Dagblaðið Vísir - DV - 28.02.2014, Qupperneq 35

Bílar 7Helgarblað 28. febrúar 2014
F
ord hóf innreið sína á raf-
bílamarkaðinn í lok árs 2011
þegar Ford Focus Electric var
fyrst settur á markað. Bíllinn
er ekki kominn í sölu hér á
landi, en Brimborg stefnir að því að
hefja sölu á bílnum í lok árs. Stefnt
hefur verið að því síðustu tvö ár og nú
er útlit fyrir að hægt verði að kaupa
bílinn á Evrópumarkaði í stað þess að
kaupa hann frá Bandaríkjunum.
Snöggur og lipur
Blaðamaður fékk að reynsluaka ein-
um slíkum bíl sem til er hér á landi,
en hann var fluttur inn í fyrra frá
Bandaríkjunum. Óhætt er að segja að
upplifunin var allt öðruvísi en búist
var við. Í raun var munurinn svo lít-
ill að ekki var hægt að finna mikinn
mun á keyrslu hans og annarra nýrra
sjálfskiptra bíla, líkt og Toyota Yar-
is-tvinnbílsins. Í rólegum innanbæj-
arakstri var munurinn sérstaklega
lítill og það eina sem auðvelt er að
benda á er vélarhljóðið, sem er auð-
vitað ekkert í þessum bíl.
Þegar út á stofnbrautir var komið
tók annað við. Á Sæbraut þurfti að
gefa aðeins í og bíllinn lék sér að því.
Togkrafturinn er ótrúlegur og bíllinn
er mjög snöggur á fyrstu metrunum.
Ef slökkt er á útvarpinu heyrist ekkert
nema dauft veghljóð og hljóð vegna
vindmótstöðu, þegar bílinn er kom-
inn á þokkalegan hraða. Bíllinn er
um 150 hestöfl og er ekki nema sex
sekúndur að komast upp í 100 kíló-
metra hraða.
100 kílómetra hleðsla
Blaðamaður var hissa. Hann bjóst
við því að finna verulega fyrir því
að bíllinn væri ekki knúinn áfram
af bensínvél. Svo var alls ekki. Bíll-
inn er útbúinn líkt og um hefðbund-
inn sjálfskiptan bíl væri að ræða og
ekkert við hann er öðruvísi en í nú-
tímabílum. Í raun er það eina sem
breytist að lítið sem ekkert þarf að
greiða fyrir eldsneyti. Rafmagns-
reikningur heimilisins hækkar, en
hækkunin er aðeins brot af elds-
neytiskostnaði hins hefðbundna
bensínbíls.
Bíllinn er vel búinn og allt er
til alls. Hægt er að forrita lyklana
þannig að bíllinn lagar sig að þeim
stillingum sem viðkomandi hef-
ur sett inn, svo sem hraðatakmark-
anir, hljóðstyrk útvarps og fleira í
þeim dúr. Hleðslan á rafgeyminum
dugir í 100 kílómetra akstur, sem er í
raun nokkuð lág tala samanborið við
Tesla S, sem fer 500 kílómetra á einni
hleðslu. Um 5–7 tíma tekur að full-
hlaða bílinn, á venjulegri hleðslu-
stöð í heimahúsi. n
„Vindurinn gerir
mörgum skráveifu“
Ódýrasta bílaleiga landsins stækkar ört
Þ
að er búið að vera mjög mikið
að gera í vetur,“ segir Sigurður
Smári Gylfason, einn þriggja
stofnanda SADcars og fram-
kvæmdastjóri fyrirtækisins. Í kring-
um 200 bílar eru í eigu fyrirtækisins
og hefur um það bil helmingur bíla-
flotans verið leigður út í allan vetur.
SADcars hefur allt frá stofnun boðið
upp á ódýrustu bílaleigu á Íslandi –
sem kemur til vegna þess að bílarnir
eru eldri en gengur og gerist á bíla-
leigum.
„Aðalástæðan er sú að við erum
með eldri bíla, að meðaltali 10 ára
gamla,“ útskýrir Sigurður Smári, en
meðalaldur bíla á Íslandi er einmitt
í kringum 11–12 ár. „Meðalaldurinn
hefur hækkað svo rosalega mikið.
Við reynum að halda verði eins lágu
og við getum. Það er enginn sérstak-
ur leyndardómur á bak við það.“
SADcars hefur stækkað jafnt
og þétt í gegnum tíðina. Flest allar
pantanir fara í gegnum vefinn
þeirra, en 99 prósent þeirra sem
eiga í viðskiptum við Sigurð og fé-
laga eru túristar. Því leggja þeir
mikla áherslu á að viðskiptavinir
tryggi sig fyrir ferðalögin.
„Vindurinn gerir mörgum skrá-
veifu,“ segir Sigurður Smári. Túristar
eru óvanir vindinum á Íslandi og
hafa þeir brennt sig á því að skilja
dyrnar eftir opnar á bílunum.
Sigurður Smári vonast til þess
að fyrirtækið stækki enn frekar og
munu þeir leggja áherslu á að bjóða
upp á rausnarlegt verð í framtíðinni.
„Við munum vonandi stækka jafnt
og þétt með áframhaldandi vexti í
ferðamannabransanum,“ segir Sig-
urður Smári að lokum. n
ingolfur@dv.is
Ferðamenn að stærst-
um hluta SADcars býður
upp á allar gerðir bíla.
Mynd Facebook-Síða SadcarS
Snöggur og snar
n Ford Focus Electric prófaður n Lítið frábrugðinn „venjulegum“ bílum
rögnvaldur Már Helgason
rognvaldur@dv.is
Ford Focus electric Bíllinn er
glæsilegur og grillið minnir á Aston
Martin. Myndir rögnvaldur Már
Þægilegur Bíllinn er þægilegur í akstri og
innanrýmið er snyrtilegt.
lítið skott Mikið fer fyrir rafhlöðunni í
skottinu, sem fyrir vikið tekur ekki mikið
af farangri. Það er kannski óþarft, þegar
aðeins er hægt að komast 100 kílómetra á
hleðslunni.
innanbæjarbíll Vel fer um farþega í bíln-
um og hann gæti auðveldlega þjónað sem
innanbæjarbíll fyrir litla fjölskyldu.
Hleðslutengið Ljósið í kringum tengið
verður blátt þegar rafhlaðan er fullhlaðin.