutningnum
á landinu. Auk þess er hann meðal
þyrlulækna og kemur því fyrir að
hann sé kallaður á vettvang slys­
staða.
„Fólk gerir sér ekki alltaf grein
fyrir hættunum fyrr en spáð er í
þær,“ segir Viðar. „Það er mjög mikil­
vægt að fólk horfi á sitt umhverfi
og barnanna og velti fyrir sér hvort
slysagildrur séu einhvers staðar þar
sem það hefur ekki séð þær fyrir,
hvort sem það er heima fyrir eða í
skóla eða leikskóla. Börnin telja sig
ódauðleg og við þurfum að hafa vit
fyrir þeim.“ n
Ingólfur Sigurðsson
ingolfur@dv.is
Vitundarvakning um börn Viðar segir
herferðina „Á eftir bolta kemur barn“ hafa
heppnast vel. Mynd LæknABLAðIð
„Hvert
barn sem
deyr er
barni
of mikið“
„Börnin líta
á sjálf sig
sem ódauðleg
Segist hafa verið veik
Þingmaðurinn Jóhanna María útskýrir fjarvistir í opnu bréfi
Þ
ví miður eru þingmenn mann­
legir og veikjast líka,“ skrifar
þingkonan Jóhanna María
Sigmundsdóttir í opnu bréfi til
blaðamanna DV á Facebook. Tilefni
bréfsins er samantekt DV á mætingu
þingmanna á fundi allsherjar­ og
menntamálanefndar en hún er með
langflestar óútskýrðar fjarvistir af
fundum nefndarinnar þar sem vara­
maður er ekki kallaður til. Í umfjöll­
un DV kom einnig fram að Jóhanna
María er sá þingmaður sem hef­
ur talað minnst í ræðustól Alþingis,
samkvæmt samantekt á gögnum af
vef Alþingis.
Samkvæmt fundargerðum
nefndarinnar, sem birtar eru á vef
Alþingis, er Jóhanna María með tólf
skráðar fjarvistir án þess að kalla inn
varamann. Þar að auki hefur hún
einu sinni kallað inn varamann.
Þrjár fjarvistanna eru vegna annarra
þingstarfa en níu eru óútskýrðar. All­
ar nema ein fjarvist eru á tímabil­
inu október til desember 2013. Eini
nefndarmaðurinn sem kemst ná­
lægt henni í fjarvistum er for­
maður nefndarinnar Unnur
Brá Konráðsdóttir, þingkona
Sjálfstæðisflokksins, en hún
er níu sinnum skráð fjar­
verandi án þess að kalla
inn varamann. Flestar
fjarvistir hennar eru samt
útskýrðar.
Þegar DV bar
fjarvistirnar undir
Jóhönnu Maríu í
síðustu viku svaraði
hún því til að vegna
anna í Norðurlanda­
ráði hafi hún ekki getað mætt á alla
fundina auk þess sem hún hefur ver­
ið veik. Í bréfinu talar hún hins vegar
meira um veikindi. „Í byrjun október
veiktist ég illa. Fyrst lagðist ég inn á
sjúkrahús og þurfti að fara mér
hægt dagana á eftir. Seinni part
október dvaldi ég í Noregi þar
sem ég tók að mér fundar­
stjórn á UNR þingi og svo
síðar á stórþingi NR,“ seg­
ir hún í bréfinu og bætir
við að hún hafi fengið
heiftarlega flensu í nóv­
ember. n
adalsteinn@dv.is
Opið bréf Jóhanna Mar-
ía kemur með skýringar
á óútskýrðum fjarvistum
í opnu bréfi á Facebook.
Þorrabjórinn
slær í gegn
Sala á þorrabjór hófst á föstu­
dag fyrir viku, á bóndadaginn,
og seldust um 23 þúsund lítrar
fyrstu helgina, það er föstudag og
laugardag. Þetta er talsvert meira
en árið 2013 þegar salan fyrstu
tvo söludagana var 15,7 þúsund
lítrar. Söluaukningin þessa tvo
fyrstu daga er því 45 prósent.
Þetta kann að skýrast af því að
fleiri þorrabjórtegundir eru í boði
í ár en í fyrra. Í ár eru átta tegund­
ir í boði en í fyrra voru þær fimm.
Þorrakaldi var vinsælasti
þorrabjórinn þessa fyrstu sölu­
helgi, en 8.700 lítrar seldust af
honum. Þar á eftir komu Þorra­
gull og Þorraþræll.
Verðbólgan
í þriggja ára
lágmarki
Vísitala neysluverðs lækkaði
um 0,72 prósent í janúar. Um er
að ræða mestu lækkun í einum
mánuði síðan í júlí 2012. Þetta
kemur fram á vef Greiningar
Íslandsbanka, en þar er einnig
tekið fram að verðbólgan sé nú
3,1 prósent og hafi ekki verið
lægri í tæp þrjú ár. Lækkunin
nú skýrist einna helst af 4,5
prósenta styrkingu krónunnar
frá nóvember á síðasta ári,
verðlækkun á eldsneyti og al­
mennu átaki í þá veru að halda
aftur af árlegri janúarhækkun
gjaldskráa og almennri hækk­
un vöruverðs. Þá höfðu útsölur
talsverð áhrif.