Dagblaðið Vísir - DV - 25.05.2012, Blaðsíða 46

46 25.–27. maí 2012 Helgarblað
Stórafmæli
Stórafmæli
Herdís Guðmundsdóttir, listakona og lýðheilsufræðingur, 40 ára 27. maí
Ævar Geirdal, verkstjóri og flugáhugamaður, 50 ára 26. maí
48 ára 26. maí
Lenny Kravitz er amerískur söngvari,
lagahöfundur, hljóðfæraleikari,
tónlistarframleiðandi og leikari.
37 ára 27. maí
Andre 3000 er amerískur tónlistarmaður,
framleiðandi, fatahönnuður og leikari sem er
þekktastur fyrir þátttöku í sveitinni OutKast .
49 ára 25. maí
Mike Myers er kanadískur leikari, grínisti,
höfundur og kvikmyndaframleiðandi sem á
ættir að rekja til Bretlands.
Bestu
súkkulaði-
kökur í
heimi?
n Þetta er án nokkurs vafa ein
einfaldasta uppskrift að „brown­
ies“ sem til er. Enda fer nánast
bara tilbúið hráefni í kökuna sem
fæst í öllum betri matvöruversl­
unum. Útkoman getur ekki
klikkað og unaðsleg kakan hrein­
lega bráðnar á tungunni. Vert er
að taka fram að þær gerast varla
sætari kökurnar, en þannig eiga
kökur líka að vera.
Það tekur aðeins um það bil
45 mínútur að útbúa þessa
dásamlegu köku sem getur engan
svikið.
Hráefni:
n 1 pakki af „brownie mix“ (t.d.
Betty Crocker)
n 1 pakki af „cookie mix“ (t.d.
Betty Crocker)
n 2 egg
n 2 pakkar af Oreo­kexi (ekki
spillir fyrir að hafa það súkkulaði­
húðað)
n Smá olía
Aðferð:
Fylgið leiðbeiningunum á smá­
kökudeigspakkanum (e. cookie
mix) og hrærið þar til það er
tilbúið til notkunar. Fletjið deigið
út í heilu lagi í ofnskúffu, en gott
er að hafa bökunarpappír undir.
Raðið Oreo­kexkökunum ofan
á smákökudeigið. Því fleiri
kexkökur, því betra.
Hrærið þar næst saman súkku­
laðikökudeigið (e. brownie
mix) og fylgið leiðbeiningum á
pakkanum.
Hellið svo kökudeiginu yfir Oreo­
kexkökurnar og bakið í 30 mínútur
við 180 gráður.
Best er að bera kökuna fram volga
úr ofninum með vanilluís.
Þriggja laga dásemd
Kökurnar gerast varla sætari en
þetta.
Nóg af kexi Það spillir ekki
fyrir að nota súkkulaðiðhúðað
Oreo­kex. Skriðu eins og skæruliðar
um varnarsvæðið á Vellinum
Svona er himnaríki
É
g er alin upp í ævintýra-
landi þar sem voru fáar
reglur. Við máttum ekki
fara á gömlu bryggjurn-
ar sem voru að hruni
komnar og margar götóttar en
ég fór stundum þangað með
pabba þegar afi var að koma af
sjónum. Stundum stálumst við
samt krakkarnir en við fórum
varlega, segir Herdís sem átti
sína bernsku á Siglufirði.
„Börn tóku þátt í öllu í þess-
um ævintýrabæ, við vorum í
kórum og kabarettsýningum,
leiksýningum og alltaf að æfa
einhverjar íþróttir jafnt sumar
sem vetur. Það var svo gott fólk
sem stóð að þessum hlutum á
Sigló að börnum var velkomið
að taka þátt í þessu öllu án þess
að það kæmu gíróseðlar heim
á undan þeim eins og hérna
fyrir sunnan þar sem börn eru
aðallega hugsuð sem fjáröfl-
un.“
Herdís er íhugul kona og
spáir í tilveruna og byrjaði
á því strax í bernsku. „Þegar
ég var lítil ætlaði ég að verða
stjörnufræðingur og búa alein
og ættleiða stelpu frá Kína af
því að það var svo mikil fátækt
þar. Á þessum aldri eru strák-
ar bara stríðnir og leiðinlegir,
þess vegna vildi ég bara verða
ein.“
Frá æsku hefur hún fengist
við sitthvað en stjörnurann-
sóknir hafa enn ekki verið
teknar föstum tökum hvað
sem framtíðin leiðir í ljós.
