Morgunblaðið - 11.07.2015, Page 6
6 FRÉTTIRInnlent
MORGUNBLAÐIÐ LAUGARDAGUR 11. JÚLÍ 2015
Ísak Rúnarsson
isak@mbl.is
„Ef þetta fer þannig að koma ferða-
manna bitnar á lífsgæðum Íslendinga
þá hverfur velviljinn í garð þessarar
mikilvægu atvinnugreinar og þá
verður vonlaust
að byggja upp
ferðaþjónustu.“
segir Elliði Vign-
isson, bæjarstjóri
í Vestmanna-
eyjum, en fjölgun
ferðamanna til
Eyja hefur verið
svo mikil að nú er
svo komið að eyja-
skeggjar fá vart
pláss í Herjólfi til og frá eyjunni. Far-
þegar í Herjólfi fyrir júnímánuð hafa
aldrei verið fleiri og voru 48.781 í ár
sem er fjölgun um tæplega 2.000 far-
þega.
„Það gengur ekki að álagið á Herj-
ólf sé orðið slíkt að heimamenn geti
ekki notað skipið þegar á þarf að
halda, þetta er vegurinn heim til okk-
ar og frá okkur,“ segir Elliði.
Hann segir að samgöngur til og frá
Eyjum séu takmarkaðri auðlind held-
ur en hjá flestum og það sé ríkið sem
stjórni því með ákvörðunum sem
teknar eru við skrifborðið hversu
margir fá að ferðast milli Eyja og
lands á hverjum degi. „Það væri ein-
faldast að taka ákvörðun um það að
sigla skipinu fleiri ferðir, það væri
hægt að byrja á því á morgun. Þetta
er svo einfalt hér,“ segir Elliði og
bætir við að Herjólfur sitji oft og tíð-
um í fjóra til fimm klukkutíma á dag
bundinn við bryggju á meðan fólk bíði
beggja vegna eftir að komast yfir.
Jákvæð áhrif ferðamanna
Að sögn Elliða eru þó mikil jákvæð
áhrif sem fylgi ferðamönnum.
„Ferðaþjónustan er frábær búbót, og
við finnum vel fyrir því í Vest-
mannaeyjum, okkur finnst gott og
gaman að búa í ferðamannabæ, okkur
finnst gaman að taka á móti öllum
þessum gestum. Við vitum að það eru
miklar tekjur á bak við þetta, en það
þarf að bregðast við með innviða-
uppbyggingu. Ekki einungis bíla-
stæðum við ferðamannastaði eða
göngustígum.“ segir Elliði.
Elliði segir vandkvæðin við að fá
Herjólfsferðum fjölgað ekki ný af nál-
inni. Fyrir þremur árum hafi bæj-
aryfirvöld þurft að skrifa upp á samn-
ing við ríkið um að bærinn greiddi
kostnað við viðbótarferð, sem var þá
fjórða dagsferðin, til þess að sýna
fram á þörfina fyrir henni. Nú eru
ferðirnar hins vegar orðnar sex á dag.
Þrátt fyrir það sé ferðamanna-
straumurinn svo mikill að þær dugi
ekki lengur. „Samgöngur til Vest-
mannaeyja eru bara eins og vatns-
slanga; það er fullur þrýstingur á
henni og eftir því sem hún er sverari
þá kemst meira í gegn,“ segir hann.
Rekur skipið fyrir lægri skatta
En væri hægt að fara svipaða leið
og fyrir þremur árum, þ.e. að bærinn
stæði undir kostnaði við aukaferðir?
„Ríkið er ábyrgt fyrir samgöngum, ef
ríkið vill ekki vera ábyrgt fyrir Herj-
ólfi, þá viljum við gjarnan borga lægri
skatta og sjá sjálf um að reka Herjólf
en á meðan við borgum skatta fyrir
þessa þjónustu þá ætlumst við til þess
að ríkið geri það sómasamlega og
standi við sínar skuldbindingar.
Eyjamenn eru hæstu skattgreið-
endur á landinu og það er lágmark að
hér sé tryggð lágmarksþjónusta líkt
og samgöngur og heilbrigðisþjón-
usta,“ segir Elliði.
Eyjamenn komast ekki í Herjólf
Eru ósáttir við tíðni Herjólfsferða Ferðamenn fylla flestar ferðir
Lágmark að samgöngur til og frá eyjunni séu tryggðar, segir bæjarstjórinn
Morgunblaðið/Sigurður Bogi
Herjólfur Vestmannaeyjar verða sí-
fellt vinsælli hjá ferðamönnum.
