Tímarit UNIFEM - 01.01.2008, Blaðsíða 20

20
• Mannréttindafræðslu.
• Smálánaþjónustu til að koma af stað
grænmetisframleiðslu.
Það er markmið yfirvalda í Parwan að
þjálfa konurnar sem sækja miðstöðina í að
sjá sjálfar um miðstöðina þegar verkefninu
lýkur. Verkefnið hefur verið samþykkt af
hálfu yfirvalda í héraðinu sem þáttur í að
veita konum öruggt athvarf og aðstoða
þær við að auka þekkingu og tækifæri til
þátttöku í félags-, efnahagslegri og pólit-
ískri framþróun. Til að auka líkur á þátt-
töku kvenna er boðið upp á dagvistun á
staðnum.
Fjárhagslegum stuðningi UNIFEM í Afgan-
istan við kvennamiðstöðvarnar lauk form-
lega í lok árs 2007 en UNIFEM kemur til með
að styðja áfram við bakið á þeim með
stuðningi sínum við kvennamálaráðuneytið,
héraðsskrifstofurnar og frjáls félagasamtök
sem vinna í grasrót landsins. Kvennamið-
stöðvarnar hafa reynst konunum, sem
þangað hafa leitað, og fjölskyldum þeirra
mikill stuðningur. Það er því von UNIFEM og
okkar allra að afgönsk stjórnvöld, með
góðum stuðningi alþjóðasamfélagsins, nái
að standa við loforð sín um að bæta stöðu
og líf kvenna, og þar með barna þeirra, í
Afganistan.
Razia hefur átt erfitt líf. Aðstæður hennar eru mjög bágbornar;
foreldrar hennar eru látnir og eiginmaðurinn afplánar fangels-
isdóm fyrir morð. Hún gat á engan hátt framfleytt sér og ungum
börnum sínum. Nágrannar hennar gáfu henni einstaka sinnum
brauð og hveiti. Hún á ekkert land, frekar en afganskar konur
almennt, og segir að það sé lítill möguleiki fyrir sig að fá vinnu.
Razia, sem býr í Panjsher-dalnum, ákvað að taka þátt í verkefni
sem UNIFEM styrkir og byggist á lestrar- og skriftarkennslu,
verklegri kennslu og býflugnarækt. Razia segist hafa viljað læra
býflugnarækt og læra að lesa. Nú hefur hún lært alla þætti
býflugnaræktar og bróðir hennar aðstoðar hana við að selja
hunangið. Afraksturinn fer í að kaupa mat fyrir heimilið en
Razia talar einnig um ávinninginn af því að hafa lært að lesa og
geta þannig kennt börnum sínum stafrófið.
UNIFEM er í samvinnu við frjáls félagasamtök og héraðsskrif-
stofuna m.a. í Panjsher, og veitir fjárhagslega og tæknilega
aðstoð í svona verkefni. Markmiðið er að aðstoða afganskar
konur í litlum borgum og þorpum úti á landsbyggðinni að
byggja upp eigið lífsviðurværi og koma þeim í samband við
þjónustuaðila sem koma framleiðslu þeirra áfram. Þjálfun og
námskeið fara fram í félagsheimilum í þorpunum.
rEynslusaga raziu
UNIFEM leggur áherslu á að virkja þátttöku
kvenna í efnahagslegri þróun í sveitum
landsins í gegnum héraðsskrifstofur og
kvennamiðstöðvar. Hluti af því er að styrkja
vinnu afganska kvennamálaráðuneytisins
og aðstoða við að útfæra aðgerðaáætlun
fyrir konur í Afganistan. Aðgerðaáætlunin,
sem er stefnumarkandi, hefur verið sam-
þykkt og á að koma til framkvæmda
snemma árs 2009. Þar eru sett fram heild-
stæð úrræði sem eiga að stuðla að bættri
stöðu kvenna og munu koma afgönsku
samfélagi til góða. Mikilvægt er að styrkja
samstarf kvenna sem starfa að efnahags-
legri framþróun í grasrótinni við stærri
stofnanir og ríkisstjórnina. Auk þess er brýnt
að fræða konur um borgaraleg réttindi sín
og þörf á að styrkja verklag sem stuðlar að
aukinni þátttöku kvenna í samfélags- og
efnahagslegri friðaruppbyggingu.
Aldrei of seint. Eldri kona í hreyfanlegu kvennamiðstöðinni í Hizatkhail.
Lj
ó
sm
yn
d
:
U
N
IF
EM
A
fg
an
is
ta
n
Lj
ó
sm
yn
d
:
U
N
IF
EM
A
fg
an
is
ta
n
Jógúrtframleiðsla í Hizatkhail.