Dagblaðið Vísir - DV - 25.05.2012, Blaðsíða 10

10 Fréttir 25.–27. maí 2012 Helgarblað

Þ
etta er fáránlegt, að menn
skuli ekki fara á kaf þarna og
sjást ekki meira. Þetta er ekk-
ert annað en kraftaverk,“ seg-
ir Grétar Einarsson, úr björg-
unarsveitinni Víkverja í Vík, sem kom
að björgun ferðafólks sem fór niður
með skriðu úr Lágey Dyrhólaeyjar á
fimmtudag. Fólkið féll heila fjörutíu
metra niður í Kirkjufjöru með hundrað
metra breiðri skriðu eftir að brún gaf
sig. Grétar segir fólkið hafa verið kom-
ið úr skriðunni þegar hann kom að því
og búið að koma sér niður í fjöru.
Fóru í aðgerð
Upp úr skriðurústunum komu karl og
kona. Maðurinn reyndist fótbrotinn
og var kallað eftir þyrlu Landhelgis-
gæslunnar til að flytja fólkið á Land-
spítalann í Fossvogi til aðhlynningar
og til að gæta fyllsta öryggis. Meiðsl
þeirra voru ekki talin lífshættuleg og
í raun ótrúlegt hversu vel þau sluppu
frá slysinu – þegar myndirnar hér
eru skoðaðar. Samkvæmt upplýsing-
um sem DV fékk á Landspítalanum
gekkst fólkið undir aðgerð sem átti
að vera lokið á fimmtudagskvöld. „Ég
held að þeim eigi eftir að bregða þeg-
ar þau sjá myndirnar frá þessu,“ segir
Grétar. Fyrstu fréttir af slysinu gáfu til
kynna að fjórir ferðamenn hefðu far-
ið niður með skriðunni en þeir reynd-
ust vera tveir. Gríðarmikill viðbúnaður
var vegna tilkynningarinnar um slysið
enda hljómaði hún ekki vel. Björgun-
arsveitir af Suðurlandi, björgunarskip
frá Vestmannaeyjum, fjallbjörgunar-
fólk af höfuðborgarsvæðinu og þyrla
Landhelgisgæslunnar voru kölluð til.
Á röngum stað á röngum tíma
„Það er ósköp einfalt, Dyrhólaey er
úr móbergi, sjórinn grefur undan
þessu auk þess sem bjargbrúnirnar
eru sprungnar svo þetta gefur sig
hreinlega,“ segir Halldór G. Pétursson
jarðfræðingur um það sem gerðist á
fimmtudag. Og svo virðist sem þau
hafi bara verið sérlega óheppin til að
byrja með.
„Ég á frekar von á því að þau hafi
bara verið svo óheppin að vera stödd
þarna á þeim tímapunkti sem þetta
gaf sig. En það getur vel verið að þetta
hafi verið orðið laust, verið sprungur
þarna, og þetta farið af stað með þau.
Það hafi verið kornið sem fyllti mæl-
inn. Þó þú hoppir og skoppir á heilu
bergi þá fer það ekkert af stað. Þetta
hefur bara verið tilbúið til að fara,“ seg-
ir Halldór og bætir við að svona hrun
úr móbergsklettum sé algengt á þess-
um árstíma. „Þau voru fyrst og fremst
ótrúlega heppin því þau fljóta ein-
hvern veginn ofan á þessu þegar þetta
fer niður.“
„EkkErt annað
En kraftavErk“
„Ég held að
þeim eigi eftir
að bregða þegar
þau sjá myndirnar
frá þessu
Mýrdalsjökull
Stórgrýti Hér má sjá björgunarsveitarmenn úr Víkverja í rústunum. Sumir hnullung-
arnir eru ógnarstórir.
Flutt á sjúkrahús Maðurinn og konan sluppu lifandi úr slysinu
en voru flutt með þyrlu LHG á Landspítalann.
Kraftaverk Eins og sjá má hér er skriðan
sem féll engin smásmíði og sluppu
ferðamennirnir með ólíkindum vel.
Sigurður Mikael Jónsson
blaðamaður skrifar mikael@dv.is
Birgir Olgeirsson
blaðamaður skrifar birgir@dv.is
n Ferðamenn fóru 40 metra niður með gríðarstórri skriðu