Tímarit UNIFEM - 01.01.2008, Blaðsíða 6
6
Það var ánægjuleg áskorun að taka við
stjórnarformennsku hjá landsnefnd UNI-
FEM á Íslandi síðastliðið vor eftir að hafa
fylgst með frábærum árangri fyrri stjórnar
úr fjarlægð. Landsnefnd UNIFEM á Íslandi
hafði unnið þrekvirki með Fiðrildavikunni í
upphafi árs. Starf UNIFEM er nú vel þekkt
hér innanlands og finnur núverandi stjórn
fyrir ótrúlegum velvilja í þjóðfélaginu. Sé
leitað út fyrir landsteinana var afrekið
engu minna. Hvorki fyrr né síðar hafði
landsnefnd safnað jafn miklum fjármun-
um og UNIFEM á Íslandi og þarf ekki einu
sinni að grípa til vel þekktra höfðatöluút-
reikninga. Það var því með miklu stolti sem
stjórn og velunnarar UNIFEM á Íslandi
afhentu fjármunina til góðra verka í Súdan,
Líberíu og Kongó á þessu ári.
Ný stjórn tók við því verkefni að halda fiðr-
ildunum á lofti og þar með áframhaldandi
fiðrildaáhrifum. Allt kapp hefur verið lagt
á að njóta meðbyrsins enda mörg brýn
verkefni við að eiga. Einna hæst hefur
borið söfnun undirskrifta við áskorun UNI-
FEM á alþjóðavísu Segjum NEI við ofbeldi
gegn konum. Það er áskorun til ríkisstjórna
um að gera baráttuna gegn kynbundnu
ofbeldi að forgangsmáli. Hérlendis var
undirskriftum safnað sérstaklega og þær
afhentar höfuðstöðvum UNIFEM í New
York. Öllum sem veittu átakinu lið er hér
með þakkað sérstaklega.
Þrátt fyrir mikinn meðbyr er siglingin þó
ekki þrautalaus. Eins og aðrir í þjóðfélag-
inu finnum við fyrir því að margt hefur
breyst hvað varðar efnahagsástandið að
undanförnu. Fjármögnun fyrir daglegan
rekstur er tvísýn og athygli almennings
auðvitað á þeim sem næst þeim standa,
fjölskyldu og vinum. En á meðan verkefnin
eru til staðar hvarflar ekki að stjórn UNI-
FEM á Íslandi að leggja árar í bát. Í náinni
framtíð þarf að hlúa að fjölmörgum lirfum
til að þær geti orðið að fiðrildum og hafið
sig til flugs þegar fram líða stundir.
Verkefnin fram undan eru einkum af
tvennum toga: Annars vegar munum við
halda áfram að þrýsta á íslensk stjórnvöld
um að leggja sitt af mörkum til málefna
kvenna. Hins vegar þarf að halda áfram
þeirri vitundarvakningu sem hefur orðið
meðal almennings gagnvart stöðu kvenna
og markmiðum UNIFEM.
Verkefni á sviði þróunarmála og jafnréttis
kynjanna eru ærin. Fátækt eyðist ekki af
sjálfu sér og jafnréttið kemur heldur ekki
af sjálfu sér. Þetta eru verkefni sem krefj-
ast tíma, fjármuna og samvinnu margra
aðila. Verkefni sem mega síst gleymast
þegar við stöndum frammi fyrir kreppu,
enda bitnar kreppa oft mjög illa á konum.
Mörg sóknarfæri geta skapast í breyttum
aðstæðum. Eins og með annað í lífinu
verður að nýta þau til góðs ef þau eiga að
skila sér í betri framtíð fyrir konur og þar
með samfélagið allt.
Höfundur er stjórnarformaður
UNIFEM á Íslandi
Fiðrildum
haldið á lofti
EFtir rEgínu Bjarnadóttur
Lj
ó
sm
yn
d
:
R
ag
n
h
ei
ð
u
r
Ey
jó
lf
sd
ó
tt
ir