Múlaþing: byggðasögurit Austurlands - 01.01.1987, Page 141
ÁSMUNDUR HELGASON FRÁ BJARGI
Mótorbáturinn Kári
Vorið 1904 kom fyrsti mótorvélbátur upp til Austfjarða á Seyðis-
fjörð. Eigandi hans og útgerðarmaður var Stefán Th. Jónsson kaup-
maður.
Formaður á bátnum fyrsta sumarið var Símon Jónasson frá Svína-
skála við Reyðarfjörð. Hann hafði verið áður eina vertíð formaður
fyrir Stefán við hákarlaveiðar.
Veiðin gekk vel þennan tíma sem stundað var. Svo þegar Símon
kom heim fékk hann Árna bróður sinn og þá Innstekksbræður, Halldór
og Jón, til að stofna félag og panta mótorbát, sem þeir fengu svo
sendan upp vorið 1905 með „Kong Helga“, Thorefélagsskipi er flutti
upp flesta báta til Austfjarða.
Báturinn var með 10 HK gídeonsvél og hlaut nafnið „Laxinn“. Fleiri
bátar komu upp á norðurfirðina það sumar.
Þetta sama vor kom mikill fjöldi norskra sjómanna til þess að stunda
fiskveiðar hér, flestir voru þeir frá Lófóten og Tromsö.
Þorsteinn Jónsson Kirkjubóli Norðfirði, sem þá gekk almennt undir
nafninu „grútur“ sem honum var gefið í viðurkenningarskyni fyrir að
koma upp lifrarbræðslustöðvum í flestum veiðistöðum á Austfjörðum,
hafði fengið þessa norsku sjómenn hingað upp og fengið þeim húspláss
og uppsátur í hverri veiðistöð frá Langanesi suður á Reyðarfjörð.
Þeir voru svo margir þessir norsku sjómenn, að útgerðarmenn þeir
er ekki höfðu aðstöðu til að leigja þeim hús eða leyfa uppsátur, töldu
sig fá af þeim þungar búsifjar vegna fjöldans.
Þessir norsku sjómenn komu sér vel, voru yfirleitt vandaðir á sjó
við veiðarfæri annarra.
Utgerð þeirra var öll hin snyrtilegasta. Lóðirnar voru úr VA - 2
punda línum, taumar fínir, stífir en þó liðlegir, önglar nr. 8 og 9, enda
komu þeir með svoleiðis beitu að heiman frá Noregi, að betra var að