Múlaþing: byggðasögurit Austurlands - 01.01.1987, Qupperneq 47

MULAMNG
45
1984 mun vera í endurbyggingu. Árið 1954 sér Jónas einnig um bygg-
ingu brúar á Gautavíkurárnar.
Frá Djúpavogi hefst gerð akfærs vegar 1951 inn með Berufirði og
komst inn að Fossá 1952, mátti þá heita slarkfært bílum kringum
fjörðinn. Brú bvggð á Fossá 1954og um sama leyti á Hvítá, brúarsmiður
Jónas Gíslason. Brú byggð á Búlandsá 1955 og Berufjarðará 1957, Jón
Dagsson sá um smíði þeirra.
Inn að Eyjólfsstöðum og öðrum býlum í Fossárdal var gjörð slóð
1951, en akfær vegur að kalla 1956.
Gísli Guðmundsson símstöðvarstjóri á Djúpavogi fékkst nokkuð við
verkstjórn í vegagerð í Berufirði og Breiðdal eins og fram hefir komið
áður. Hann mun hafa hafið þetta starf um 1928, m. a. byggði hann
upp góðan vegarspotta um Teigarhorn sem kom að góðum notum
þegar bílar fóru að ganga. Hjálmar Guðmundsson frá Berufirði bóndi
í Fagrahvammi hóf verkstjórastarf í vegagerð um 1940. Hann var einnig
oddviti Beruneshrepps um skeið og beitti sér mjög fyrir því að koma
akfærum vegi inn sveitina, enda varð akfært kringum Berufjörð í hans
tíð. Hann lét af verkstjórn á þjóðveginum 1956 en sneri sér þá að því
að koma jeppafærum vegi yfir Öxi, fjallveg milli Berufjarðar og
Skriðdals, um 20 km vegalengd. Aflaði hann fjár til þessa verks með
ýmsum hætti, m. a. með því að rækta gulrófur og selja þær, sölu
happdrættismiða og samskotum ýmsum. Hann átti sjálfur ýtuspaða og
vann með honum að vegruðningi þessum. Pað tókst á árunum 1959 -
1962 að gera fært fyrir jeppa um þennan fjallveg með lítils háttar
framlagi úr fjallvegasjóði til viðbótar heimafengnu fé. Þessi vegur hefir
fyrir nokkrum árum verið tekinn í þjóðvegatölu. en lítiðfvrir hann gert.
Áður fyrr þegar ferðazt var og flutt á hestum lágu götur og voru
fjölfarnar leiðir um ýmsa fjallvegi til og frá Breiðdal, s. s. um Reindals-
heiði, þá farið upp frá Gilsá og innan við Stöðvarfjarðardal til Fáskrúðs-
fjarðar. Einnig mátti fara Stafsheiði upp úr Norðurdal í Breiðdal og þá
komið til Skriðdals um Þórudal sem gengur suðaustur úr Skriðdal. F*á
verður að nefna Berufjarðarskarð, um það lá póstleiðin um fjallgarðinn
milli Breiðdals og Berufjarðar. Bratt er þar upp á skarðið og niður af
því og illmögulegt að leggja þar akveg yfir. Nokkuð var unnið að vega-
bótum á þessum fjallvegi á síðari hluta 19. aldar og á fyrstu árum eftir
aldamótin, er á það minnst í þættinum um vegagerð fyrir aldamótin.
Upp úr botni Berufjarðardals lágu glöggar götur um Öxi til Skriðdals,
þá leið sem jeppavegurinn var lagður eins og áður segir, og götur lágu
einnig upp úr Berufirði um Hraun til Fljótsdals.