Múlaþing: byggðasögurit Austurlands - 01.01.1980, Qupperneq 12

10
MÚLAÞING
við nám. Eins og áður er getið voru aðalnámsgreinar hans enska
og enskar bókmenntir og samhliða íslenska og íslenskar bók-
menntir. Hneigðist hugur hans mest að bókmenntalegum efnum.
Meistaraprófi (M. A.) lauk Richard í þessum fræðum eftir tvö
ár vorið 1924 með lofsamlegum vitnisburði.
Hafði hann pá öðlast rétt til að kenna við háskóla. En hugur
hans stefndi að meira námi. Las hann enn tvö ár við Cornell
háskóla og notfærði sér hið mikla íslenska bókasafn þar. Lauk
hann veru sinni þar með því að taka doktorspróf (Ph. D.) í heim-
speki 1926. Fjallaði doktorsritgerð hans um Jón Þorláksson skáld
á Bægisá og þýðingar hans úr enskum bókmenntum. Mun hann
vera fyrsti íslenski stúdent, sem lauk doktorsprófi við amerískan
háskóla. Var þar með lokið hinu hefðbundna háskólanámi
Richards og tekur pá við nýtt starf — kennsla við ameríska
háskóla.
Næstu þrjú árin gegndi hann prófessorsstörfum við tvo ame-
ríska háskóla, sem ekki verða gerðir hér að umtalsefni. En haust-
ið 1929 varð hann prófessor í Norðurlandamálum og bókmennt-
um við ríkisháskólann í Grand Forks í Norður-Dakóta. Þama
varð starfsvettvangur Richards í 38 ár, til ársins 1967, er hann
lét af störfum sjötugur að aldri. Nokkru eftir að hann lét þar af
störfum, sæmdi háskólinn hann heiðursdoktorsnafnbót í bók-
menntum. Fleiri slíkar viðurkenningar hefur hann hlotið fyrir störf
sín, þar á meðal sæmdi Háskóli íslands hann heiðursdoktorsnafn-
bót í heimspeki í tilefni af 50 ára afmæli skólans 1961. Fleiri slík-
ar heiðursviðurkenningar mun Richard eiga í fórum sínum.
Richard hefur verið mikilvirkur rithöfundur, og er pá komið
að ritstörfum hans. Fyrst verða nefndar þær bækur, er hann hefur
ritað á íslensku. En Richard er einnig ljóðskáld og hefur gefið út
jnjár ljóðabækur. Verður nú skýrt frá þeim í stuttu máli.
Fyrsta ljóðabók hans er Ljóðmál 1929. Þetta munu vera að
nokkru leyti æskuljóð, er sýndu pó ótvíræða ljóðgáfu Richards.
Má þar minna á kvæðið „Drottning söngsins“ sem er upphafs-
kvæði bókarinnar. Það hefst þannig: