Dagblaðið Vísir - DV - 25.01.2013, Blaðsíða 4

Björn dæmdur í Hæstarétti
n Sleppur við að greiða miskabætur til Jóns Ásgeirs Jóhannessonar
B
jörn Bjarnason, fyrrverandi
dómsmálaráðherra, þarf sam­
kvæmt dómi Hæstaréttar ekki
að greiða miskabætur til Jóns
Ásgeirs Jóhannessonar fyrir ærumeið­
andi ummæli. Björn var í héraði
dæmdur til að greiða Jóni Ásgeiri alls
900 þúsund krónur í málskostnað
og miskabætur fyrir að fullyrða í bók
sinni, Rosabaugur yfir Íslandi, að Jón
Ásgeir hafi verið sakfelldur fyrir fjár­
drátt. Ummæli um slíkt voru sett fram
í fyrstu prentun bókarinnar en að
hluta til leiðrétt í öðru upplagi hennar
þar sem Jón Ásgeir hafði hótað máls­
höfðun.
Jón Ásgeir krafðist einnig afsök­
unarbeiðni af hálfu Björns sem skrif­
aði í kjölfarið grein í Morgunblaðið þar
sem hann baðst afsökunar að hafa sagt
Jón Ásgeir dæmdan fyrir fjárdrátt og
sagðist ætla að leiðrétta það í bókinni.
Jón Ásgeir sagði afsökunina hafa ver­
ið „í skötulíki“ og fór með málið fyrir
dóm. Í annarri prentun bókarinnar var
enn fullyrt á einum stað að Jón Ásgeir
hafi verið sakfelldur fyrir fjárdrátt og
var Björn dæmdur fyrir þau ummæli.
Í dómi Héraðsdóms Reykjavíkur
segir að bókin hafi þann brag að um
staðreyndir sé að ræða. Björn bar því
fyrir sig að hann hafi með bókinni
verið að svara árásum Jóns Ásgeirs á
sig, en dómurinn sagði það ekki rétt­
læta rangar fullyrðingar. Hann var því
dæmdur fyrir ummælin en þar sem
hann baðst afsökunar þurfti hann ekki
að sæta refsingu vegna þeirra.
Hæstiréttur var ósammála þessu.
„Verður að telja að hin ómerktu um­
mæli hafi upphaflega verið sett fram
vegna mistaka,“ segir í dómi Hæsta­
réttar og mat rétturinn sem svo að
þar sem Björn hafi beðist afsökunar,
skuli fella niður málskostnað og engar
miskabætur greiddar, þrátt fyrir að
ummælin hafi verið til staðar í öðru
upplagi bókarinnar. n
simon@dv.is
Ljósabúnaður
of oft í ólagi
Fyrstu tvær helgar þessa mánaðar
framkvæmdi lögreglan á höfuð­
borgarsvæðinu talningu á því
hversu mörg ökutæki væru án
annars eða beggja aðalljósa að
framan. Talning fór fram á átta
vegarköflum stofnbrauta á höf­
uðborgarsvæðinu. Talning fór
fram tólf sinnum alls og stóð yfir í
fimmtán mínútur í senn. Á fjórum
vegarköflum var því talið tvisvar á
mismunandi tímum.
Í tilkynningu frá lögreglu kem­
ur fram að alls hafi 2.962 ökutæki
verið talin og reyndist ljósabúnaði
áfátt hjá 228 þeirra, eða í 7,7 pró­
sentum tilvika. Er þá átt við bif­
reiðar þar sem vantaði annað eða
bæði aðalljós að framan.
Önnur sambærileg talning fór
fram um síðustu helgi þar sem þó
var einungis kannað hversu mörg
ökutæki væru án beggja aðalljósa
að framan. Sú talning var viða­
minni, fór fram á tveimur vegar­
köflum og stóð yfir í 30 mínútur í
senn. Alls voru 829 ökutæki talin
og kom í ljós að einungis þrjú
þeirra reyndust með hvorugt aðal­
ljós logandi, eða 0,4 prósent öku­
tækja. Niðurstaða sambærilegrar
talningar Umferðarstofu frá árinu
2011 sýndi að 1 prósent ökutækja
í umferð á höfuðborgarsvæðinu
væri án aðalljósa að framan.
