Morgunblaðið - Sunnudagur - 05.07.2015, Blaðsíða 26

Matur
og drykkir *Flestir þeir sem leggja sig fram við að lifa heilbrigðu lífireyna að lágmarka sykurneyslu sína. Ekki er þó allt semsýnist í þeim efnum. Sumar rannsóknir benda t.d. til þessað sykurlaus sætuefni („gervisykur“) geti hækkað blóð-sykurstuðul og jafnvel breytt eðlilegri örveruflóru í melt-ingarfærum. Þetta getur svo stuðlað að þyngdaraukn-ingu, minni upptöku næringarefna og fleiri vandkvæðum.
Sumir ráðleggja því að nota frekar lítið magn sykurs í
stað þess að skipta honum út fyrir gervisætuefni.
Gervisæta ekki góð í stað sykurs
Í
sem allra fæstum orðum þá er „running
dinner“ skemmtileg leið til að kynnast
hressu fólki og borða góðan mat,“ segir
Gísli Halldór Ingimundarson, sem um
þessar mundir vinnur að því í frístundum að
koma fyrirbærinu „running dinner“ á legg
hérlendis. Stefnt er að því að halda fyrsta við-
burðinn af þessu tagi laugardagskvöldið 11.
júlí. Þátttakendur verða að hafa til umráða
eldhús, helst sem næst miðbæ Reykjavíkur.
Tveir verða í hverju „liði“ og hvert lið eldar
einn rétt um kvöldið, forrétt, aðalrétt eða eft-
irrétt, og býður tveimur öðrum liðum í mat til
sín. Hinar tvær máltíðir kvöldsins sækir liðið
svo heim til annarra liða, í ókunnug eldhús.
Þaðan kemur því heiti viðburðarins – þátttak-
endur „hlaupa“ (nú eða ganga, hjóla eða taka
strætó) í nýtt hús á milli rétta. „Þetta hefur
líka verið kallað „progressive dinner“ eða
„safari supper“. Við erum einmitt að leita að
íslensku heiti yfir þetta,“ segir Gísli en m.a.
hefur verið stungið upp á því að kalla við-
burðina „rjúkandi rétti“ eða „boðhlaup“, sem
óneitanlega er nokkuð smellið.
Flakkaði á milli ókunnugra
eldhúsa í München
Gísli kynntist running dinner þegar hann
vann úti í München. „Vinnufélagi minn var að
skipuleggja þetta í München og hreif hálfan
vinnustaðinn með sér í þetta. Þar tók ég þátt
í þessu sex eða sjö sinnum og flakkaði þannig
um eldhús München-borgar, sem var ótrúlega
gaman. Þegar ég flutti aftur heim til Íslands,
þá sá ég að þetta vantaði hérlendis og hef
verið að tala um það við félaga mína síðan þá
að mig langi að koma þessu af stað. Nú ætl-
um við svo loksins að kýla á þetta,“ segir Gísli
sem sjálfur hefur mjög gaman af elda-
mennsku. Running dinner hefur verið haldinn
í einhverri mynd í Hollandi, að sögn Gísla, en
sú útfærsla sem hann hyggst færa hingað til
lands er upprunnin frá Þýskalandi. „Þetta er í
rauninni tilraunaverkefni hjá okkur,“ segir
Gísli. „Í staðinn fyrir að fara út í einhverjar
stórar fjárfestingar, setja upp vefsíðu o.s.frv.
þá ákváðum við, ég og félagi minn, Sveinn
Þórarinsson, að hafa þetta bara einfalt í upp-
hafi til að sjá hvort það væri yfirhöfuð eftir-
spurn eftir þessu hérna heima. Ef svo er og
eitthvað meira verður úr þessu, þá munum við
setja upp heimasíðu og auðvelda skráningu og
þvíumlíkt, en til að byrja með viljum við bara
koma þessu á framfæri og athuga hvernig
hugmyndinni verður tekið.“
Eins og að leysa flókið bestunardæmi
Talsverð vinna er að skipuleggja viðburð á
borð við running dinner og margt þarf að
ganga upp. „Ég geri mér ekki grein fyrir því
hversu margir munu mæta og þetta verður
auðvitað flóknara eftir því sem liðin verða
fleiri,“ segir Gísli en bætir því við að þótt tal-
að sé um „lið“ þá felist engin keppni í running
dinner, heldur eingöngu skemmtun. „Lág-
markið er níu lið, til að engin lið hittist tvisvar
yfir kvöldið, en þetta verður flókið ef liðin
fara að skipta hundruðum.“ Varla er þó hægt
að fá hæfari menn til verksins, en Gísli og
Sveinn eru báðir verkfræðingar að mennt.
