Dagblaðið Vísir - DV - 25.01.2013, Blaðsíða 10

10 Fréttir 25.–27. janúar 2013 Helgarblað
Árás á hóteli
n Skallaði og hrækti á hótelstarfsmann
L
ögreglan á höfuðborgarsvæðinu
fékk tilkynningu um líkamsárás
í Hafnarfirði um þrjú leytið að­
faranótt fimmtudags. Þar hafði
starfsmaður hótels orðið fyrir árás
einstaklings sem komið hafði í af­
greiðsluna. Í tilkynningu frá lögreglu
kemur fram að árásaraðilinn hafi
fyrst hrækt á starfsmanninn og skall­
að hann síðan. Starfsmaður hótels­
ins hlaut blóðnasir og sagðist vera
aumur í andlitinu eftir barsmíðarnar.
Hann ætlaði sjálfur að fara á slysa­
deild til að láta gera að sárum sínum.
Lögreglan á höfuðborgar­
svæðinu stöðvaði einnig bifreið í
Hafnarfirði seint á miðvikudags­
kvöld. Ökumaðurinn er grunaður
um akstur undir áhrifum fíkniefna
og vörslu fíkniefna. Þá reyndist
hann auk þess aka bifreiðinni án
þess að hafa ökuréttindi. Eftir mið­
nætti aðfaranótt fimmtudags var
ökumaður stöðvaður í austurbæ
Reykjavíkur. Hann er grunaður um
akstur undir áhrifum fíkniefna og
áfengis. n
7,5 milljarða
framtaks-
sjóður
Stefnir hf. hefur nú lokið fjármögn­
un á 7,5 milljarða framtakssjóði,
Stefni íslenska athafnasjóðnum II
(SÍA II). Hluthafar í sjóðnum eru
um 30 talsins og samanstanda af
lífeyrissjóðum, fjármálafyrirtækj­
um og fagfjárfestum. Í tilkynningu
frá fyrirtækinu kemur fram að það
hafi nú þegar fjárfest fyrir rúmlega
16 milljarða í íslensku atvinnulífi.
Þar kemur jafnframt fram
að stefna SÍA II sé að fjárfesta í
óskráðum fyrirtækjum sem hafa
sýnt fram á góðan rekstrargrund­
völl og hafa tækifæri til frekari
virðisaukningar fyrir hluthafa.
„Mikil þörf er fyrir aukið eigið fé í
íslensku atvinnulífi til að efla fjár­
festingar, stuðla að vexti og takast á
við breytt rekstrarumhverfi,“ segir í
tilkynningu Stefnis.
SÍA II framtakssjóðurinn er
stofnaður í framhaldi af SÍA I sem
var um 3,4 milljarðar króna að
stærð en hefur ásamt meðfjár­
festum fjárfest fyrir rúmlega 16
milljarða króna í Högum, Sjóvá,
66°Norður og Jarðborunum. SÍA
I hefur nú þegar selt hluti sína í
66°Norður auk þess sem sjóður­
inn hefur afhent sjóðsfélögum
öll hlutabréf sín í Högum, en sú
fjárfesting nam um þriðjungi af
heildarstærð sjóðsins. Sjóðurinn
stefnir að því, ásamt meðfjárfest­
um, að skrá hluti sína í Sjóvá í
Kauphöllinni fyrir árslok en sam­
anlagður eignarhlutur aðila er
um 73 prósent í gegnum samlags­
hlutafélagið SF I.
Aumur eftir árás
Starfsmaðurinn á hótelinu hlaut blóðnasir
og eymsli í andliti við árásina.
É
g heyrði hrópað: „Það liggur
maður á botninum!“ Ég var
þarna næst svo ég fór nátt­
úrulega strax að, segir Trausti
Sveinsson, sem var einn þeirra
sem kom eldri manni til bjargar sem
fékk hjartáfall í Laugardalslauginni
á sunnudaginn. Trausti hafði verið
að synda í lauginni og maðurinn
einnig.