Elliði Vignisson
Vinna hefur staðið yfir í Land-
eyjahöfn í sumar við að dýpka
höfnina. Þrjú skip á vegum
Björgunar dæla upp sandinum
og flytja hann á brott. Að sögn
forstjóra Björgunar, Gunnlaugs
Kristjánssonar, hefur gengið
vel að ná sandinum úr höfninni
eftir að aðstæður urðu góðar
nú í vor. Um 230.000 rúmmetr-
um hefur verið dælt upp úr
höfninni en það er ígildi rúm-
lega hálfrar Hörpu að stærð.
Reiknað er með að vinna
haldi áfram nú í sumar og
reynt verður að dæla nægu
magni upp svo ekki skapist
ófremdaráhrif seinna í vetur, en
ekki er hægt að sinna þessu
verki á veturna.
Hálf Hörpu-
fylli af sandi
LANDEYJAHÖFN
SVIÐSLJÓS
Björn Jóhann Björnsson
bjb@mbl.is
Geir Sveinsson, þjálfari Magde-
burg í þýska handboltanum, hafði
óvenjulegan liðsmann í sínum her-
búðum í vetur, ef svo má segja. Ís-
lenskur var hann en þó ekki á
samningi sem leikmaður, enda
aldrei æft handbolta sem heitið
getur.
Um var að ræða sjálfan dóm-
kirkjuprestinn, séra Hjálmar Jóns-
son, sem veitti Geir og félögum
hans andlegan stuðning.
Hét hann á þá í bundnu máli fyrir
hátt í 30 leiki á tímabilinu og bar
þetta óvenjulega samstarf góðan
ávöxt. Geir náði frábærum árangri
með sitt lið, endaði í fjórða sæti í
Bundesligunni og tapaði naumt í
bikarúrslitum í tvíframlengdum
leik. Hefur Geir tekist að koma lið-
inu aftur í fremstu röð í evrópskum
handbolta.
„Þetta virkaði í fyrstu 13 leikj-
unum en þá tapaði liðið ekki leik.
Síðan kom einn tapleikur, sem við
Geir fundum fyrirfram að myndi
enda illa, enda gekk mér óvenju
illa við bragsmíðina,“ segir Hjálm-
ar, léttur í bragði, í samtali við
Morgunblaðið.
Hann segir þessa skemmtilegu
en hjátrúarfullu iðju fljótlega hafa
fengið vinnuheitið „Kuklað á kant-
inum“.
Byrjaði fyrir leik gegn Degi
Hjálmar þekkir vel til fjölskyldu
Geirs og Jóhönnu Vilhjálmsdóttur,
konu hans, skírði strákana þeirra
tvo og gifti þau síðasta sumar hér á
landi.
Það var síðan í byrjun desember
sl. sem Hjálmar þurfti að hafa uppi
á föður Jóhönnu. Þá vildi svo til að
Vilhjálmur Þ. var staddur hjá fjöl-
skyldu sinni í Þýskalandi og eftir að
hafa spjallað saman um stund í sím-
ann hvatti Vilhjálmur Hjálmar til
að senda Geir góða vísu til stuðn-
ings.
Geir var þá að búa sig undir mik-
ilvægan leik daginn eftir gegn liði
Dags Sigurðssonar, Füchse Berlin.
Hjálmar brást skjótt við og sendi
Geir þessa vísu gegnum Facebook
sama kvöld:
Sparið þið hnefa og hnúa
á hæfni og styrk þarf að trúa.
Húrra og heyr,
hlustið á Geir
og rassskellið Berlínarbúa.
Hjálmar er ekki í vafa um að þetta
hafi virkað því Madgeburg lagði
Dag og félaga óvænt að velli, 29-26,
í hörkuleik. Fyrirfram voru refirnir
í Berlín taldir mun sigurstrang-
legri.
„Ég var síðan áfram í sambandi við
þau Geir og Jóhönnu. Við gátum bara
ekki hætt og fórum að trúa að þetta
skipti miklu máli,“ segir Hjálmar en
fyrir næsta leik fáum dögum síðar
kom þessi:
Magdeburg og Balingen
byrja klukkan sjö.
Hristu af öllum hik og slen
og hirtu stigin tvö.
Að sjálfsögðu gekk þetta eftir og
nær sleitulaus sigurganga fór í hönd
hjá Geir og hans mönnum í Magde-
burg. Eftir að hlé hafði verið gert á
deildarkeppninni í Þýskalandi vegna
HM í handbolta, sendi Hjálmar þessa
fyrir leik gegn Flensburg:
Magdeburg til keppni klárt,
komið til að stríða.