Lögreglan stefnir að því að
gera fleiri sambærilegar kannan­
ir á þessu ári og þeim næstu, eftir
atvikum í samstarfi við Umferð­
arstofu, með það að markmiði að
greina umfang vandans og þróun
með mögulegar aðgerðir í huga.
Herferð gegn
niðurhali
Á fimmtudaginn var átaki gegn
ólöglegu niðurhali á Íslandi
hrundið af stað, en megintil­
gangur þess er að vekja athygli á
því hvernig dreifing og niður­
hal á höfundarvörðu efni getur
haft áhrif á afkomu listamanna
og annarra sem starfa í skapandi
greinum. Hefur vefsíðan tonlis­
togmyndir.is verið opnuð í til­
efni þessa en einnig verða birtar
auglýsingar í fjölmiðlum. Vonast
aðstandendur átaksins eftir vit­
undavakningu í kjölfarið. Það
eru SMÁÍS, STEF OG SFH sem
standa, ásamt öðrum, að átakinu.
Fyrir dómi Björn Bjarnason sagði Jón Ásgeir
Jóhannesson dæmdan fyrir fjárdrátt. Það er
rangt og því voru ummælin, sem standa í bók
Björns Rosabaugur yfir Íslandi, dæmd ómerk.
E
mbætti lögreglunnar á höf­
uðborgarsvæðinu hefur
gefið út ákæru á hendur
Jóni Snorra Snorrasyni,
lektor við viðskiptafræði­
deild Háskóla Íslands. Verður
málið þingfest fyrir Héraðsdómi
Reykjavíkur nú á mánudaginn,
þann 28. janúar, en þetta kemur
fram á heimasíðu dómstólsins.
Málið snýst um meint brot sem
Jóni Snorra er gefið að sök í tengsl­
um við starfsemi iðnfyrirtækisins
Sigurplasts í Mosfellsbæ. Hann var
bæði stjórnarformaður fyrirtækis­
ins og einn eigenda þess áður en
það var tekið til gjaldþrotaskipta
haustið 2010. DV hefur hins vegar
ekki fengið ákæruna afhenta og
ekki var búið að birta Jóni Snorra
hana í gær samkvæmt heimildum
blaðsins. Ekki er hægt að fá afrit af
ákæru fyrr en þrír dagar eru liðnir
frá því að lögreglan hefur birt hin­
um ákærða hana.
Fór í mál við DV
DV fjallaði ítarlega um málefni
Sigurplasts í mars árið 2011. Sagði
blaðið þá frá því að meint brot
fyrrverandi stjórnenda þess væru
komin til rannsóknar hjá lög­
reglunni. Grunur leikur á að margs
konar lögbrot, allt frá skattalaga­
brotum, skilasvikum, umboðs­
svikum til fjárdráttar, hafi átt sér
stað í rekstri iðnfyrirtækisins frá
árinu 2007 og þar til það var tek­
ið til gjaldþrotaskipta haustið
2010. Skiptastjóri Sigurplasts,
Grímur Sigurðsson, og Arion
banki, aðalkröfuhafi félagsins,
kærðu viðskiptahætti Sigurplasts
til efnahagsbrotadeildar ríkislög­
reglustjóra og skattrannsóknar­
stjóra á fyrri helmingi ársins 2011.
Sagði DV einnig frá skýrslu sem
endurskoðendafyrirtækið Ernst og
Young vann fyrir þrotabú félags­
ins. Samkvæmt skýrslunni benti
margt til þess að bæði Jón Snorri
og Sigurður L. Sævarsson, fyrrver­
andi framkvæmdastjóri félagsins,
hafi vitað að fyrirtækið var orðið
tæknilega gjaldþrota löngu áður
en það var formlega tekið til gjald­
þrotaskipta. Fyrirtækið skuldaði
þá Arion banka um 1.100 milljónir
króna. Jón Snorri var hins vegar
mjög ósáttur við skrif blaðsins og
taldi að umfjöllun DV hefði með­
al annars vegið að einkalífi hans,
æru og starfsheiðri með ólögmæt­
um hætti. Þá hafi myndbirting ver­
ið sérlega meiðandi.
