Gripla - 20.12.2011, Qupperneq 57

57
phia suaradi. hit æðzsta nafn ok hit uegsamligzta  ek. allz ek er |32 kristin.
en Sophia heíti ek. hínu oæðra nafni. sua sem frændr mi |33 nir gafu mer.
gỏfug er ek at kyni. ok ættud  langbarða landi. þar |34 alin ok upp fædd.
en hingat kom ek til þess at færa dætr minar j forn kristi |35 Adrianus mællti.
þer hafit hrelldan allan róma borgar lyð. ok konur fra |36 bondum sinum
skildar ok sono fra feðrum. en hafít illyrðt oðin en lastat |37 þór ok balldr.
en skammat frigg ok freyíu ok gefion í ordum. ok lastat |38 oll goð uór. ok
segít þau onyt. ok eyðit allri uegsemð þeira ok sieʀ |39 ek giỏrla. at þer munit
vera þrár  tru yðra. ok nenni ek ekki at stan |40 da  orða þófui við konur.
en uarla munum ver enn skilín. þa let hann setia |41 þær fiorar mæðgur 
myrkua stofu hia husum palladíus olldungs |42 Enn meþan þær voru þar.
eggiaði sophia þær  retta trv. ok ast við guð ok |43 at standaz uel pislir fyrir
Guds nafni. ok suo heyrit þer dætr minar lærdar |44 i guðligum ritningum.
Varðueitið þer nu tru þa  þessi kuala tið sem |45 þer namut fyʀ. sa mun
uinna allar þrautir ok yfir láta yðr sti |46 ga allar kualar. er þer elskudut fra
barnæsku. ok sỏnn uon ok hialp [15vb] er allra kristinna manna. ok hann
mun með yðr uera einn almattigr guð |2 ihesus kristr. Engan fagnat megit
þer moður yðuaʀi meira gora þessa |3 heíms. en þann at þer standiz uirðu-
liga pislir. ok alla freistni diỏ |4 fla. ok uælar manna. Meyiarnar suỏrudu
sua. Ver þu ỏrugg moðir ok drotníng |5 vór ok send oss framm fyrir þik. at
dómstoli þessa iarðligs hỏfðingia. |6 ok munt þu þa fagna er þu sier þrek
uarn. ok hreysti iþurft uorri. |7 grædari uarr ihesus kristr mun oss styrkia. ok
gefa oss orða gnott. þolinmǫ |8 ði ok styrk. at suara þessum keisara ok sigra
hann. lífandi guð skal af himnum |9 sia mega með oss sanna ast ok staðfesti
truariɴar. þuiat med hans hreínu |10 orði erum ver en sæla moðir fyrir þik
lærdar. ok bunar allar pislir at þola |11 fyrir hans nafni. Moþir þeira mællti.
Gorit sem þer mælit nu. at ek mega k |12 oma eptir yðr iguðs trausti at enda
yðuaʀar pislar. En er þær *hofðu |13 .íí. daga j myrkuastofunni uerit ok þríar
nætr. bauð keisarinn þęr at |14 leiða fyrir dom stol sinn. inn i hỏll sína ok
mællti sua til þeira meyianna. Miskun |15 nit þer æsku yðuaʀi. ok fegrð. sua
vng bỏrn at alldri. ok elli moþur yðuaʀar |16 ok blotit haleit ok ítarlig goð uór
synilig. ok dyrðkit drotna uara þor |17 ok oðin. skal ek þa uelia yðr hín beztu
sæti i minni hirð. ok gipta |18 yðr hínum tígnuztum hỏfdingium. í mínu ʀiki.
sem þer eigit burð |19 i til ok ætt. En ef þer hafnit þessu ollu. þa suer ek þess
SAGA AF FÍDES, SPES OK KARÍTAS
*12 hofdu] ho