Múlaþing: byggðasögurit Austurlands - 01.01.1987, Page 137

MULAÞING
135
„Hann hefur kveðið um allt mögulegt, menn og málefni, tækifæris-
kvæði ýmiskonar, ádeilur, erfiljóð, brúðkaupsljóð, ljóð til barna og
ættingja, mörg ljóðabréf og löng, sveitabragi, stökur o. fl.“2
Manna á meðal hefur meira verið haft á orði það, sem ljóður var á
í ljóðum hans, þ. e. kerskninni og tvíræðninni í stökum sem hann
kastaði fram hvar og hvenær sem var og oft gengu fram af samtíð hans.
Kveðskapurinn ýmist kitlaði eða stakk, huggaði eða hneykslaði.
Engu af þessu hélt hann sjálfur saman, en Ólafur sonur hans og
Eggert bróðir hans skrifuðu upp það sem til náðist og er það til í
handriti, og sýni af því í heimildum sem ég hef vitnað í.
Ekki get ég gert grein fyrir aldri allra barna Haralds og Þrúðar. En
Ólafur var fæddur 1872. Hann bjó ásamt konu sinni, Kristínu Hannes-
dóttur, að Eyjum í Breiðdal frá 1904 til 1936. Þau eignuðust fimm börn.
Dómhildur giftist ekki. Hún var við barnakennslu og til heimilis hjá
systkinum sínum.
Valgerður giftist Ólafi Oddssyni ljósmyndara og eignuðust þau sjö
börn. Var Ólafur listfengur ljósmyndari og er það honum að þakka
að til er hin prýðilega mynd af Haraldi Briem, sem birst hefur á bókum.
Þau hjón bjuggu fyrst á Fáskrúðsfirði og hjá þeim dvaldi Þrúður síðustu
æviárin. Hún lést 1908. Fjölskyldan flutti til Reykjavíkur og átti þar
heima síðan.
Guðný giftist 1901 Birni R. Stefánssyni pöntunarstjóra á Breiðdals-
vík. Hún var fædd 1874, hann 1880. Þeirra einbirni var Haraldur,
fæddur 1902, og þar var kominn „nafni“ sem var augasteinninn hans
afa og fékk allar vísurnar á kortunum. Guðný hafði föður sinn hjá sér
og flutti hann með þeim til Reyðarfjarðar er Björn gerðist þar kaup-
maður 1913. Haraldur lést 9. febrúar 1919, tveimur dögum eftir 17.
afmælisdag nafna síns. Kista hans var flutt á vélbát til Breiðdalsvíkur.
Leiði þeirra hjónanna er í kirkjugarðinum í Heydölum.
Guðný og Björn fluttu til Reykjavíkur með Harald son sinn. Hann
varð skammlífur, og foreldrar hans lifðu hann báðir. 28 ára gamall lést
hann frá konu sinni, Láru Jónsdóttur frá Grund í Eyjafirði, og fjórum
ungum börnum þeirra: Birni, Jóni, Magnúsi og Guðnýju. Þá voru
aðeins liðin 11 ár frá láti afa hans.
Það er um vísurnar á kortunum að segja, að aldur þeirra verður
ekki séður nema á afmælisvísunni til „nafna“ þar sem æviárin „segjast
sex“. Er hún því frá 1908. Margar eru ortar útaf myndunum framan
á og er það nokkuð augljóst eftir efni þeirra hverjar þær eru. En gaman
hefði verið að geta látið myndirnar fylgja.