Kona hafði komið auga á mann­
inn þar sem hann lá á botni dýpri
enda laugarinnar: „Hún hafði séð
hann hverfa ofan í laugina, hann
hékk á korkinum fyrst en svo hvarf
hann niður,“ segir Trausti. Konan
kallaði á hjálp eftir að hafa reynt
að koma manninum til hjálpar:
„Það tókst ekki og þá kallaði hún á
hjálp.“
„Hann var alveg helblár“
Trausti segir manninn hafa verið
meðvitundarlausan, en honum
tókst að koma manninum upp úr
lauginni og á ísi lagðan bakkann.
„Ég hóf strax lífgunartilraunir. Ég
hef reyndar ekki lært það – ég hélt
að þetta væri í takt við hjartslátt,
en sennilega á að gera þetta hrað­
ar,“ segir Trausti. Hann segir erfitt
að átta sig á því hversu langur tími
hafi liðið áður en sjúkrabíllinn kom
á staðinn, en myndavélarnar munu
hafa sýnt fram á að maðurinn hafi
verið þrjár mínútur í kafi. „Hann
var náttúrulega alveg helblár. Þegar
sjúkrabíllinn kom þá fannst mér
vera svolítið líf í honum, einhver
öndun, en hann var í hjartastoppi.“
Maðurinn var í stöðugu ástandi á
spítalanum í kjölfar atviksins.
„Ég var bara með“
Aðspurður hvaða áhrif atvikið hafi
haft á hann, segir Trausti að hann
hafi í hyggju að fara á skyndihjálpar­
námskeið. „Eftir á fer maður að
hugsa hvernig þetta var allt saman.
Það þurfa öll viðbrögð að vera mjög
skjót, það gildir öllu.“
Trausti er úr Fljótunum og fer
oft upp á Holtshyrnu, sem er í um
fimm hundruð metra hæð, en þar
má finna laug sem gott er að baða
sig í og hlaupabrautir. „Það er svo
mjúkt undir fæti að vera berfættur
á hlaupabrautinni. Þetta er fínasta
líkamsrækt, að fara þarna upp að
synda og hlaupa, og svo niður aftur.“
Trausti segir það grundvallaratriði
að kunna skyndihjálp enda stefnir
hann að því að fara með ferðamenn
þangað í auknum mæli og þarf ör­
yggið að vera í fyrirrúmi – mikilvægt
sé að hafa með stuðtæki.
En Trausti segir atvikið í Laugar­
dalslauginni hafa verið mikilvæga
upplifun. „Ég verð sjötugur núna
í lok mánaðarins, mér finnst þetta
vera yndisleg upplifun – og góð af­
mælisgjöf – að koma öðrum til
hjálpar. Ég var reyndar ekkert að
bjarga honum – ég sótti hann á
botninn og var í að hnoða hann en
ég var fyrst og fremst bara einn af
mörgum.“ n
Hraustmenni Trausti
Sveinsson var einn þeirra
sem kom að manni sem hafði
fengið hjartaáfall í Laugar-
dalslauginni. Trausti kafaði
á botn djúpu laugarinnar til
þess að sækja manninn.
Mynd: Sigtryggur Ari
Bjargaði mannslífi
í Laugardalslaug
n Trausti Sveinsson úr Fljótum hnoðaði mann til lífs á ísi lögðum bakkanum
Símon Örn Reynisson
blaðamaður skrifar simon@dv.isKraumandi
gambri á
Grímsnesi
Lögreglumenn í Árnessýslu
fundu hátt í 200 lítra af gambra
á heimili manns á Grímsnesi á
fimmtudaginn. Gambrinn var
ekki fullgerður og enn kraum­
aði í honum þegar lögreglu­
menn gerðu hann upptækan.
Að auki haldlögðu lögreglu­
menn 50 lítra af landa. Lög­
reglan gerði vökvann upptæk­
an ásamt eimingartækjum og
öðrum búnaði sem notaður var
til framleiðslunnar. Maðurinn
var handtekinn og færður til
yfir heyrslu hjá lögreglunni.
Laugin á Holtshyrnu Trausti ætlar á
skyndihjálparnámskeið, til að vera til taks ef
ferðamönnum fatast sundið.