Tölvumál - 01.11.2009, Blaðsíða 13

Flestir í sprotasetrinu eru að ganga í gegnum
svipaða hluti, þ.e. útfæra viðskiptahugmynd, stofna
fyrirtæki, leita að fjármagni og markaði fyrir vörur
sínar og þjónustu. Fólk getur því borið saman
bækur sínar eða leitað að samlegð
T Ö L V U M Á L | 1 3
sækja um styrki og reyndum að vanda til umsóknanna. Við fengum styrk úr
ákveðnum sjóði til að útfæra hluta af viðskiptahugmyndinni, og erum þessa
dagana að vinna við það“ segja þau og eru þakklát fyrir stuðninginn.
Í töflu 1 eru taldar upp nokkrar af þeim fjármögnunarleiðum sem
sprotafyrirtæki geta nýtt sér en mjög er mikilvægt að kynna sér þau mál vel
og vanda styrkumsóknir.
Möguleikar sprota á að sækja Evrópustyrki eða Norðurlandastyrki eru oftast
nær ekki í boði því til þess verða fyrirtæki að geta sýnt fram á stöðugan
rekstur. Þó eru undanteknar þar á og eru viðmælendur okkar þátttakendur í
einu verkefni sem styrkt er af norrænu fé.
Nú svo er það markaðsmálin sem eru gífurlega mikilvæg hverju sprota-
fyrirtæki og þar skiptir þekking miklu máli eða eins og þau segja:
„Markaðssetning hefur reynst okkur fjötur um fót því við höfum einfaldlega
ekki nægjanlega þekkingu til þess að sinna henni af einhverju viti. Við
höfum því helst leitað aðstoðar varðandi þennan þátt og reyndar komist að
raun um það að markaðssetning er örugglega sá hluti sem hefur mest um
það að segja hvort fyrirtæki lifir eða deyr.“ Þegar peningar eru af skornum
skammti þá kemur það líka niður á kynningu á fyrirtækinu, það þarf alltaf
að velja og hafna þegar verið er að ákveða hvað gera skal við þá fjármuni
sem eru til skiptanna. „Við teljum okkur samt hafa náð vel til markhóps
okkar. Einnig hafa margir aðilar úr þeirra röðum haft samband við okkur
og óskað eftir samstarfi á einn eða annan hátt svo við erum vissulega að
vekja athygli“.
Framtíðin
Það kostar mikla vinnu og þrautseigju að koma á fót sprotafyrirtæki, það er
ekki bara nóg að hafa góða hugmynd eins og reynsla þeirra sýnir: „Þennan
tíma sem við höfum verið í aðstöðu Nýsköpunarsjóðs hafa margir sprotar
flutt bæði inn og út af svæðinu. Sumir staldra stutt við, finna hugmyndum
sínum ekki farveg, fá vinnu við annað, fara í skóla eða flytja úr landi og
sumir gefast hreinlega upp. Aðrir taka þessu eins og hverri annarri vinnu,
mæta vel og vinna hörðum höndum að framgangi hugmynda sinna. Það
þarf mikið sjálfsöryggi og bjartsýni til þess að fleyta sprotafyrirtækjum
áfram og svo auðvitað þol og úthald“.
Þau vinna ótrauð áfram og hlúa að sínum sprota en viðskiptaumhverfið
skiptir auðvitað miklu máli. Svo er bara að vona að það birti fljótlega yfir
íslensku atvinnulífi. Ef fyrirtæki halda að sér höndum og nýta sér ekki það
sem nýsköpunarfyrirtækin hafa upp á að bjóða þá verður þetta ekkert annað
en dýr dagvistun fyrir hæfileikaríkt fólk.“ segja þau að lokum.
Tafla 1: Fjármögnunarleiðir og styrkir sem eru í boði fyrir sprota.
Flokkur Ísland Erlendir sjóðir/aðilar
Hlutafé Frumtak
Nýsköpunarsjóður
Englar
Fjárfestingafélög
Fjárfestingafélög
FirstNorth
Styrkir Átak til atvinnusköpunar
Atvinnumál kvenna
Tækniþróunarsjóður
Rannsóknasjóður
Norðurlandaráð
Sjöunda rammaáætlun Evrópusambandsins
Norðurslóðaáætlun Evrópusambandsins (NPP)
Menntaáætlun Evrópusambandsins
Lánsfé Fjölskylda og vinir, bankar
Önnur úrræði Starfsorka
(Atvinnuleysistryggingasjóður)