Dagblaðið Vísir - DV - 31.01.2014, Side 38
Helgarblað 31. janúar 201438 Lífsstíll
n 60 ára afmæli fagnað í Skálatúni n Áhersla á einstaklingsmiðaða þjónustu við íbúa
V
ið leggjum mikla áherslu á
að þjónustan sé persónu-
leg og einstaklingsmiðuð.
Horft sé á þarfir einstak-
lingsins,“ segir Helgi
Hróðmarsson, framkvæmdastjóri
Skálatúns. 30. janúar átti Skála-
tún 60 ára afmæli en þar hafa
þroskahamlaðir búið síðan 1954.
Upphaflega átti Skálatún að vera
barnaheimili, sérstaklega fyrir börn
með þroskahömlun en heimilt væri
þó að starfsemin miðaðist við alla
aldurshópa. Nú fagnar staðurinn 60
ára afmæli og var af því tilefni blás-
ið til hátíðarhalda fyrir íbúa á af-
mælisdaginn sjálfan þar sem meðal
annars Páll Óskar og Bjartmar Guð-
laugsson skemmtu.
Stækkað mikið
Saga Skálatúns er merkileg og má
með sanni segja að margt hafi breyst
þar á þessum sex áratugum sem
það hefur verið starfrækt. „Fyrst
var gert ráð fyrir að þar byggju 17
börn og unglingar. Fyrstu þrjú börn-
in fluttu á Skálatún 30. janúar 1954.
Fyrstu árin var bara eitt íbúðarhús
og þar bjuggu 23 íbúar ásamt starfs-
fólki. Það hafa átt sér stað miklar
breytingar síðan þá. Núna eru fimm
herbergjasambýli og tvö hús með
samtals tíu íbúðum. Í dag búa hér
37 íbúar en þeir voru 39 til skamms
tíma en því miður féllu tvö þeirra frá
undir lok síðasta árs,“ segir Helgi.
Sjálfsákvörðunarréttur lykill að
lífsgæðum
Að sögn Helga er lögð mikil áherslu
á að koma til móts við þarfir hvers
og eins einstaklings. Ekki er einung-
is um að ræða búsetuþjónustu því
einnig er þar dagþjónusta og vinna.
„Í stefnu okkar er lögð áhersla á
einstaklinginn og að veita hverjum
og einum einstaklingsmiðaða þjón-
ustu. Sjálfsákvörðunarréttur er lykill
að lífsgæðum því hverjum manni
er nauðsynlegt að fá að velja og
hafa áhrif á eigið líf. Starfsfólkið ber
ábyrgð á því að örva og þjálfa sjálfs-
ákvörðunarrétt einstaklingsins og
stuðla að því að fólk þekki sína val-
möguleika og afleiðingar þeirra,“
segir hann.
Margt breyst
Íbúar á Skálatúni sækja dagþjón-
ustu og vinnu í vinnustofum Skála-
túns en einnig utan Skálatúns. Þar
koma einnig einstaklingar til vinnu
sem ekki eru búsettir þar. Á vinnu-
stofunum er fjölbreytt starfsemi
þar sem meðal annars er unnið að
pökkun í neytendaumbúðir fyrir
ýmis fyrirtæki. Eitt af verkefnum
vinnustofanna er skönnun á ljós-
myndum.
List og handverk skipar stóran
sess í starfsemi vinnustofanna og í
handavinnustofu er unnið við vefn-
að, kortagerð og hönnun ýmissa
textílmuna. Afraksturinn er til sölu
í galleríinu á staðnum sem er opið
alla virka daga og hefur orðið þekkt.
Helgi segir gríðarlega margt hafa
breyst í málefnum þroskahamlaðra
á undanförnum árum til betri vegar.
Í tilefni afmælisins verður Skála-
tún með opið hús laugardaginn 22.
febrúar frá kl. 14.00 til 17.00. Allir
eru boðnir velkomnir en þá verður
starfsemin kynnt og boðið verður
upp á léttar veitingar. n
Breytt umhverfi
þroskahamlaðra
Svipmyndir úr starfinu Hér má sjá skemmtilegar myndir úr 60 ára sögu Skálatúns.
Fjör Það var mikið fjör þegar ljós-
myndara DV bar að garði í Skálatúni á
fimmtudaginn. Þá var Ás vinnustofa að
afhenda vinum sínum á Skálatúni gjöf í
tilefni afmælisins. Mynd Sigtryggur Ari
„Við leggjum mikla
áherslu á að þjón-
ustan sé persónuleg og
einstaklingsmiðuð. Horft
sé á þarfir einstaklingsins.
Viktoría Hermannsdóttir
viktoria@dv.is