Dagblaðið Vísir - DV - 25.05.2012, Blaðsíða 60

Tryggvi Tilbúinn
Klár í slaginn Tryggvi mun reima á
sig skóna fyrir leik ÍBV gegn Stjörnunni
á þriðjudaginn kemur. mynd róbert reynisson
60 Sport 25.–27. maí 2012 Helgarblað
Gæti sett mark sitt á leikinn
n Umdeild marklínutækni verður reynd í vináttulandsleik englands og belgíu
Þ
úsundir aðdáenda víða um
heim hafa gegnum tíðina
orðið pirraðir og bölvað þeg-
ar bolti rennur inn fyrir mark-
línu í miðjum leik en dómari leiksins
eða línuverðir annaðhvort sjá það
ekki eða fallast ekki á það hafi verið
raunin. Nú er loks komið að því að
prófa sérstaka tækni í landsleik sem
á umsvifalaust að gefa dómara leiks-
ins merki fari bolti nógu mikið yfir
marklínu til að teljast fullgilt mark.
Verður tæknin reynd í fyrsta
landsleik nýs landsliðsþjálfara Eng-
lands, Roy Hodgson, en hann stýr-
ir liðinu gegn Belgum þann 2. júní
á Wembley. Á þeim leik verða full-
trúar frá Alþjóða knattspyrnu-
sambandinu, FIFA, auk fjölda
tæknimanna frá enska knattspyrnu-
sambandinu og framleiðendum
þess búnaðar sem notaður verður.
Eiga þessir aðilar í kjölfarið að fara
yfir niðurstöðurnar og meta hvort
slík marklínutækni er eitthvað sem
taka eigi upp almennt í knattspyrnu
en mjög hefur verið eftir slíku kallað
um langt skeið.
Ekki mun þó búnaðurinn hafa
nein áhrif á leik Englands og Belgíu
því aðeins er um tilraun að ræða og
gögnin munu ekki berast dómara
eða línuvörðum heldur eingöngu
tæknimönnum. Þá hafa forráða-
menn enska knattspyrnusambands-
ins staðfest að jafnvel þó tilraunir
gangi vel verði slíkur búnaður ekki
notaður á næstu leiktíð í Englandi.
Líklega mun þurfa ákvörðun FIFA til
að marklínubúnaður verði hluti af
leiknum í framtíðinni.
albert@dv.is
É
g vil meina að ég hafi að sjálf-
sögðu úthald í 90 mínútna leik
en þjálfarinn verður að meta
það þegar þar að kemur,“ seg-
ir markahrókurinn Tryggvi
Guðmundsson hjá ÍBV. Hann hefur
verið fjarri góðu gamni í fyrstu um-
ferðum Pepsi-deildar karla þetta
sumarið en aðdáendur liðsins geta
glaðst á þriðjudaginn kemur þegar
Eyjamenn fá Stjörnuna úr Garðabæ
í heimsókn. Tryggvi verður í hópn-
um.
enginn bilbugur
Tryggvi segir mikla tilhlökkun að
spila á nýjan leik en hann fékk ekki
leyfi lækna til að fara fyrr af stað sök-
um blóðtappa sem hann greind-
ist með í fæti fyrr í vetur. Hefur
hann verið á blóðþynningarlyfjum
frá mars síðastliðnum vegna þess.
„Það er ekki svo að ég hafi ekki get-
að hreyft mig eða spilað fótbolta
þennan tíma heldur höfðu læknarn-
ir áhyggjur af að ég gæti lent í sam-
stuði sem hefði gert illt verra. Það er
þess vegna sem ég hef ekki farið fyrr
af stað en nú. Ég tel mig samt geta
hjálpað liðinu þó kominn sé á aldur
og ég verð klár í slaginn gegn Stjörn-
unni.“
skiptir ekki máli
hvaðan gott kemur
Aðspurður út í fjölda erlendra leik-
manna hjá ÍBV, en nokkurrar gagn-
rýni hefur gætt vegna fjöldans, seg-
ir Tryggvi þá umræðu á villigötum.
