Dagblaðið Vísir - DV - 25.05.2012, Blaðsíða 41

Katrín snýr aftur í stól iðnaðar-
ráðherra að loknu fæðingar-
orlofi. Hún bendir á að kosn-
ingavetur sé að ganga í garð,
ráðuneyti hafi verið sameinuð
og mikið um tilfæringar á milli
ráðuneyta. „Það á enginn neitt
í pólitík svo við verðum bara að
sjá hvernig það fer og hvernig
þetta passar. Ég er algjörlega
opin fyrir hverju sem er. Ég er
búin að vera svo lengi í pólitík
og búin að gera svo margt að
ég er orðin alveg óhrædd við
ný verkefni.“
Hún segir ekkert verkefni
skipta meira máli en annað.
„Þó að mörgum þyki það ofsa-
legt kappsmál að verða ráð-
herrar þá má ekki vanmeta
hvað þingið er mikilvægt og
það að vera góður þingmaður.
Það skiptir rosalega miklu máli
að við eigum góða þingmenn
og fólk sem lítur á það þannig
að þingmennskan skipti máli.
Mér myndi ekki þykja erfitt að
snúa aftur inn í þingið, aldrei.
Það er gríðarlega mikilvægt
starf.“
En henni hefur liðið vel
sem ráðherra, hún viðurkenn-
ir það. Iðnaðarráðuneytið hafi
átt sérstaklega vel við hana.
„Þetta eru rosalega skemmti-
legir málaflokkar. Það eru
þessir málaflokkar sem iðnað-
arráðuneytið er þekktast fyrir,
stóriðjan og orkan, en svona 75
prósent af mínu starfi snérist
um ferðaþjónustu, nýsköpun
og skapandi greinar.“
Hún segir frábært að hafa
fengið að vinna að uppbygg-
ingu í ferðaþjónustunni síð-
ustu ár og hún verði ávallt stolt
af því að hafa tekið þátt í að
koma á fót verkefnum á borð
við Inspired by Iceland og Ís-
land allt árið.
„Mér finnst ég hafi átt gríð-
arlega góðan tíma þarna. Ég
hef haft bæði gaman af þessu
og líka gott af þessu. Ég hef séð
hliðar á samfélaginu sem mað-
ur hefði kannski ekki séð ann-
ars og líka það að fara svona
á bólakaf ofan í málaflokka,
það gefur manni reynslu sem
er ofsalega dýrmæt og ég get
vonandi nýtt einhvern veginn
í þágu samfélagsins í framtíð-
inni.“
Útlokar ekki að hætta
í pólitík
Þar sem næsta kosningavet-
ur hefur borið á góma er ekki
úr vegi að spyrja Katrínu hvort
hún stefni á forystusæti í sínu
kjördæmi. En svör hennar eru
sveipuð dulúð. „Sko, núna er
ég bara í fæðingarorlofi og hef
ekki tekið neinar ákvarðan-
ir, bara algjörlega ærlega sagt.
Ég hef alltaf fyrir hvern einasta
kosningavetur, síðan ég byrj-
aði í pólitík í fullu starfi, vegið
og metið þetta alveg blákalt frá
öllum hliðum og ég mun gera
það núna.“ Hún sér framboð
ekki sem einstaklingsframtak
heldur hópframtak og segist
alveg eiga eftir að fara yfir þessi
mál með sínum félögum. Það
muni hún hins vegar ekki gera
fyrr en í haust.
Katrín hefur áður látið hafa
það eftir sér að hún líti ekki á
starf stjórnmálamanns sem
ævistarf og sú afstaða hennar
hefur ekki breyst. Hún útilokar
ekki að stjórnmálaferli henn-
ar gæti verið lokið. „Nei, það
er nefnilega mitt sjónarmið og
þess vegna hef ég metið þetta
svona og það kemur að því að
ég tek þá ákvörðun að hætta,
hvort það verður núna eða síð-
ar, það bara kemur í ljós. Hver
einasti stjórnmálamaður verð-
ur að líta svona á þetta. Þetta
er ekki ævistarf og þetta má
aldrei verða ævistarf. Eitthvað
sem þú hangir bara í, því þetta
er fulltrúalýðræði.“ Hún telur
þó mikilvægt að hafa einstaka
reynslubolta í þinginu en fjöld-
inn eigi ekki að sitja áratugum
saman.