En Flensburgarar finna sárt
fyrir stressi og kvíða.
„Geir er magnaður þjálfari og frá-
bært að fylgjast með því hvað íslensk-
ir handboltaþjálfarar eru eftirsóttir í
Evrópu. Hann sló þarna hvert metið
á fætur öðru. Svo kom tapleikur og þá
fundum við að þetta var ekki að virka,
hvorki vísnagerðin né leikurinn,“ seg-
ir Hjálmar og vitnar því næst í ömmu
sína sem sagði stundum, þegar ein-
hver ólukkan henti:
„Ja, það stoða víst ekki góðar fyr-
irbænir ef illt á að ske!“
Allt byrjaði þetta með leiknum
gegn Berlínarrefunum í desember á
síðasta ári. Síðan kom að seinni
leiknum við Dag Sigurðsson og fé-
laga í Fücsche Berlín nú í vor. Þá
kom þessi:
Magdeburg er magnað lið
og mikill í því kraftur.
Finnið taktinn, flengið þið
Füchse Berlin aftur.
Næst var það Balingen í seinni
leiknum:
Ykkar leið er ljúf og pen,
léttan dóm því felli:
Bráðum verður Balingen
burstað á heimavelli.
Hjálmari fannst þetta samstarf
vikilega skemmtilegt en vill ekki
fullyrða að framhald verði á á næsta
keppnistímabili. Hann segist þó til í
að „vera álengdar“.
Sem fyrr segir munaði litlu að
Geir hampaði þýska bikarnum og
fylgdist Hjálmar spenntur með úr-
slitaleiknum, sem varð að fram-
lengja tvisvar.
Fyrir þann leik
sendi
Hjálmar
eftirfar-
andi vísu og
veitti víst ekki
af:
Ennþá margt í
ykkur býr,
enn mun takast flétta.
Magdeburg í góðum gír
getur unnið þetta.
Klerkur á kantinum hjá Geir
Geir Sveinsson með óvenjulegan liðsmann í herbúðum Magdeburg Fékk vísu frá séra Hjálmari fyrir
hátt í 30 leiki á síðasta tímabili Skilaði 13 leikja sigurgöngu Vísurnar urðu hluti af undirbúningnum
Ljósmynd/Sigrún Magnúsdóttir
Tengsl Séra Hjálmar Jónsson gifti þau Geir Sveinsson og Jóhönnu Vilhjálmsdóttur og áður hafði hann skírt strák-
ana þeirra tvo. Fjölskyldutengslin eru sterk og skiluðu sér m.a. í vísnagerð fyrir leiki Geirs í handboltanum.
„Það er oft með okkur íþrótta-
mennina að hjátrúin getur gleypt
okkur. Eitthvað sem virkar einu
sinni eða tvisvar fer að verða
reglubundið og vanafast. Þannig
var þetta í þessu tilfelli,“ segir
Geir Sveinsson um samstarfið
við séra Hjálmar.
„Maður var farinn að bíða eftir
vísunum og varð ekki rólegur
fyrr en ég var búinn að lesa vísu
fyrir hvern leik. Þetta var orðinn
hluti af undirbúningnum, þegar
búið var að fara yfir leik-
skipulagið þá renndi ég yfir vísu
Hjálmars og fann að þetta gaf
manni aukakraft,“ segir Geir.
Hann segir limrur og vísur
Hjálmars oftar en ekki hafa hitt í
mark og náð með sínum hætti að
fanga dálítið hvernig leikirnir
þróuðust. „Þetta var mjög
skemmtilegt og ótrúlegt hvað
eitt lítið glens í upphafi breyttist
í langvarandi skemmtun.“
Hvort sem það er samstarfinu
við Hjálmar að þakka eða ekki,
þá náði Magdegburg sínum
besta árangri í Bundesligunni í
tíu ár. Geir segir markmiðið að
gera enn betur á næstu leiktíð
og það eigi eftir að koma í ljós
hvort framhald verði á vísna-
gerðinni hjá dómkirkjuklerki.
Flokka má Hjálmar sem leik-
mann án samnings og getur
hann því farið á frjálsri sölu. Geir
tekur und- ir þetta og hlær.
„Maður veit
aldrei, það eru
engar við-
ræður hafnar um
framhaldið. Það er
aldrei að vita nema
að ég eigi eftir að slá
á til Hjálmars, þegar
mikið liggur við, og biðja
um eina. Það getur verið
gott að hafa liðsmann
þarna hinum megin við,“
segir Geir að endingu.
Gaf mér
aukakraft
GEIR UM VÍSNAGERÐINA
Geir
Sveinsson