„Hvað mig varðar skiptir ekki máli
hvaðan gott kemur heldur aðeins
hvort viðkomandi leikmenn séu
nógu góðir til að styrkja hópinn og
efla liðið. Það er ekki hlaupið að því
að finna góða leikmenn hér á Íslandi
og þess vegna verða félög eins og
ÍBV að leita víðar. Hvaðan nákvæm-
lega þeir koma finnst mér bara engu
skipta. En vissulega hefur gengið
fyrstu leikina verið verra en vonir
stóðu til. Ég held reyndar að þetta
komi þegar hópurinn fer að slípast
saman en það getur tekið tíma.“
baráttan við bakkus
Athygli vakti skömmu áður en Ís-
landsmótið hófst þegar Tryggvi var
stöðvaður drukkinn undir stýri í
Vestmannaeyjum. Komst sá kvittur
á kreik að það væri ástæða þess að
Tryggvi spilaði ekki fyrstu leiki ÍBV
þetta sumarið en því fór fjarri. Sjálf-
ur er Tryggvi fáorður um það atvik.
„Þetta var augnabliks hugsunarleysi
hjá mér og ég gerði einfaldlega mis-
tök. Í kjölfarið fór ég beint á Vog til
að taka á þessu og tel mig hafa lært
mína lexíu.“
n Markahrókurinn klár í sinn fyrsta leik eftir veikindi og meðferð á Vogi„Ég gerði
einfald-
lega mistök
Albert Örn Eyþórsson
blaðamaður skrifar
City á pari
við Madrid?
Argentínumaðurinn Sergio Aguero
meina að City sé á pari við Madrid
að því fram kom í viðtali við knatt-
spyrnukappann á spænskri út-
varpsstöð í gær. Sagði hann af og
frá að hann hefði áhuga á að fara
frá City að sinni jafnvel þó orðróm-
ur þess efnis að Real Madrid íhugi
tilboð í sumar gangi víða. „Ég er
mjög ánægður hjá City og á mikið
eftir af samningi mínum við liðið.
Ég tel að Manchester City sé nú að
nálgast að vera á pari við stórlið
Evrópu á borð við Real Madrid og
Barcelona og ég vil gjarnan vera
hluti af því að koma City endanlega
í þann félagsskap.“
EM 2020
í þremur
löndum?
Írland, Skotland og Wales munu
líklega formlega sækja um að halda
Evrópukeppnina í knattspyrnu
saman árið 2020 en mikill áhugi er
á því meðal þeirra allra. Ekki þykir
skemma fyrir þeirri hugmynd að
forseti UEFA, Michel Platini, hefur
sagt að ekki komi til greina að
Istanbúl fái bæði Evrópukeppnina
í knattspyrnu og Ólympíuleikana
sama árið en Tyrkir hafa sótt um
báða viðburði árið 2020.
Bless og takk
fyrir allt liðið
Í dag fer fram allra síðasti leikur
Pep Guardiola með Barcelona þeg-
ar liðið mætir Athletic Bilbao í úr-
slitum spænska Konungsbikarsins.
Telja velflestir sparkspekingar eng-
an vafa leika á að Guardiola vinni
þar sinn síðasta titil með Börsung-
um. Ekki þar fyrir að Bilbæingar séu
lömb að leika sér við heldur hefur
gengi þessara tveggja félagsliða
upp á síðkastið verið svart og hvítt.
Barcelona hefur unnið síðustu
fimm leiki sína meðan Bilbao hefur
tapað síðustu fimm leikjum sínum
og það án þess að skora eitt einasta
mark. Vinni Barcelona verður það
fjórtándi titillinn sem félagið vinnur
undir stjórn Guardiola.
1,4 milljarðar
fyrir Gylfa?
Forráðamenn Swansea eru þög-
ulir um þær fréttir í þýskum
miðlum að enska liðið hafi boðið
Hoffenheim 1,4 milljarða króna
fyrir landsliðsmanninn Gylfa Þór
Sigurðsson. Það fullyrðir þýska
blaðið Bild en upphæðin, sé hún
rétt, er mesta upphæð sem Swan-
sea hefur nokkru sinni greitt fyrir
leikmann. Sjálfur vill Gylfi gjarn-
an vera áfram hjá liðinu enda
gekk honum vel þar í vetur eftir að
hann kom á láni frá þýska liðinu.
inni eða úti? Loks verður sérstakur tæknibúnaður notaður í landsleik. Eftir það á enginn
vafi að leika á hvort bolti fer inn fyrir marklínu eða ekki.