Dagblaðið Vísir - DV - 25.01.2013, Blaðsíða 6

Hafa náð í nýtt hlutafé Jón Ólafsson
og aðrir stjórnendur vatnsverksmiðjunnar
Icelandic Glacial hafa náð að fá erlenda
fjárfesta til að setja fé í fyrirtækið. Tap
upp á 1.200 milljónir var þó á rekstrinum.
6 Fréttir 25.–27. janúar 2013 Helgarblað
Sverrisson ekki Geirmundsson
n Gerð voru mistök við skil á ársreikningi Fasteignafélags Suðurnesja
Í
prentútgáfu DV á miðviku-
daginn, og á DV.is sama dag,
kom fram að sonur spari-
sjóðsstjórans í Keflavík, Sverr-
ir H. Geirmundsson, hefði átt 20
prósenta hlut í Fasteignafélagi
Suðurnesja. Þetta kemur fram í til-
kynningablaði til Ríkisskattstjóra
frá endurskoðanda félagsins sem
fylgdi ársreikningi Fasteignafé-
lags Suðurnesja fyrir árið 2008 en
frétt DV byggði meðal annars á
honum. Þar er Sverrir Geirmunds-
son sagður stjórnarmaður, fram-
kvæmdastjóri og 20 prósenta hlut-
hafi í félaginu.
Skiptum er lokið á félaginu og
þurfa kröfuhafar þess að afskrifa
246 milljóna króna kröfur á hend-
ur því. Sverrir Geirmundsson, son-
ur Geirmundar Kristinssonar, fyrr-
verandi sparisjóðsstjóra í Keflavík,
átti hins vegar ekkert í félaginu
heldur nafni hans Sverrir Sverris-
son, athafnamaður í Reykjanesbæ.
Svo virðist sem mistök hafi
verið gerð af endurskoðanda Fast-
eignafélags Suðurnesja þegar
tilkynningablaðinu sem fylgdi
ársreikningnum var skilað til rík-
isskattstjóra og að nafni Sverris
Geirmundssonar hafi verið ruglað
saman við nafn Sverris Sverris-
sonar. Það var Sverrir Sverrisson
sem átti hlut í Fasteignafélagi
Suðurnesja en ekki Sverrir Geir-
mundsson.
Þessi leiðu mistök við árs-
reikningaskil Fasteignafélags
Suðurnesja skiluðu sér inn í frétt
DV um gjaldþrot félagsins þar sem
gengið er út frá því að upplýsingar
í ársreikningum séu réttar. Frétt
DV.is um málið hefur verið breytt
í ljósi þessarar villu og leiðrétt-
ist nafnaruglið úr ársreikningnum
hér með einnig á prenti. n
Mál Þórlaugar Ágústsdóttur:
Ungir piltar
héldu úti
vefsíðunni
Stjórnmálafræðingurinn Þórlaug
Ágústsdóttir hefur tilkynnt pilta
á aldrinum 15–20 ára til barna-
verndarnefndar á Húsvík en þeir
munu bera ábyrgð á umdeildri
Facebook-síðu sem tók hana með-
al annars fyrir með fremur ógeð-
felldum hætti á dögunum.
DV sagði meðal annarra frá
málinu sem varðar Facebook-síð-
una „Karlar eru betri en konur“
þar sem birst hafði mikið magn
af kvenhaturstexta og myndum.
Meðal þeirra sem urðu fyrir
barðinu á netníðingunum var
Þórlaug sem reynt hafði að rök-
ræða við aðstandendur síðunnar
um skaðsemi þess efnis sem þar
birtist.
Brugðust þeir við gagnrýninni
með því að birta mynd af henni
þar sem notað hafði verið mynd-
vinnsluforrit til að teikna áverka á
hana undir textanum: „Konur eru
eins og gras, það þarf að slá þær
reglulega.“
Við tók síðan barátta Þórlaugar
til að fá myndina fjarlægða og
sem og barátta hennar gegn fálæti
forsvarsmanna Facebook. Málið
var tekið upp í fjölmörgum fjöl-
miðlum víða um heim í kjölfar-
ið. Svo fór að myndin var fjarlægð
og Facebook baðst afsökunar á að
hafa ekki brugðist fyrr við ítrekuð-
um kvörtunum vegna síðunnar.
Akureyri Vikublað greinir nú
frá því að Þórlaug hafi komist að
því hverjir standi að baki síðunni.
Greint er frá því á vef blaðsins að
um sé að ræða unga pilta sem
búsettir eru í foreldrahúsum á
Norður landi. Þórlaug ákvað því að
kæra ekki málið til lögreglu.
„Þegar þeir búa í foreldrahús-
um þá finnst mér augljóst að um
ákveðið foreldravandamál sé að
ræða,“ hefur blaðið eftir henni.
Biðlar hún til foreldra á Norður-
landi að ræða við börn sín um
hegðun á netinu og virðingu fyrir
öðrum.
Þórlaug segir jafnframt að eitt
gott hafi þó komið út úr málinu,
jafnréttismál hafi fengið verð-
skuldaða umræðu.