„Eftir að ég flutti suður klár-
aði ég Verzlunarskólann en
var á villigötum með hvað ég
vildi verða, langaði í lækna-
nám eða myndlistaskóla og
svo er alltaf draumurinn að
ljúka námi á þverflautu. Til að
vera aðeins hagsýn fór ég í við-
skiptafræði á meðan ég var að
hugsa um framtíðina. Það var
fínt að starfa við ráðgjöf og fjár-
stýringu en eftir hrunið varð
allt eitthvað svo neikvætt og
leiðinlegt að ég ákvað að gera
mína tilveru skemmtilegri og
fór í háskólann í lýðheilsu-
og kennslufræði. Þetta hefur
opnað mér svo marga glugga
og gefið mér nýja lífssýn. Við
þurfum að auka áhugaverðar
forvarnir í samfélaginu. Ég er
alveg heilluð af gildi forvarna.
Öflug og skynsamleg fræðsla
í skólum getur skilað ótrú-
lega miklum samfélagslegum
sparnaði,“ segir Herdís í full-
vissu þess að hjálpa verði fólki
að velja sér skynsamlegustu
leiðirnar í lífinu.
Hún er ekki kona einhöm
þegar kemur að áhugamálum,
í æsku hafði hún strax hasl-
að sér völl við leik- og tónlist
en um langt skeið hefur hún
málað og verk eftir hana prýða
veggi á heimili fjölskyldunnar.
„Það er gaman að fást við eitt-
hvað fleira en bara vinnuna
og lærdóm. Ég hef líka gaman
af að ferðast. Stundum verð-
ur maður fyrir svo sterkum
áhrifum á ferðalögum. Þegar
ég var í Suður-Ameríku í út-
skriftarferð vorum við að skoða
Iguazu-fossana og hópurinn
fór í einhverja ferð þarna um
en ég sat eftir heilluð af fegurð-
inni og þegar allir voru farnir
varð ég bergnumin af útsýninu
og því að láta hugann reika um
árþúsundin sem sorfið hafa
sig þarna. Eftir smástund fyllt-
ist allt af fallegum skærgulum
risastórum fiðrildum. Ég fann
svo mikla vellíðan. Svona held
ég að himnaríki sé, eitthvað þar
sem staður og stund eru ekki til
og maður finnur friðinn inni í
sér.“
Björt á brá mætir þessi hug-
ummikla kona því að verða
fertug á hvítasunnudag. „Ég
er búinn að gera svo margt á
skammri ævi þannig að það
er mikið ævintýri sem býður
mín í allri framtíðinni sem enn
er ólifuð og ókomin. Það hef-
ur aldrei verið nein lognmolla
í kringum mig og á ekkert eft-
ir að verða það. Það er búið að
gera heilmiklar kröfur á mig
um að halda veislu en allir
sem heimta veislu verða úti á
landi á afmælisdaginn. Krakk-
arnir mínir eru allir í íþróttum
og yngri strákurinn mun spila
þýðingarmikinn leik á sunnu-
daginn og ég verð þar til að
fylgjast með og hvetja hann til
dáða.
Við fjölskyldan fáum okkur
svo gott að borða og njótum
þess að láta okkur líða vel.
Veislan verður svo bara þegar
tími finnst.“
Fjölskylda Herdísar
n Foreldrar: Guðmundur Pálsson rekstrarstjóri f. 1951
Rósa S. Einarsdóttir þroskaþjálfi f. 1953
n Maki: Oddgeir Reynisson rekstrarstjóri f. 1969
n Börn: Guðmundur Róbert Oddgeirsson, fótboltamaður og gítarleikari,
f. 2000
Viktor Reynir Oddgeirsson, fótboltamaður og hugsuður, f. 2003
Stefanía Dís Oddgeirsdóttir, fimleikastjarna og söngfugl, f. 2005
n Systkin: Gyða Karen Guðmundsdóttir heilbrigðisstarfsmaður f. 1974
Haukur Guðmundsson verkfræðingur f. 1977
Sigríður Eir Guðmundsdóttir þroskaþjálfi f. 1981
Alin upp í ævintýralandi Herdís er alin upp á Siglufirði.
É
g er fæddur og upp-
alinn í Keflavík í hópi
bæjarvillinga sem þó
voru af betri gerðinni.
