Tölvumál - 01.11.2009, Blaðsíða 16

1 6 | T Ö L V U M Á L
Reynslusaga:
Að stofna
rannsóknarsetur
Styrkur Rannís er veittur til að stofna nýtt sjálfstætt rannsóknarsetur,
Vitvélastofnun Íslands eða Icelandic Institute for Intelligent Machines (IIIM),
en framlag Rannís til verkefnisins eru 55 milljónir fyrsta árið, og svo álíka
upphæð á ári hverju næstu 7 árin. Tölvumálum lék hugur á að kynnast betur
þessu spennandi verkefni og manninum á bakvið það, sem náð hefur svona
gríðlega góðum árangri, og kom því að máli við hann. Kristinn er með Ph.D.
gráðu frá M.I.T. (Massachusetts Institute of Technology) og vann í Svíþjóð,
Danmörku, Bretlandi og Bandaríkjunum áður en hann kom til HR. Hann er
meðstofnandi Radar Networks Inc. í Kaliforníu og Gervigreindarseturs HR,
sem hann stofnaði ásamt Yngva Björnssyni árið 2005, en það er fyrsta
gervigreindarsetrið á Íslandi.
Undirbúningur
Kristinn útskýrði fyrir okkur að undirbúningur Vitvélastofnunar Íslands
hefði hafist fyrir nokkrum árum og hún væri rannsóknarstofnun með nýtt
samstarfssnið við fyrirtæki, stofnanir og félög. Stofnunin verður sjálfstæð
en vinnur með fyrirtækjum og háskólum með svokölluðu áskriftarsniði, sem
þýðir að stofnanir „leggja í púkk“ til að greiða sameiginlega götur þróunar
og rannsókna á sviði gervigreindar og hermunar. Svipaðar stofnanir er
að finna erlendis, til dæmis Gervigreindarstofnun Þýskalands (DFKI), sem
sérhæfir sig í hugbúnaðar- og gervigreindarrannsóknum. DFKI hefur náð
gífurlegum árangri á þeim 18 árum sem hún hefur starfað og er nú með yfir
400 manns á launum við rannsóknar- og þróunarvinnu. Einn af stofnendum
DFKI er jafnframt ráðgjafi við stofnun Vitvélastofnunar Íslands.
Vaxandi eftirspurn er eftir hugbúnaði og tækni á sviðum gervigreindar,
vitvísinda og hermunar víðsvegar um heim. Vitvélastofnun mun leggja
áherslu á þróun slíkrar tækni, enda nýtist hún á fjölmörgum sviðum
svo sem í framleiðslutækni, vörum á almennum markaði, almennum
hugbúnaði, netverslunum, sýndarheimum og tölvuleikjum, umhverfis-
og veðurrannsóknum, fjölþjóða lagaumhverfi og reglugerð og mörgu
fleiru. Sem dæmi má taka hermigervil sem nýtist bæði til að spá fyrir um
hegðun leigumarkaðar fyrir mengunarkvóta og hegðun bifreiðaumferðar
Dr. Kristinn R. Þórisson, dósent
við Háskólann í Reykjavík (viðtal:
Ásrún Matthíasdóttir)
Dr. Kristinn R. Þórisson og samstarfsfélagar hans fengu á vordögum 2009 styrk úr nýrri markáætlun Rannís
sem ætlað er að styrkja öndvegissetur og klasa hér innanlands. Stuttu áður fékk Kristinn tveggja milljóna
evra styrk úr 7. rammaáætlun Evrópusambandsins til gervigreindarrannsókna. Styrkirnir eru báðir úr
samkeppnissjóðum, sem þýðir að umsóknir Kristins og samstarfsfélaga hans kepptu við meira en hundrað
aðrar umsóknir.