Tímarit hjúkrunarfræðinga - 01.12.2009, Blaðsíða 10

Tímarit hjúkrunarfræ›inga – 6. tbl. 85. árg. 20096
Skemmst er að minnast rómaðrar
heimsóknar 23 félaga öldungadeildarinnar
íslensku til danska félagsins í ágúst í
fyrra og á danska hjúkrunarminjasafnið.
Heimsóknin hefur greinilega vakið áhuga
dönsku félaganna á Íslandi því að í julí
sl. sóttu sjö félagar frá „Senjórítunum“
okkur heim.
Þær dönsku höfðu ekki langa viðdvöl,
komu fimmtudaginn 23. júlí og fóru
sunnudaginn 26. júlí. Þær nýttu tímann vel,
fóru í hefðbundnar skoðunarferðir, meðal
annars Gullna hringinn og í Bláa lónið.
Föstudaginn 24. júlí tókum við í stjórn
öldungadeildarinnar á móti gestunum í
Turninum í Kópavogi þar sem þeim var
boðið til hádegisverðar. Við merktum
þær allar með nafnspjöldum með risaletri
sem María ritarinn okkar hafði útbúið.
Þær bjuggu á Hótel Cabin við Borgartún
og sóttum við Bergljót formaður og Ríkey
varaformaður gestina þangað. Það var
fallegt veður, glampandi sól og útsýnið
stórkostlegt. Heldur hafði kólnað frá því
sem verið hafði en óvenjuheitt hafði
verið í veðri á íslenskan mælikvarða. Enn
fremur buðum við Pálínu Sigurjónsdóttur,
fyrrverandi formanni deildarinnar, en hún
hefur verið hvað skeleggust í því að koma
á og halda tengslum við danska félagið
og átti hún nokkrar vinkonur í hópnum.
Eftir að formaður hafði boðið gestina
velkomna beið okkar glæsilegt hlaðborð,
úrval margvíslegra ljúffengra rétta. Að
hádegisverðinum loknum var þeim boðið
í heimsókn á skrifstofu Félags íslenskra
hjúkrunarfræðinga. Skrifstofan var að
vísu lokuð vegna sumarleyfa og flestir
starfsmenn fjarverandi, þar á meðal
formaðurinn sem gat því ekki tekið á
móti gestunum. En málum var bjargað.
Félagar úr Seniorsammenslutningen, sem er danskt systurfélag öldungadeildar
FÍH, sóttu Ísland heim í júlí 2009. Eins og félögum í öldungadeild Félags
íslenskra hjúkrunarfræðinga er kunnugt er deildin í nánu og góðu sambandi við
systurfélagið danska.
DANSKIR GESTIR ÚR ÖLDUNGADEILD
Steinunn Friðriksdóttir, sem sér um
veitingar fyrir félagið, kom og undirbjó
móttökuna og kunni meðal annars að
opna hið mjög svo flókna öryggiskerfi
sem notað er á skrifstofunni. Þegar
þangað kom buðum við upp á okkar
einkennisdrykk, það er sérrí – afgang úr
sumarferðinni – kaffi, konfekt og ljúffengar
marengskökur sem María ritari bakaði.
Undir borðum fræddi Pálína gestina um
öldungadeildina og sagði jafnframt í stuttu
máli frá Félagi íslenskra hjúkrunarfræðinga.
Við diska okkar Íslendinganna voru litlir
svartir pakkar með danska félagsmerkinu,
gjafir til okkar í stjórninni. Formaður
dönsku Senjórítanna, Hanne Christiansen,
hafði orð fyrir gestunum og afhenti
formanni, varaformanni og Pálínu fallegt
hefti, „Kvæsthuset“, en eins og mörgum
hjúkrunarfræðingum er kunnugt eru þar
bækistöðvar danska hjúkrunarfélagsins.
Kvæsthuset er ævagömul bygging frá
seinni hluta 17. aldar með merkilega sögu
sem fróðlegt var að lesa um, upphaflega
byggð sem sjúkrahús fyrir slasaða
sjómenn eða „for flådens kvæstede
søfolk“. Þaðan er nafnið komið og var
sjúkrahús rekið þar í tæp 100 ár. Síðan
var þar ýmiss konar starfsemi þar til
danska hjúkrunarfélagið fékk þar inni
árið 2005. Enn fremur afhenti hún Pálínu
glæsilegt tveggja binda rit, „Sögu danska
hjúkrunarfélagsins“. Ríkey varaformaður
afhenti dönsku gestunum einnig gjafir frá
okkur, skjalamöppur og penna merkta
Félagi íslenskra hjúkrunarfræðinga.
Eftir að hafa setið góða stund og rabbað
saman fóru gestirnir í bæinn að skoða
sig um, ýmist í miðbæinn eða Kringluna,
og hvöttum við þær óspart til að versla
sem mest enda afar hagstætt fyrir þær.
Vonandi hafa þær orðið við því.
Stjórnin vann í sameiningu að undirbúningi
og hélt tvo formlega fundi auk símtala.
Ríkey var tengiliður við danska hópinn.
Ekki var annað að heyra en dönsku
gestirnir væru ánægðir með móttökuna
svo og ferðina alla.
Bergljót Líndal er formaður öldungadeildar
Félags íslenskra hjúkrunarfræðinga.
Bergljót Líndal, bl@internet.is
Betri apotekin og Maður lifandi
www.sologheilsa.is
Betri apotekin og Maður lifandi
www.sologheilsa.is