Samkvæmt dómi héraðsdóms
sem Hæstiréttur staðfesti í des­
ember 2012 var ritstjórum og
fréttastjóra DV gert að greiða Jóni
Snorra 200.000 krónur í miskabæt­
ur vegna greina sem birtust í DV
14.–15. mars 2011. Var þeim einnig
gert að greiða 200.000 krónur vegna
kostnaðar við birtingu dómsins
og 500.000 krónur í málskostn­
að. Ummælin sem dæmd voru
dauð og ómerk í Hæstarétti voru:
„Lögreglan rannsakar lektor“ og
„Lektor í Viðskiptafræði flæktur í
lögreglurannsókn.“ Komust dóm­
stólar að þeirri niðurstöðu að mál
Jóns Snorra hafi verið til „skoðun­
ar“ á þeim tíma sem DV fjallaði
um málið en hafi á þeim tíma ekki
formlega verið komið til „rann­
sóknar“. Nú er hins vegar ljóst að
lögreglan hefur rannsakað málið
og ákveðið í framhaldinu að ákæra
Jón Snorra.
Háskólinn bíður eftir ákærunni
Jón Snorri hefur verið starfandi
sem lektor við viðskiptafræðideild
Háskóla Íslands undanfarin ár.
Um tíma var hann einnig forstöðu­
maður MBA­náms skólans en á
heimasíðu háskólans má sjá að
hann er skráður kennari í þremur
fögum innan viðskiptafræðideild­
ar nú á vorönn. DV leitaði við­
bragða hjá skrifstofu rektors Há­
skóla Íslands til þess að spyrjast
fyrir um hvernig háskólinn hygð­
ist bregðast við því að gefin hefði
verið út ákæra á hendur einum af
kennurum skólans. Var erindinu
vísað til Ólafs Þ. Harðarsonar, for­
seta félagsvísindasviðs sem við­
skiptafræðideild heyrir undir.
„Við erum að skoða þetta og
tökum það auðvitað mjög alvar­
lega þegar starfsmaður háskólans
er ákærður. Það verða hins vegar
ekki teknar neinar ákvarðanir fyrr
en við höfum séð ákæruna,“ segir
Ólafur Þ. Harðarson í samtali við
DV. Því verði líklega ekki tekin
ákvörðun um það hvernig brugð­
ist verður við umræddri ákæru á
hendur Jóni Snorra Snorrasyni
fyrr en eftir helgi. Engar fastmót­
aðar reglur séu til innan Háskóla
Íslands um það hvernig bregðast
skuli við því þegar starfsmenn há­
skólans eru ákærðir í tengslum við
lögreglurannsókn. Ólafur áréttar
hins vegar að menn séu saklausir
uns sekt hefur verið sönnuð en um
starfsmenn háskólans gilda lög um
réttindi og skyldur starfsmanna
ríkisins. n
LEKTOR við hásKóLann
áKæRðUR aF LÖGREGLU
n Háskóli Íslands bíður með viðbrögð þar til skólinn hefur fengið ákæruna
Annas Sigmundsson
blaðamaður skrifar as@dv.is
Ákærður Samkvæmt heimasíðu
Héraðsdóms Reykjavíkur hefur embætti
lögreglunnar á höfuðborgarsvæðinu
nú gefið út ákæru á hendur Jóni Snorra
Snorrasyni, lektor við viðskiptafræðideild
Háskóla Íslands, í Sigurplastsmálinu. Á
samsettu myndinni sjást höfuðstöðvar
Sigurplasts í Mosfellsbæ og Jón Snorri.
Bíða eftir ákærunni Ólafur Þ. Harðar-
son, forseti félagsvísindasviðs HÍ, segir að
engar ákvarðanir varðandi áframhaldandi
störf Jóns Snorra verði teknar fyrr en þeir
hafi séð ákæruna á hendur honum.
„Við erum
að skoða
þetta.
4 Fréttir 25.–27. janúar 2013 Helgarblað