Múlaþing: byggðasögurit Austurlands - 01.01.1987, Síða 71

MULAÞING
69
Sumarið 1927 var byggð brú á Selá og auk þess á Hvammsá og
Gljúfursá. allar úr steinsteypu. Brúarsmiðurinn var Valgeir Jónsson
er mikið fékkst við brúarsmíði um þetta leyti. Efni í brýr á Selá og
Hvammsá var skipað á land innan við Hámundarstaði og flutt þaðan
á kerrum að brúarstæðum. því þangað var ekki orðið fært bílum frá
Vopnafjarðarkauptúni.
Þettá sumar var Jóhannesi Guðmundssyni falið að láta gera akfæran
veg að og frá brúnni á Selá og kerrufæran veg þaðan til Vopnafjarðar.
Jóhannes sá um vegabætur víðar í Vopnafirði þetta sumar. Verka-
mennirnir í brúargerðinni höfðu fría matreiðslu og skála til að matast
í. en verkamennirnir í vegagerðinni sáu sjálfir um sína matargerð og
kostuðu hana að öðru leyti en því að fría höfðu þeir olíu til eldamennsk-
unnar, þannig var þetta víðar um landið á þessum árum.
Vorið 1928 sá Jóhannes um lagningu vegar suður frá Vopnafjarðar-
kauptúni áleiðis að brúarstæði á Hofsá, ásamt því að líta eftir og koma
af stað vegabótavinnuflokkum víðar um Strandir og Vopnafjörð. En
snemma þetta sama sumar hvarf hann með flokk manna úr Vopnafirði
austur á Hérað að Grímsá á Völlum, þar sem Valgeir Jónsson sá um
brúarbyggingu yfir á þessa. Kemur Jóhannes víst ekki meira við sögu
vegagerðar á Austurlandi.
Árið 1930 er brúin byggð á Hofsá hjá Skjaldþingsstöðum, steinsteypt
brú um 100 m að lengd, brúarsmiður Sigurður Björnsson. Kominn var
þá bílfær vegur utan frá kauptúninu þangað inn eftir og um það leyti
byrjað að leggja akfæran veg inn Hofsárdalinn áleiðis að Hofi og þangað
varð bílfært að kalla 1934.
Það kom að því að Hellisheiðin reyndist erfiður þröskuldur á þjóð-
veginum úr Vopnafirði til Héraðs og svo er enn í dag. Þegar það var
ákveðið að Austurlandsvegurinn yrði lagður um Hólsfjöll og Möðru-
dalsöræfi niður í Jökuldal. beindist hugur Vopnfirðinga og Ströndunga
að því að fá akfæran veg lagðan um Hauksstaðaheiði er tengdist Austur-
landsvegi nálægt Möðrudal. Könnun leiddi í ljós að auðvelt mundi
verða að gera akfært þessa leið. var hún því tekin í þjóðvegatölu 1933.
í ágústmánuði 1935 brauzt lítil Chevrolet vörubifreið frá Möðrudal
til byggða í Vopnafirði. Bifreiðarstjóri var Indriði frá Lindarbrekku
og átti hann bílinn. Það tók tvo daga að komast út yfir heiðina að
Fossi í Hofsárdal. Með í förinni voru 3-4 menn til hjálpar. Þetta
uppátæki þeirra félaga mun m. a. hafa orðið til þess að árið á eftir,
1936, var hafinn ruðningur vegar frá Austurlandsvegi sunnan Vegar-
skarðs um Langadal meðfram Súlendum, út allt Bustarfell og niður af
5