Múlaþing: byggðasögurit Austurlands - 01.01.1980, Side 13

MÚLAÞING
11
Hún býr að baki skýja
í bjartri kristalshöll,
en gncefir hátt við himin
sem hrími þakin fjöll.
A hástól greyptum gulli,
með gígju sér við barm,
hún situr, drottning söngsins,
með sólarblik um hvarm.
Önnur ljóðabók hans, Við Ijóðalindir, kom út 1959. Eru þar
fleiri kvæði en í hinni og yrkisefnin tekin fastari tökum. Síðasta
ljóðabók hans er Undir hauststirndum himni sem kom út 1973.
RichartJ er gæddur næmri, ljóðrænni skáldgáfu. Kvæði hans
eru ort undir hefðbundnum háttum og mörg skáldleg og fögur.
Þau eru ort á fögru máli og vandað til rímsins. Mörg eru þau
kveðja til ættjarðarinnar og um önnur hugðarefni skáldsins.
Einkum finnst mér kvæðin í síðustu bókinni vera meitluð og lýsa
í stuttu máli efni þeirra. Þar er kvæðið „Handan við djúpin blá“.
Það er þannig:
Hjartað mitt á sín helgu vé
handan við djúpin blá.
Heiðfögur þau ég hefjast sé,
huga míns vaknar þrá.
— Léttum vængjum brúar hún breiðan sjá.
Heillar mig sýn: Um haust ég stóð
hljóður á sævarströnd.
Hvítur mávur í himinglóð
hvarf mér við sjónarrönd.
— Seiddu hann einnig sumarbjört óskalönd?
Richard hefur einnig ort nokkuð af Ijóðum á enska tungu og
gaf út dálítið safn Jieirra ljóða A Sheaf of Verses (Winnipeg 1945).
Aukin útgáfa 1952.