Katrín bendir á að sjálf hún
hafi verið kosin á þing aðeins
28 ára gömul. Á næsta ári yrði
hún því búin að sitja í 10 ár á
þingi og viðurkennir að það sé
drjúgur tími.
„Svo náttúrulega núna, ég
skal viðurkenna það, er ég með
miklu meiri reynslu en ég hef
haft áður, sem gæti kannski
gagnast í einhvern tíma áfram.
Það er þá spurning um að skila
henni og hætta svo. Það er ein
hlið á málinu og svo eru líka
fleiri sem kannski beina manni
í einhverjar aðrar áttir. Þetta
skoða ég bara,“ segir hún örlít-
ið dularfull á svip.
En hvað langar hana til að
gera þegar hún hættir í stjórn-
málum? Hún stynur hlæjandi
yfir spurningunni, finnst hún
erfið. „Það er svo margt, hvar
á ég að byrja? Ég hef gaman af
því að takast á við algjörlega
nýja hluti og það er bara ótrú-
lega margt sem ég vil gera. Ég
er algjörlega óhrædd við ný
verkefni þannig að það getur
allt gerst. Mér finnst margt í
okkar samfélagi núna rosalega
spennandi. Margar greinar al-
veg rosalega spennandi. Margt
spennandi í ferðaþjónustunni
og þessum skapandi greinum
sem gæti alveg kallað á mann í
spennandi verkefni. Hvort það
verði núna eða síðar það kem-
ur bara í ljós.“
Gagnrýnir kjarkleysi
þingmanna
Hún viðurkennir að það sé
svolítið sérstakt að sitja heima
og fylgjast með þinginu úr fjar-
lægð þessa dagana. „Það sem
kannski angrar mig mest núna
er að mér finnst of fáir þing-
menn hafa kjarkinn sem þarf
til að standa að þessari mik-
ilvægu samfélagslegu mála-
miðlun sem á að skapast inni á
þingi. Það eru svo allt of marg-
ir þingmenn sem telja að það
sé þeirra verkefni að standa
þar fast á sínu til hins ítrasta.
Þingmennskan snýst ekki um
það. Þingmennskan snýst um
það að hafa kjark til þess að
standa að málamiðlun.“ Hún
telur kjarkleysi þingmanna
og óttann við dóm götunn-
ar eiga sinn þátt í þeim vanda
sem hrjáir þingið í dag. Henni
finnst sem sumir þingmenn
skilji einfaldlega ekki það verk-
efni þingsins sem felur í sé að
búa til sáttmála.
„Mér finnst við svolítið
skulda þjóðinni það og fólk-
ið sem kaus þessa þingmenn
verður líka að gefa þeim svig-
rúm til þess að ná þessum sátt-
mála og átta sig á að þeirra full-
trúar ná aldrei þeirra ýtrustu
sjónarmiðum. Það er bara ekki
hægt.
Ég held að ef mönnum tekst
einhvern veginn að slaka á og
losa sig við óttann við þess-
ar málamiðlanir þá hljóti að
losna um og hlutir fari að ger-
ast. Lífið er ein málamiðlun og
þingið er ekkert undanskilið
frá því.
Þetta er allavega það sem
ég hef um málin að segja
núna, þar sem ég sit á mínum
háa hesti heima hjá mér. Ég er
orðin svona eðaleldhússtjór-
nmálamaður og þá getur mað-
ur haft alls konar svona skoð-
anir,“ segir Katrín hlæjandi.
Hún viðurkennir þó að
hana klæi stundum í fingur-
gómana að leggja eitthvað til
málanna. Segir að hún þurfi
stundum að hafa sig alla við
til blogga ekki eða skrifa eitt-
hvað á Facebook. Hún tók þó
ákvörðun um að gera það ekki.
„Svo stundum horfi ég ekki
á fréttir í marga daga. Ég næ
stundum ekki í blöðin í tvo,
þrjá daga, tæmi ekki póstkass-
ann. Ég bara er að gera annað.
Ég er bara í öðru verkefni sem
er ótrúlega mikilvægt. Núna
ætla ég bara að njóta tímans
í botn með þessum litlu köll-
um og manninum mínum.
Það er náttúrulega ekkert smá
dásamlegt fyrir okkur tvö að
geta verið með strákana okkar
saman í sumar.“
Fékk bónorðið skriflegt
Katrín og Bjarni áttu pappírs-
brúðkaup fyrir um mánuði,
en þau giftu sig með pomp
og prakt þann 23. apríl í fyrra.
„Þetta var rosa partí, við ákváð-
um bara að hafa þetta svona
afslappað. Þetta var ekki sitj-
andi, heldur buðum bara í
partí. Héldum brúðkaupið
að kvöldi til og þetta var rosa
gaman. Það sem gerðist var
að það bara dönsuðu allir af
sér rassinn, eins og það heit-
ir. Og mér fannst svona merki
um hve þetta var vel heppnað
hvað margir héldu á skónum
sínum heim,“ segir Katrín og
hlær. Svo endaði þetta í fær-
eyskum hringdansi, því Bjarni
á fjölskyldu í Færeyjum. Við
brúðhjónin vorum ekki komin
heim fyrr en að verða þrjú held
ég.“ Talan 23 er því hálfgerð
lukkutala fjölskyldunnar, en
fyrir utan að tvíburarnir fædd-
ust þann 23. febrúar, þá á Katr-
ín afmæli 23. nóvember.
Blaðamann leikur að lok-
um forvitni á að vita hvort
skáldið, maðurinn hennar, sé
ekki sífellt að semja til hennar
ástarljóð. Katrín hlær feimnis-
lega að spurningunni. „Hann
hefur ekki samið til mín ástar-
bréf en bónorðið var úthugs-
að og ég fékk það skriflega líka
eftir á. Ég ætla ekkert að segja
ykkur hvernig það var, það er
bara persónulegt, en það var
ofboðslega fallegt. Ég segi ekki
meir,“ segir hún
Bjarni birtist aftur í stof-
unni á meðan við ræðum
bónorðið. „Hún var að spyrja
hvort þú hefðir einhvern tíma
samið til mín brjálað ástar-
ljóð,“ segir Katrín við mann
sinn og þau skella bæði upp
úr. „Nú er komin pressa á þig,“
bætir hún við. „Nó komment,“
segir Bjarni sposkur á svip. „Við
erum allavega gift. Svo ég gerði
engin alvarleg mistök,“ bætir
hann við og hugar að drengj-
unum.
„Það var rosalega róm-
antískt. Hann gerði allt rétt
þar og bara í daglega líf-
inu. Hann er alveg yndis-
legur. Þetta er eiginlega bara
eins og lygasaga allt saman,
þetta er svo skemmtilegt,“
segir hún brosandi og blaða-
maður verður hálf klökkur
að heyra hvað hún er ham-
ingjusöm. „Já, bara upplifa
sína eigin ástarsögu. Þetta
er bara ótrúlega gaman eins
og þú heyrir, ég er bara eitt
sólskinsbros,“ segir hún og
bendir á andlitið á sér. Og
það fer ekkert á milli mála,
þar er sólskinsbros. „Ég held
líka bara að það hafi allir svo-
lítið gott af svona „time out“.
Og hvað þá til að sinna fjöl-
skyldu. Það er ótrúlega dýr-
mætt að geta gert það,“ segir
Katrín og er að þeim orðum
sögðum farin að sinna litlu
herramönnunum sínum sem
eru aðeins farnir að ókyrr-
ast. Blaðamaður fær þó eitt
lítið bros frá öðrum þeirra í
kveðjuskyni. n
Viðtal 41Helgarblað 25.–27. maí 2012
„ … það kemur
að því að ég
tek þá ákvörðun að
hætta, hvort það
verður núna eða síð-
ar, það bara kemur í
ljós.
Fjölskyldan Katrín
ætlar að njóta þess
að vera með öllum
strákunum sínum í
sumar, stórum sem
smáum.