Morgunblaðið - Sunnudagur - 05.07.2015, Blaðsíða 13

að ekki sé eins algengt og áður að
fólk syngi börn sín í svefn. „Ég
upplifi stundum hjá fólki sem ég
þekki að því finnst það ekki nógu
góðir söngvarar en málið snýst
ekki um það heldur tengslin sem
verða til við barnið, fyrir utan
hvers gott það er fyrir málþroska
að strax sé byrjað að syngja mikið
fyrir þau. Börn eru líka mjög hrifin
af endurtekningu, vilja heyra það
sem þau þekkja. Börnin mín vilja
heyra það sama aftur og aftur.“
Börn þeirra Hjalta eru Jóhann
Ingi sem er sjö ára og Hulda Mar-
grét, tveggja ára. Von er á þriðja
barninu. „Jói og Hulda eru ólíkir
einstaklingar og það verður spenn-
andi að sjá hvernig það þriðja
verður. Jói hafði strax í vöggu
rosalega gaman af því að hlusta
þegar ég æfði mig en Hulda er enn
ekki alveg sátt við fiðluna. Þegar
hún var minni fór hún alltaf að
gráta þegar ég spilaði. Þá var gott
að búa á tveimur hæðum! Bæði
hafa þau hins vegar mjög gaman af
tónlist, enda væri ekki gott ef svo
væri ekki … Við æfum nefnilega
bæði heima og spilum mikið saman
á kvöldin við að undirbúa ýmis
verkefni. Við erum núna að feta
okkur inn á nýjar brautir og
stefnum að því að gefa út aðra
plötu. Erum farin að vinna með
eigin tónlist sem við semjum sam-
an og er mjög skemmtilegt.“
Lára getur ekki neitað því að
þær fiðlan hafi lengi verið sam-
ferða.
Með fiðluna í 27 ár!
„Ég var að spila á skólatónleikum í
vetur og sagði krökkunum að ég
hefði spilað á fiðlu í 17 ár – sem
mér fannst dálítið langur tími. Ey-
þór Ingi Jónsson, sem er með mér
í þessu verkefni, leiðrétti mig þá
og sagði: Lára, það eru 27 ár! Fiðl-
an hefur nefnilega fylgt mér síðan
ég var sex ára.“
Lára Sóley var viðloðandi menn-
ingarhúsið Hof frá opnun til síð-
ustu áramóta. „Þegar við fluttum
heim 2006 réð ég mig sem kennara
við Tónlistarskólann á Akureyri og
kenndi til áramóta 2013. Þegar
breytingar urðu á Hofi við stofnun
Menningarfélags Akureyrar varð
ég að gera upp við mig hvort ég
vildi sækja um áframhaldandi starf
eða ekki og þá hugsaði ég með
mér að ef ég myndi ekki demba
mér á fullu í tónlistina núna, myndi
ég aldrei láta verða af því. Þetta
var erfið ákvörðun þótt hjartað
segði mér að fara þessa leið því
henni fylgir ákveðið óöryggi og það
er ekki endilega gott þegar maður
er með fjölskyldu og þarf að sjá
fyrir börnunum sínum.“
Á meðan Hjalti var í framhalds-
námi í sálfræði var Lára Sóley fyr-
irvinnan og nú var komið að henni
að láta drauminn rætast.
„Það var erfitt að stökkva því ég
vissi ekki almennilega hvað ég var
að fara út í þótt ég væri með fullt
af hugmyndum um það sem mig
langaði að gera. Ég var ótrúlega
heppin; hætti í Hofi um áramót,
fékk þriggja mánaða lista-
mannalaun frá ríkinu og hlotnaðist
síðan sá mikli heiður að vera út-
nefnd bæjarlistamaður á Akureyri.
Það var ekki inni í reikningsdæm-
inu þegar ég lagði upp í þessa
óvissuferð en það þarf að taka
áhættu í listinni og það hefur verið
dásamlegt að finna frelsið. Ég er
þakklát fyrir að hafa tekið þessa
ákvörðun.“
Starfandi listamaður á stað eins
og Akureyri þarf að vera frjór,
segir hún. „Ekki er hægt að horfa
bara í eina átt heldur þarf maður
að vera til í að gera mjög margt og
mér finnst mjög gott að vera í ólík-
um verkefnum. Ég hef til dæmis
fengið tækifæri til að vinna með
fjölfötluðum börnum sem mér
finnst dásamlegt, það gefur mér af-
ar mikið. Ég hef lært mikið af
þeim.“
Lára segist hafa mikinn metnað
fyrir því að klassísk tónlist sé
kynnt í skólum. „Þegar við fluttum
heim var Sinfóníuhljómsveit Norð-
urlands með árlega skólatónleika
þar sem ferðast var um Norður-
land, allt frá Siglufirði og austur á
Þórshöfn. Mér fannst frábært að
taka þátt í þessu verkefni og mik-
ilvægt að ala upp áheyrendur
framtíðarinnar. Ég sótti því um
styrk frá Norðurorku og svo fórum
við bara af stað. Ég er nýbúin að
fara um allt Eyjafjarðarsvæðið, fór
meðal annars út í Grímsey og það
var alveg frábært þótt börnin séu
ekki mörg. Núna erum við búin að
fá styrk til að halda áfram og för-
um um svæðið frá Þórshöfn til
Siglufjarðar.“
Hún segir ungu kynslóðina mjög
þakkláta fyrir heimsóknirnar. „Já,
krakkarnir hafa mjög gaman af
þessu. Við förum ekki beint yfir
tónlistarsöguna en tölum aðeins um
tónskáldin og spilum ýmislegt úr
ólíkum stílum. Það hefur vakið
mikinn áhuga. Nú erum við með
annað verkefni í burðarliðnum þar
sem mig langar að tengja saman
tónlist og landafræði Íslands. Það
er svo margt hægt að gera …“
Morgunblaðið/Skapti Hallgrímsson
5.7. 2015 MORGUNBLAÐIÐ SUNNUDAGUR 13
Dalvegi 10-14 • 201 Kópavogi • 595 0570 • Parki.is
Full búð af
flottum flísum
Hjá Parka færðu flottar flísar
í hæsta gæðaflokki frá þekktum
ítölskum framleiðendum.
Bjóðum aðeins það besta fyrir þig!