Múlaþing: byggðasögurit Austurlands - 01.01.1987, Page 23

MULAÞINCj
21
Áður, eða um 1940, voru reistir skálar við brúna að norðan. Þar
voru geymd ýmis áhöld vegagerðarinnar og þar var eldunaraðstaða og
svefnpláss fyrir vegavinnuflokk. Þeim flokki stjórnaði Brynjólfur Sig-
björnsson bóndi á Ekkjufelli, sem verkstjóri var í vegagerð frá 1940
- 1968, ásamt því að sjá um sinn búrekstur. Hann sá um viðhald og
endurbætur þeirra vega er næstir lágu vinnustað, sem er miðsvæðis og
vegir til allra átta, auk þess að sjá um áhöld o. fl. sem staðnum fylgdi.
Einnig var þar skrifstofa yfirverkstjóra áður en sú aðstaða komst upp
á Reyðarfirði. Þessi hús voru ekki vandaðar byggingar og urðu að
víkja þegar skipulagið krafðist þess.
Það var Einar Jónsson yfirverkstjóri sem beitti sér fyrir byggingu
þessara skála. Hann var Austfirðingur að ætt og uppruna, sonur Jóns,
Einarssonar prófasts í Vallanesi, Hjörleifssonar. Kona séra Einars í
Vallanesi var Þóra Jónsdóttir vefara, Þorsteinssonar prests á Krossi í
Landeyjum. Einar verkstjóri var búfræðingur frá Eiðum, og að námi
loknu þar var hann við nám í landbúnaðarskóla í Danmörku og auk
þess einn vetur í lýðháskóla þar. Eftir það réðist hann kennari og
ráðsmaður að Hvanneyri og starfaði þar í 13 ár hjá Halldóri Vilhjálms-
syni skólastjóra. Síðan bjó hann á Krossi í Innra-Akraneshreppi í 4
ár, en flutti þá til Akraness og gerðist verkstjóri hjá vegagerðinni í
» Borgarfirði suður, þar til hann var ráðinn verkstjóri við vegagerðina
á Jökuldal 1933. Segir annars staðar frá starfinu þar.
Eftir að Jón ísleifsson lét af störfum 1934, varð Einar trúnaðarmaður
vegamálastjóra og hafði umsjón með vegagerð á Héraði og víðar á
Austurlandi, en dvaldi í Reykjavík á vetrum við ýmis störf þar á vegum
vegagerðarinnar. Viðhald vega á vetrum var þá lítið, helzt voru það
þá vatnaskemmdir sem gera þurfti við, því snjómokstur tíðkaðist lítt
á þeim árum. Það var ekki fyrr en líða tók að vori og vistir eða
vetrarforði fór að ganga til þurrðar að reynt var að moka snjó af vegum
ef með þurfti til að komast í kaupstað. Vegamálastjóri fól mér sem
þetta rita. að sjá um vetrarviðhaldið á Héraði og til Seyðisfjarðar, en
Sigurði Sigbjörnssyni verkstjóra á Reyðarfirði að sjá um Fagradalsveg
og vegi í Fjörðum sunnan Seyðisfjarðar. Höfðum við þá beint samband
við vegamálastjóra um það sem gera þurfti. Árið 1945 skipaði vega-
málastjóri Einar Jónsson umdæmisverkstjóra hér eystra með búsetu á
k, Reyðarfirði. Svæði hans náði frá Streitishvarfi sunnan Breiðdals, austur
og norður um til Hellisheiðar milli Héraðs og Vopnafjarðar og að
sýslumörkum á Biskupshálsi.
Einar var áhugamaður mikill í starfi sínu, hann skildi vel h4na brýnu
2*
L