„Gestgjafarnir fá að vita um óþol og ofnæmi
gesta sinna og þurfa því að haga eldamennsk-
unni eftir því. Besta lausn væri svo að lág-
marka samanlagða ferðavegalengd allra liða
yfir kvöldið, auk þess sem bæta þyrfti við
hliðarskilyrðum til að takmarka heildarveg-
arlengd sérhvers liðs yfir kvöldið. Þetta verð-
ur því í rauninni eins og að leysa flókið best-
unardæmi,“ segir Gísli og hlær.
Frekari upplýsingar um running dinner er
að finna á Facebook-síðu viðburðarins, „Runn-
ing dinner á Íslandi“. Frestur til skráningar
rennur út kl. 18 miðvikudaginn 8. júlí.
Morgunblaðið/Golli
ÞRIGGJA RÉTTA MÁLTÍÐ Í ÞREMUR ELDHÚSUM Á EINU KVÖLDI
Matarboðhlaup prufukeyrt
VERKFRÆÐINGURINN GÍSLI HALLDÓR INGIMUNDARSON KYNNTIST FYRIRBÆRINU „RUNNING DINNER“
ÞEGAR HANN VANN ÚTI Í MÜNCHEN Í ÞÝSKALANDI. HANN VEITTI ÞVÍ ATHYGLI AÐ EKKERT ÞESSU LÍKT
ER Á BOÐSTÓLUM HÉR HEIMA OG HYGGST NÚ KYNNA ÍSLENDINGUM ÞESSA SKEMMTILEGU VIÐBURÐI.
Guðrún Ingibjörg Þorgeirsdóttir gith@mbl.is
Gísli hefur sjálfur áhuga á matargerð
og heillaðist af „Running dinner“.
Á sumrin er gott að borða léttan mat og þótt það sé
ekki hitabylgja hér líkt og í Evrópu klikkar ekki að fá
sér gott vatnsmelónusalat sem aðalrétt eða til hliðar.
Fáir standast breska sjónvarpskokknum og matargyðj-
unni Nigellu snúning í matseld. Hún á einmitt alveg frá-
bæra uppskrift að vatnsmelónusalati með fetaosti og
svörtum ólífum sem hægt er að skoða á nigella.com.
Lítill rauðlaukur
4 lime
1½ kg sæt og þroskuð vatnsmelóna
250 g fetaostur
búnt af ferskri steinselju
búnt af ferskri myntu
4 msk jómfrúarólífuolía
100 g steinlausar svartar ólífur
svartur pipar
Skrældu laukinn og skerðu hann í þunna hálfhringi.
Settu hann í litla skál með lime-safanum. Þannig verður
laukurinn bleikur og stökkur og ekki eins beiskur á
bragðið. Tvö safarík lime ættu að duga en stundum er
ávöxturinn þurr og þá gæti þurft meira.
Skerðu vatnsmelónubörkinn frá og hreinsaðu alla
steina burt og skerðu ávöxtinn í þykka þríhyrninga
sem eru 4 cm á hlið, eða eftir smekk. Skerðu fetaost-
inn í svipaða kubba og settu allt saman í stóra og víða
skál eða fat. Skerðu steinseljuna gróft en myntuna
fínna og dreifðu yfir ávextina og ostinn.
Næst hellirðu lauknum og öllum bleika safanum sem
honum fylgir ofan í skálina, bætir við olíu og ólífum.
Öllu blandað varlega saman með höndunum. Svartur
pipar malaður yfir allt saman. Smakkað til með auka
lime-safa ef þarf. Það er gott að bera salatið fram með góðu súrdeigsbrauði.
Vatnsmelónusalat með fetaosti og ólífum
KÆLANDI MATUR Í HITANUM AÐ HÆTTI NIGELLU