Tímarit hjúkrunarfræðinga - 01.12.2009, Blaðsíða 39
Tímarit hjúkrunarfræ›inga – 6. tbl. 85. árg. 2009 35
lengingar biðlista og flótta vel menntaðs
heilbrigðisstarfsfólks úr landi.
Forstjóri LSH boðaði formenn stéttarfélaga
á upplýsingafund 24. nóvember sl. Þar
kom fram að samkvæmt útreikningum
Hagstofunnar hafa fjárveitingar til LSH,
staðvirtar á mann á verðlagi samneyslu
2008, lækkað um 3% á meðan ríkisútgjöld
hafa hækkað um nærri 16%. Landspítali
hefur því verið sveltur undanfarin ár.
Stjórnendur á LSH voru krafðir um 7,5%
hagræðingu árið 2009 og krafist er 9%
hagræðingar árið 2010! Og enn tala
einstakir stjórnmálamenn þannig að
þetta eigi að vera framkvæmanlegt án
þess að skerða þjónustu og án þess að
ógna öryggi sjúklinga.
Þó stjórnendur LSH ætli sér að
vernda sem flest störf kom fram að
að óbreyttu þurfi að fækka um 200
ársverk á spítalanum á næsta ári. Öll
þjónusta á kvöldin og um helgar mun
verða skert sem þýðir umtalsverða
launalækkun hjúkrunarfræðinga. Lokanir
næsta sumar verða meiri en áður og
vonast er til að hægt verði að helminga
sumarafleysingar. Það mun enn auka
álagið á þá hjúkrunarfræðinga sem eru
við störf og minnka líkur á að þeir
hjúkrunarfræðingar, sem brautskrást
vorið 2010, fái vinnu. Það eykur líkur
á land flótta. Ákveðin þjónusta á LSH
verður dregin saman, sólarhringsrúmum
fækkað, hjartaþræðingum og fleiri
að gerðum fækkar og biðlistar munu
lengjast. Þeim mikla árangri, sem náðst
hefur í heilbrigðisþjónustu hér á landi á
síðustu árum, er stefnt í voða.
Leiðarljós stjórnenda LSH í niðurskurðinum
er fyrst og fremst öryggi sjúklinga. Það ætti
einnig að vera leiðarljós hjúkrunarfæðinga
og annarra heilbrigðisstarfsmanna.
Það ætti ekki síður að vera leiðarljós
þeirra sem nú taka ákvarðanir um
skiptingu takmarkaðra fjármuna í ríkis
kassanum. Það er full ástæða til að
hvetja hjúkrunarfræðinga, stjórnendur
og stjórnmálamenn til að leggja sig alla
fram um að vernda heilbrigðiskerfið á leið
okkar út úr efnahagskreppunni. Reynsla
annarra þjóða færir okkur heim sanninn
um alvarlegar afleiðingar þess ef gengið er
of nærri heilbrigðisþjónustunni.
Desemberuppbót 2009
Hjúkrunarfræðingur, sem starfar í fyrstu viku nóvembermánaðar,
skal fá greidda desemberuppbót 1. desember ár hvert miðað við
fullt starf tímabilið 1. janúar til 31. október. Hafi hjúkrunarfræðingur
gegnt hlutastarfi eða unnið hluta úr ári skal hann fá greitt miðað við
starfhlutfall á framangreindu tímabili. Hjúkrunarfræðingar eru hvattir
til þess að fara vel yfir launaseðilinn og hafa samband við launadeild
vinnuveitandans ef ekki hefur verið greidd desemberuppbót.
Desemberuppbót á árinu 2009 samkvæmt kjarasamningum Félags
íslenskra hjúkrunarfræðinga við ríkissjóð, sjálfseignarstofnanir og
Reykjavíkurborg er 44.100 kr. Hjúkrunarfræðingur, sem látið hefur
af starfi, verður þó að hafa skilað minnst þriggja mánaða starfi á
árinu til að fá greidda desemberuppbót.
Samkvæmt kjarasamningi Félags íslenskra hjúkrunarfræðinga
og Launanefndar sveitarfélaga er desemberuppbót á árinu 2009
61.509 kr. Hjúkrunarfræðingur, sem látið hefur af starfi, verður
þó að hafa skilað minnst sex mánaða starfi til að fá greidda
desemberuppbót.
Dæmi um desemberuppbót hjá tímavinnufólki:
Til að fá fulla desemberuppbót hefði hjúkrunarfræðingur þurft
að vera búinn að skila 1504 vinnustundum. Hjúkrunarfræðingur
í tímavinnu, sem unnið hefur samtals 555 stundir á árinu, fær þá
hlutfall af desemberuppbótinni 555 / 1504 = 36,9%. Það þýðir
að hjúkrunarfræðingur starfandi samkvæmt kjarasamningi ríkis,
sjálfseignarstofnana eða Reykjavíkurborgar fær 16.272 kr. og
hjúkrunarfræðingur starfandi samkvæmt kjarasamningi Launanefndar
sveitarfélaga fær 22.696 kr.
Fr
ét
ta
pu
nk
tu
r