Gerðir kirkjuþings - 1990, Blaðsíða 147

Greinargerö um þjóðmálanefnd og
þjóömálaráöstefnu kirkjunnar.
Nefndin er í meginatriðum sammála þeim rökstuðningi fyrir
þjóömálanefnd sem fylgt hefur þingsályktunartillögum um það mál á
kirkjuþingi á undanförnum árum.
Nefndin telur hins vegar rétt að fara hægt af stað og tryggja það að
umsvif og kostnaður starfsins beri það ekki ofurliði. Því teljum við rétt að
draga úr skylduverkefnum þjóðmálanefndar jafnframt því sem þau yrðu
takmörkuö við þá starfs- og fjárhagsáætlun sem biskup og Kirkjuráð
samþykkja hverju sinni. Þannig teljum við ekki rétt að skylda þjóðmála-
nefnd til að boða árlega til þjóðmálaráðstefnu ( sem við teljum réttara að
nefna svo fremur en þjóðmálavettvang ), né heldur að það sé skýlaus kvöð á
nefndinni að gefa út sérprentað álit þótt ráðstefna sé haldin. Það er líka
Ijóst að kostnaður af slíku starfi getur orðið mjög mikill, eins og fram kom
í þeirri áætlun sem við kynntum Kirkjuráði í febrúar s.l. ( sjá fylgiskjal I ).
Því teljum við rétt að það sé vegið og metið hverju sinni hvort boða eigi til
þjóð-málaráðstefnu og jafnframt hvort gefa eigi út sérprentað álit þeirrar
ráöstefnu. Aftur á móti álítum við að nefndin sjálf geti veitt leiðsögn og
leitað sérfræðiálits svo að gagni megi koma í mörgum tilfellum, ef eftir er
leitað eða bráð nauðsyn krefur.
Aðrar tillögur okkar miða að því að skýra enn frekar stöðu og
hlutverk þjóðmálanefndar og fella að almennri venju um nefndarstörf.
Við erum sammála um að þess skuli gætt viö skipan nefndarinnar að
"eðlilegt hlutfall sé milli vígðra manna og leikmanna" en sjáum ekki ástæðu
til að taka það sérstaklega fram í starfsreglunum. Þá teljum við heldur ekki
sjálfgefið að þetta starf skuli tengt við "safnaðaruppbyggingu" þjóökirkj-
unnar, þótt það geti orðið liður í safnaðaruppbyggingu í mörgum tilfellum.
Af framansögöu er Ijóst að erfitt er að leggja fram eina
kostnaðaráætlun fyrir þjóömálanefnd eins og við leggjum til aö hún
starfi. Miðað við tilteknar forsendur er þó mögulegt að gera sér nokkra
hugmynd um kostnað við ákveðna þætti starfsins og þá starfsáætlun sem
nefndin leggur fyrir kirkjuráð árlega ætti að vera mögulegt að verðleggja
með hliðsjón af eftirfarandi kostnaöarliðum.
Nefndin vekur hins vegar athygli á að hér er um lágmarkskostnað að
ræða viö hvern lið og gerir áætlunin hvorki ráð fyrir ráöningu starfs-
manns (-manna) né þóknun til nefndarmanna, sem telja má þó eðlilegt þar
sem ætla má að mikil vinna geti fylgt störfum nefndarinnar. Jafnframt er
ólíklegt að unnt veröi að komast af með aðeins 4 nefndarfundi a.m.k. þau
ár sem ráðstefna verður haldin:
144