Tímarit hjúkrunarfræðinga - 01.02.2012, Síða 18

Tímarit hjúkrunarfræ›inga – 1. tbl. 88. árg. 201214
skilning hjúkrunarfræðinga á niðurstöðum
rannsókna út frá hjúkrun sjúklinga. Fram
hefur komið að færni hjúkrunarfræðinga
hafi aukist með notkun handtækja.
Jafnframt hefur vitund hjúkrunarfræðinga
gagnvart gangreyndum rannsóknum
aukist með tilkomu tækjanna í klínísku
starfi (Doran og félagar, 2010).
Handtæki geta verið hjálpleg þegar
verið er að veita meðferð, svo sem ytri
öndunarvélarmeðferð. Hægt er að fletta
upp gagnreyndum verkferlum með öllum
þeim upplýsingum sem á þarf að halda
og meira til. Hægt er að skoða myndir og
myndbönd, til að mynda af tengingum og
uppsetningu á ytri öndunarvélarmeðferð,
ásamt því að lesa sér til í texta. Líkt
og áður uppfærast nýjustu upplýsingar
sjálfkrafa þegar þær eru tiltækar. Því má
ætla að meðferð bráðveikra sjúklinga eflist
með notun á handtækjum í hjúkrun.
Þessu til viðbótar má nefna að til eru
öflugar einskonar alfræðigagnaveitur í
handtækjum. Gefum okkur að sjúklingur
sé með sjaldgæf einkenni eða við séum
búin að gleyma hvað „CPAP“ er eða
hvernig það virkar. Þá er fljótlegt að slá
inn orðið í handtækið og fá upplýsingar
um leið, bæði í orðum og myndum.
Hægt er að finna endalaus dæmi um
hagnýtingu handtækja í klínísku starfi
hjúkrunarfræðinga því í hverjum mánuði
koma ný forrit, svokölluð „app“, sem
sniðin eru að þörfum heilbrigðisstarfsfólks.
Því getur það verið snúið að setja sig inn
í hvaða forrit henta og henta ekki – að
minnsta kosti fyrst um sinn.
Öll þessi forrit aðstoða hjúkrunarfræðinga
við ákvörðunartöku í klínísku starfi
þar sem aldrei er nóg af tíma og álag
að jafnaði mikið. Notkun handtækja
samræmist aukinni áherslu á gagnreynda
þekkingu í klínísku starfi. Á Landspítala
hefur verið kastað fram þeirri hugmynd
að búa til forrit utan um þá verkferla
sem til eru innan Landspítala. Slíkt
myndi án efa efla þjónustu og samræma
vinnulag. Flest forrit og gagnagrunnar
uppfærast sjálfkrafa þegar handtækið er
nettengt. Það gerir notendanum kleift að
vera alltaf með nýjustu upplýsingarnar
tiltækar. Mörg fagtímarit hafa séð sér leik
á borði við aukna notkun handtækja í
heilbrigðisvísindum og hafa smíðað forrit
sem sækja nýjustu greinar tímaritanna
beint í handtækið. Þannig „sækja“
tímaritin notendann en ekki öfugt eins og
verið hefur.
Ókostir
Helsti gallinn við snjallsíma og spjaldtölvur
er kostnaðurinn. Tækin eru dýr og þau
úreldast hratt sökum þess hve þróunin er
ör en sífellt öflugri tæki koma á markaðinn
og hugbúnaðurinn gerir samhliða meiri
kröfur. Þá getur það tekið fólk tíma að
læra á tækið og notkunarmöguleika þess
og finna réttu forritin sem henta hverjum
og einum. Hér hefur lítið verið fjallað
um rafræna sjúkraskrá en öryggismál
geta verið vandamál við skráningu
heilsufarsupplýsinga í snjallsíma og
spjaldtölvu. Á sinn hátt er það ókostur
við handtækin að þau sækja og senda
frá sér upplýsingar á þráðlausu neti. Slík
net geta verið misörugg og margir veigra
sér við að láta viðkvæmar upplýsingar
fara þessa leið. Svo er ekki alls staðar
nettenging og getur komið sér illa að
geta ekki náð í upplýsingar. Þá skortir
rannsóknir á notkun handtækja í klínísku
starfi með það fyrir augum að sjá hvort
gæði í meðferð sjúklinga aukist og hvort
öryggi sjúklinga eflist.
Kostir
Kostirnir við notkun handtækja í hjúkrun
eru margir. Þegar þráðlausa netið virkar
gefur handtækið mikið frelsi. Með allar
þær upplýsingar, sem hægt er að hafa í
handtækinu, má ætla að þekking aukist.
Þess utan eru nýjustu upplýsingarnar
ávallt tiltækar og það getur eflt samfellu í
meðferð sjúklinga (Lindquist o.fl., 2008).
Hægt er að byggja ákvarðanatöku í
klínísku starfi á aðgengilegum upp­
lýsingum og þannig stuðla að auknu
öryggi sjúklinga (Johansson o.fl., 2011).
Ætla má að meiri tími gefist til að vera við
hlið sjúklingsins, í stað þess að leita uppi
misaðgengi legar upplýsingar, svo ekki
sé minnst á baráttuna við finna borðtölvu
sem ekki er í notkun.
Lyfjaskammtur í sprautu borinn saman við leiðbeiningar. Rætt um hjartalínurit sjúklings.