Vatnsverksmiðja Jóns
tapaði 1,2 milljörðum
n Eignir vatnsverksmiðjunnar verðmetnar hátt n Bjartsýni gætir
V
atnsverksmiðja Jóns Ólafs-
sonar í Ölfusi, sem fram-
leiðir og selur vatn undir
heitinu Icelandic Glacial,
tapaði rúmlega 9,9 millj-
ónum dollara árið 2011. Í íslensk-
um krónum var tapið rúmlega 1.200
milljónir króna, sé miðað við verð-
gildi krónunnar og dollarans í lok árs
2011. Þetta kemur fram í ársreikningi
móðurfélags vatnsverksmiðjunnar,
Icelandic Water Holdings ehf., sem
skilað var til ársreikningaskrár ríkis-
skattstjóra í mars á síðasta ári.
Jón Ólafsson er stærsti hluthafi
fyrirtækisins með tæplega 25 pró-
senta eignarhlut en sonur hans,
Kristján Ólafsson, er sá næst stærsti
með 20 prósenta hlut. Anheuser-
Busch á einnig 20 prósent.
Þrátt fyrir þetta tap vatnsverk-
smiðjunnar árið 2011 kemur fram í
skýrslu stjórnar og forstjóra félags-
ins, Jóns Ólafssonar, að rekstrarárið
hafi verið „ótrúlegt“. Þessi „ótrúlegi“
árangur snýst þó ekki um hagnað
fyrirtækisins heldur um aukna sölu,
dreifingu, fjármögnun og markaðs-
setningu á Icelandic Glacial: „2011
var annað ótrúlegt ár fyrir fyrirtæk-
ið; auk meiri sölu, dreifingar og fjár-
mögnunar þá höfum við orðið vitni
að áframhaldandi sókn Icelandic
Glacial sem heimsins besta drykkjar-
vatn með tilliti til gæða og sjálf-
bærni.“
Verðmat á vatnslindunum
Skráðar eignir móðurfélags vatns-
verksmiðjunnar námu tæplega 149
milljónum dollara, eða rúmlega 18
milljörðum króna, í lok árs 2011.
Þar af er verksmiðjan sjálf, búnað-
ur tengdur henni og landið sem
verksmiðjan stendur á metin á ríf-
lega 100 milljónir dollara. Stærsti
hluti þessarar upphæðar er verð-
mat á vatnslindunum sem drykkjar-
vatn Icelandic Glacial er tappað úr
en samkvæmt ársreikningnum voru
það „sjálfstæðir sérfræðingar“ sem
verðmátu lindirnar. Í júlí 2011 voru
vatnslindirnar endurmetnar og var
það niðurstaða sérfræðinganna að
verðmæti lindanna næmi 135 millj-
ónum dollara. Ekki er tekið mið af
þessu verðmati í ársreikningnum
heldur eldra mati. Þessar vatnslindir
eru hins vegar, og þrátt fyrir þetta,
bókfærðar sem efnislegar eignir.
Dreifingarsamningur félagsins
við bandaríska fyrirtækið Anheuser-
Busch er sömuleiðis verðmetinn á
nærri 32 milljónir dollara, eða meira
en 3,6 milljarða króna. Samningur-
inn er bókfærður í ársreikningnum
sem óefnisleg eign. Hluti af þessum
samningi við Anheuser fól í sér að
fyrirtækið eignaðist 20 prósenta hlut
í félaginu.
Af þessu sést að stór hluti bók-
færðra eigna félagsins byggir á hug-
lægu mati sérfræðinga eða eigenda fé-
lagsins á ætluðu verði þessara eigna.
Sökum þessa verðmætamats er staða
félagsins afar góð á pappírunum,
eigin fjárstaðan er vel jákvæð.
Á móti þessum eignum voru skuld-
ir upp á ríflega 35 milljónir dollara, eða
rúmlega fjóra milljarða króna.
Bjartsýni
Í skýrslu stjórnar og forstjóra fyrir-
tækisins kemur fram að félagið hafi
meðal annars sótt aukið hlutafé upp
á 13,5 milljónir dollara til alþjóð-
lega matvælafyrirtækisins Bidvest
Group Limited í staðinn fyrir 14,6
prósenta hlut í félaginu. Þá kom
áðurnefnt stórfyrirtæki, Anheuser-
Busch, inn í félagið árið 2009.
Jón Ólafsson og Icelandic Water
Holdings hafa því vissulega náð ár-
angri við að fjármagna félagið á síð-
astliðnum árum. Þessir fjármunir
hafa farið í að byggja félagið upp
og markaðssetja vatnið víða um
heima. Peningarnir hafa enn ekki
skilað sér með beinum hætti aftur
inn í rekstur félagsins og hefur verið
tap á því síðastliðin ár.
Stjórnendur félagsins eru hins
vegar bjartsýnir þrátt fyrir tap-
reksturinn, líkt og segir í skýrslu
stjórnar þess: „Til að draga saman,
þrátt fyrir þær áskoranir sem liggja,
þá hefur fyrirtæki okkar náð mikl-
um árangri á síðastliðnu ári og við
lítum til ársins 2012 með mikilli
bjartsýni sem árs áframhaldandi
vaxtar og framþróunar fyrir Iceland
Water Holdings ehf.“ n
Ingi Freyr Vilhjálmsson
fréttastjóri skrifar ingi@dv.is
Mistök við reikningsskil Sverrir Sverris­
son, ekki Sverrir Geirmundsson, var einn
af meðeigendum Steinþórs Jónssonar að
Fasteignafélagi Suðurnesja.