Það var mikið líf í bæn-
um á þessum árum og mikið
við að vera. Við fengumst við
allan fjandann, smíðuðum
mikið af kassabílum og ókum
eins og herforingjar á þeim
um allar götur. Stundum fór-
um við í kassabílakappakstur
á götum bæjarins og þá var nú
eins fallegt að aðrir bílar væru
ekkert að villast þar. Við feng-
um ótrúlega mikinn frið með
þetta og fólk var ekki mikið að
skipta sér af okkur. Sennilega
er skilningurinn tilkominn
af því að þeir sem við vorum
fyrir höfðu allir verið prakk-
arar líka, segir Ævar íbygginn
á svip.
Hann man ekki til þess að
hafa verið búinn að setja sér
nein áform um framtíðarstarf
þegar hann var barn en segir
þó að flugið hafi snemma
markað lífið enda nábýli við
stóran herflugvöll og miðstöð
millilandaflugs. „Flugið tosaði
alltaf í okkur sem ólumst upp
þarna, það var stöðug flugum-
ferð yfir bænum og sífellt vélar
að koma og fara,“ segir hann
og strýkur ryk af fisvél sem
hann er að gera upp.
Innan girðingar þar sem
Leifsstöð stendur nú var eins
konar flugvélakirkjugarður
og þangað komust krakkarnir
með því að skríða eins og
skæruliðar undir girðinguna
og eftir móunum að ónýtu vél-
unum. „Við skriðum þetta eins
og þeir gerðu í bíómyndunum
og komumst alltaf upp með
það, það var ótrúlega gaman
að leika í gömlu herflugvélun-
um. Þarna æfðum við í raun
bæði land- og lofthernað,“
segir þessi skemmtilegi flug-
áhugamaður og skellihlær.
Ævar fór í flugnám og hef-
ur mörg undanfarin ár flogið
á fisvélum um allt land. „Þetta
eru mögnuð tæki, maður
reimar þetta bara á sig og fer
í loftið, ég er búinn að fljúga
hringinn í kringum landið og
svo finnst mér alltaf skemmti-
legt að leika mér yfir Suður-
landi.“
Ævar hefur réttindi til að
kenna fólki á fisið og er líka
úttektaraðili, svona loftför eru
búin helstu öryggistækjum til
að geta fylgst með loftumferð í
kringum sig.
Það þarf ekki að koma á
vart að hann starfi í tengslum
við flugið, eins snaran þátt
og það hefur átt í lífi hans allt
frá því að hann lítill drengur
horfði á þoturnar koma og
fara í Keflavík. „Ég er núna
verkstjóri hjá flugfélaginu Erni
þar sem hinn þjóðþekkti flug-
kappi Hörður Guðmundsson
er við stjórnvölinn. Það er
ekki ónýtt að vinna með svona
mönnum enda er þetta ein-
hver besti vinnustaður sem
hægt er að hugsa sér,“ segir
Ævar ánægður og rennir aug-
um yfir flugskýlið sem er snyrt
og hreinsað eins og skurð-
stofa.
Þrátt fyrir allt sem þessi
maður hefur prófað í lofti sem
á jörðu man hann varla eftir
neinu sérstöku úr lífshlaupinu
eins og gengur með menn sem
eru lítið fyrir að bera sitt á torg.
„Kannski helst að sitji í mér að
koma til Kosovo rétt eftir að
stríðinu þar lauk. Það var svo
hörmulegt að sjá ástandið,
landið var í rúst og fólk mjög
hrætt og taugaveiklað. Núna
veit ég hvað við höfum það
ofboðslega gott hérna heima
þrátt fyrir allt tal um annað.
Við þurfum ekki að væla.“
Hann mætir tímamótun-
um með reistan makka. „Þetta
leggst vel í mig. Ég hef alltaf
verið á besta aldri, alveg frá því
ég man eftir mér. Þau ár sem
eftir eru verða ekki síðri ham-
ingja en þau sem búin eru.
Á afmælisdaginn sjálf-
an verður svo flugsýning á
Reykjavíkurflugvelli. Það er
ekki hægt að biðja um meira.“
Í hópi bæjarvillinga Fæddur og uppalinn í Keflavík.
Óáfengur
sumarkokteill
n Frísklegir óáfengir kokteilar eru
alveg nauðsynlegir í veisl­
urnar á sumrin. Að útbúa góðan
slíkan kokteil þarf hvorki að vera
flókið né kostnaðarsamt. Þessi
er líklega með þeim einfaldari,
en í hann þarf aðeins appelsínu­
og trönuberjasafa og svo að
sjálfsögðu klaka.
Uppskrift:
1 bolli appelsínusafi
1 bolli trönuberjasafi
klakar