Tímarit UNIFEM - 01.01.2008, Blaðsíða 11

11
Stuttu áður fengum við góða gesti frá Pal-
estínu í miðstöðina til okkar, þær Maha
Abu-Dayyeh-Shamas, sem stofnaði og stýrir
lagaráðgjafarmiðstöð fyrir konur í Jerúsal-
em, og Anat Saragusti, fréttaritara og sjón-
varpskonu í Palestínu og mikla baráttukonu
fyrir réttindum kvenna þar í landi. Hér voru
þær í heimsókn hjá utanríkisráðherra, sem
hafði verið gerð að heiðursfélaga í IWC (e.
International Women´s Commission for a
Just and Sustainable Palestinian-Israeli
Peace), og því fögnuðum við vissulega með
henni.
Það leynir sér ekki að það er í mörg horn að
líta í svona samtökum og þegar stórar fjár-
upphæðir fara um reikninga þess er mjög
brýnt að hafa allar verklagsreglur í lagi.
Einn vinnuhópur gekk í það verkefni og
kláraði. Annar hópur fór í að yfirfara sjálfa
stefnumótun félagsins og var markmiða-
setning og stefnumið landsnefndarinnar
endurorðuð og gerð aðgengilegri. Lög
landsnefndarinnar voru einnig lagfærð og
breytingatillögur gerðar fyrir aðalfund árs-
ins, sem samþykkti þær umyrðalaust.
Annar hópur fór yfir kynningarmálin og
endurlífgaði mánaðarlega fyrirlestra um
málefni tengd konum í þróunarlöndunum
og starf UNIFEM í þeirra þágu. UNIFEM-
UMRÆÐUR, eins og þessir fyrirlestrar hafa
verið nefndir, eru vel kynntir og sóttir alla
fyrstu laugardaga í mánuði. Þarna hafa flutt
erindi sín alveg ótrúlega góðir fyrirlesarar og
hefur þeim tekist að víkka sjóndeildarhring
margra sem á hlýddu. Umræðuefnin voru
margvísleg; allt frá því að fá innsýn í daglegt
líf sveitakvenna í Malaví fyrir tilstilli Birnu
Halldórsdóttur sem þar bjó, og yfir í umræð-
ur um samfélagslega ábyrgð fyrirtækja í
tengslum við þróunarsamvinnu, sem sér-
fræðingar við HR stýrðu.
Aðalfundur félagsins var svo haldinn 29. apríl
og urðu þar formannsskipti. Guðrún Mar-
grét Guðmundsdóttir kvaddi okkur eftir ævin-
týralegt tímabil og yndislega viðkynningu og
við tók Regína Bjarnadóttir sem einnig hefur
verið frábært að kynnast. Eins og gengur voru
fleiri stjórnarkonur kvaddar og nýjar komu í
þeirra stað, allt saman alveg einstakar konur
sem mér hefur þótt bæði lærdómsríkt og gef-
andi að kynnast og starfa með.
Áhugaverð verkefni
á döfinni
Í maí tók ný stjórn stefnuna á framhaldið og
aftur skiptum við með okkur verkum. Einn
hópur tekur að sér stefnumótun félagsins
fyrir tímabilið fram undan, annar fer í að
leita nýrra bakhjarla, nokkrar stjórnarkonur
eru að vinna að viðskiptaáætlun með hönn-
uði til kynningar á UNIFEM, Líberíuhópur
skoðar möguleikann á hópferð á fund í Líb-
eríu og einnig er stafað í vitundarvakning-
arhópi, sem leitar leiða til að breiða starf-
semi landsnefndarinnar út um allt land og
fjölga þar félagskonum og -mönnum. Allt
eru þetta verkefni sem eru í fullum gangi
nú um stundir og verða áfram í vetur.
Þá starfaði einn hópur ötullega að því að
halda hér á landi árlegt heimsþing lands-
félaga UNIFEM í september en hann sóttu
tuttugu fulltrúar landsnefnda ýmissa landa
og komu sumar konurnar langt að, eins og
frá Singapore og Ástralíu, en landsfélög
UNIFEM eru 16 talsins. Er óhætt að segja að
íslenska nefndin sinnti þessu verkefni með
sóma. Ég má líka til með að láta það fylgja
að landsnefnd UNIFEM á Íslandi er sú dug-
legasta af þeim öllum við að afla fjár og
hefur hlutfallslega langflesta félaga. Slíkur
árangur næst einungis þegar samhentur
hópur vinnur verkið með ánægju og stór-
hug eins og ég hef leitast við að lýsa hér að
ofan – og við hlökkum til verkefnanna fram
undan enda eru þau ærin.
Höfundur er stjórnarkona í UNIFEM á Íslandi
Lindora Howard-Diawara er framkvæmdastjóri kvenna- og friðarsamtaka í Líberíu. Hún var
heiðursgestur á árlegum morgunverðarfundi UNIFEM á Íslandi þann 25. nóvember 2007.
MarkMið uniFEM á íslandi
• Kynna og auka áhuga almennings á starfsemi UNIFEM.
• Vera málsvari kvenna í þróunarlöndum og á átakasvæðum með það að leiðarljósi
að störf þeirra séu órjúfanlegur hluti efnahags- og félagslegrar þróunar.
• Afla fjárframlaga til starfsemi UNIFEM frá hinu opinbera og einkaaðilum.
Lj
ó
sm
yn
d
:
B
ry
n
ja
r
G
au
ti