19. júní - 19.06.2015, Side 68

66 | 19. júní 2015
í kjölfarið, og svo önnur og svo önnur...
#konurtala.
Þessa reiði og þennan kraft er
ekki aðeins að finna á Vesturlöndum.
Ég fylgd ist til dæmis gapandi með þeim
óeirðum sem spruttu út í Indlandi í des­
ember 2012 þegar ungri stúlku var hóp­
nauðgað í Delhi, óeirðum sem dreifðust
út til nágrannalandanna, Nepal, Sri
Lanka, Pakistan og Bangladesh, og sem
hafa sprottið upp með reglulegu milli­
bili síðan þá. Þessi lönd, sem seint verður
hægt að kalla kvenvæn, eru lönd þar
sem konur sem „dirfast“ að ganga um
stræti borga og bæja verða fyrir kyn­
ferðislegri áreitni karlmanna, sem telja
að þegar kona yfirgefur heimili sitt og
vernd karlmannanna í fjölskyldunni þá
eigi hún það skilið að vera nauðgað.
Þetta eru lönd þar sem hundruðir millj­
óna kvenna fæddust aldrei, því að þeim
var eytt í móðurkviði þar sem fjölskyldur
vilja aðeins syni og skömm er að því að
eignast dætur.
Þessi gífurlegu mótmæli komu eins
og skrattinn úr sauðarleggnum. Nauðg­
anir eru algengar í Delhi og fæstar þeirra
eru tilkynntar til yfirvalda, og sjaldan er
dæmt í þeim sem tilkynntar eru. Frétta­
flutningur af þeim, eins og hér á landi,
vekur litla eftirtekt og kveikir litla reiði í
brjóstum lesenda... þar til nú. Af hverju?
Ég vísa hér með í aftur spurningar­
merkið sem virðist orðin þungamiðja
þessarar greinar.
Femínismi = eina
alvöru byltingin
Mig langar að ljúka þessari grein
með því að fjalla aðeins um bók sem
kom út árið 2013 eftir suður­afrískan
félagsfræðing, David Jacobson. Í bók­
inni, sem ber titilinn Of Virgins and
Martyrs: Women and Sexuality in Global
Conflict, hefur Jacobson afskaplega
einfaldan boðskap fram að færa: kven­
réttindabaráttan síðustu öldina hefur
valdið grundvallarbreytingum á sam­
félagi mannanna, femínisminn hefur
raskað og ruglað samfélagsmynstri sem
er tugþúsund ára gamalt.
Alþjóðavæðing síðustu áratuga
D
ru
sl
u
g
an
g
an
2
01
4.
M
yn
d
: A
n
d
ri
M
ar
in
ó