Múlaþing: byggðasögurit Austurlands - 01.01.1987, Blaðsíða 168

166
MÚLAÞING
ársrit Sambandsins 1926 - 1928 er birt „Yfirlit yfir 25 ára starfsemi
Búnaðarsambands Austurlands". Er þar farið mörgum lofsamlegum
orðum um stofnendur þess, með myndum framan við ritið af okkur
sr. Einari Þórðarsyni. Skulu hér teknar upp nokkrar sundurlausar setn-
ingar úr fjórðungs-aldaryfirliti þessu:
„Búskaparhættirnir voru yfirleitt með fornu sniði, framfarir hægar
og búnaðarfélögin hálfsofandi eða í dái. - Er engin furða, þótt áhuga-
sömum mönnum þætti miða hægt áfram og vildu fegnir ráða bót á
þessu, ef kostur væri. Líklega hefur þeim fundizt þetta, sr. Einari
Þórðarsyni í Hofteigi og sr. Magnúsi Bl. Jónssyni í Vallanesi, þegar
þeir fundust í kaupstaðarferð vorið 1903 og réðu með sér að reyna að
vekja búnaðarmálin til meira lífs og meira starfs með sambands-bún-
aðarfélagi." Rétt er hér skýrt frá samfundum okkar sr. Einars á Seyð-
isfirði 1903, enda mun sá fundur hafa verið undir lagður í bréfi því,
er eg gat um í byrjun þáttar þessa, En þá hafði mér gleymzt sá fundur.
Enn segir í yfirlitinu, eftir að hafa getið þeirrar víðsýni forgöngumanna
að láta Sambandið taka yfir allan Austfirðingafjórðung: „Með þessu
báru forgöngumennirnir gæfu til að gefa félaginu þann ramma, sem
það hefur haft síðan og mun hafa lengi enn. Bygging félagsins var
einnig mótuð á heppilegan og sjálfstæðan hátt sem samband búnaðar-
félaga. Engar slíkar fyrirmyndir voru þá til hér á landi. Félagar Bún-
aðarfélags íslands og Ræktunarfélags Norðurlands voru aðallega ein-
stakir menn. Vafalaust verður bygging Búnaðarsambands Austurlands
langærri og í betra samræmi við kröfur tímans en hinna.“ Þá er getið
fyrstu stjórnar Sambandsins og þar við bætt: „Þessir menn hafa hver
á sína vísu verið atkvæðamenn í búnaðarmálum og átt marga fagra
drauma um framtíð búskapar hér á landi.“
í sumar (1944) átti Sambandið 40 ára afmæli. Fékk eg þá frá aðalfundi
þess á Eiðum svohljóðandi símskeyti: „Á fjörutíu ára afmæli Búnað-
arsambands Austurlands 1944 þakkar aðalfundur þess yður brautryðj-
andi starf við stofnun þess og forgöngu um mörg ár. Sambandsstj órnin. “
Slík viðurkenningar- og þakkarorð, sem sjaldnast koma fyrr en hlutað-
eigandi er kominn í gröfina, mega teljast góðra gjalda verð. En hitt
er víst, að hefði eitthvað slíkt látið á sér bera, meðan yfir stóð, í stað
mótspyrnu og stundum beinnar andstöðu, þá mundi meir hafa á unnizt.
Það hefði örvað og styrkt forgönguna og ávextirnir orðið meiri.