19. júní - 19.06.2008, Page 11

9
Hvaða ráð gefur Engström konum?
Lars Engström telur að eftirfarandi hluti
verði konur að læra af karlmönnum ef
þær eiga að ná árangri úti á vinnumarkaði:
Í atvinnuviðtalinu:
Komdu snemma og vertu rösk. Mótmæltu
ekki skoðunum viðmælandans heldur
treystu á að allt verði í lagi bara ef þú færð
starfið. Þú skalt ekki halda að karlarnir
viti meira en þú. Taktu að minnsta kosti
þá áhættu að þú vitir jafnmikið og þeir.
Segðu frá því sem þú kannt og getur en
teldu ekki upp það sem þú getur ekki.
Talaðu aldrei niðrandi um sjálfa þig og
vinnu þína í atvinnuviðtali.
Í starfi:
Vertu sýnileg og taktu frumkvæði.Ekki
sækja kaffi. Þá lækkar þú í áliti í augum
karlanna. Komdu þér í samband við
læriföður sem getur kennt þér fljótar og
betur málið sem gengur á vinnustaðnum
og óskráðu reglurnar innan hans. Vertu
ekki hrædd við að taka til máls.Komdu
alltaf tímanlega helst fimm til tíu mínútum
áður en þú átt að mæta og notaðu tímann
til að skipuleggja þig í huganum.
Hvað eiga konur alls ekki að láta sér
lynda?
Kynferðislega áreitni.
Að þær gleymist þegar teknar eru
mikilvægar ákvarðanir.
Að gripið sé fram í fyrir þeim.
Að karlmennirnir hlusti ekki á þær.
Þær eiga að segja:
„Nú, hlustar þú ekki á mig.
Ég krefst þess að þú gerir það.“