Tímarit hjúkrunarfræðinga - 01.02.2013, Blaðsíða 33

Tímarit hjúkrunarfræðinga – 1. tbl. 89. árg. 2013 29
á þessum miðlum, hvort sem er með
bloggi, í athugasemdakerfum eða á
miðlum á borð við fésbók (facebook). Á
slíkum vettvangi tjáir fólk skoðanir sínar á
mönnum og málefnum líðandi stundar og
getur þá stundum hitnað í kolunum. Þegar
margt brennur á og uppi er ágreiningur
um leiðir að markmiðum er eðlilegt að
skoðanaskipti séu lífleg og tíð. Hins vegar
er nauðsynlegt að vekja athygli á því
að hjúkrunarfræðingar, sem koma fram
undir starfsheiti, verða að hafa siðareglur
félagsins til hliðsjónar í allri opinberri
umræðu og forðast athugasemdir eða
ummæli sem brjóta í bága við þær.
Ábendingar til siða- og
sáttanefndar
Siða- og sáttanefnd hafa borist nokkrar
fyrirspurnir og athugasemdir vegna
ummæla hjúkrunarfræðinga á netinu sem
hvorki þykja sæmandi né í takti við siða-
reglur. Nefndin hefur rætt þessar ábendingar
á fundum sínum og horft sérstaklega til
9. greinar siðareglna hjúkrunarfræðinga
þar sem segir: „Hjúkrunarfræðingur
ástundar heiðarleg og holl samskipti
við samstarfsfólk. Hann sýnir stéttvísi í
samskiptum við hjúkrunarfræðinga innan
og utan starfsvettvangs.“
Ábendingarnar hafa leitt til þess að siða-
og sáttanefnd ákvað að fjalla um þessi mál
á vettvangi Tímarits hjúkrunarfræðinga
og vekja athygli á mikilvægi þess að
hjúkrunarfræðingar gangi af gætni um
hina viðsjárverðu netheima.
Hjúkrunarfræðingar þurfa að þekkja
siðareglurnar og fylgja þeim bæði í leik og
starfi. Þær gilda ekki eingöngu á vaktinni
heldur alltaf, alls staðar, við öll tækifæri.
Til þess að auðvelda hjúkrunarfræðingum
aðgengi að siðareglunum hafa þær
verið prentaðar í dagbók félagsins 2013
en hún var send hjúkrunarfræðingum
með síðasta tölublaði Tímarits
hjúkrunarfræðinga (5. tbl. 2012).
Siðareglur hjúkrunarfræðinga
Hjúkrunarfræðingar líkt og margar
fagstéttir hafa sett sér skriflegar siðareglur.
Helsti tilgangur siðareglna fagstétta er
að skilgreina hlutverk fagmannsins í
Innan Félags íslenskra hjúkrunarfræðinga starfa nú tvær
nefndir um siðamál hvor með sitt hlutverkið. Hér er gerð grein
fyrir mismunandi verkefnum þeirra.
Siða- og sáttanefnd fjallar um meint brot á siðareglum
félagsins. Til hennar er vísað kvörtunum og kærum varðandi
brot á siðareglunum. Starfsreglur nefndarinnar eru í mótun og
vinnur nefndin að nánari útfærslu þeirra. Siða- og sáttanefnd
getur eingöngu úrskurðað í kærum sem vísað er formlega til
hennar en má bregðast við ábendingum sem henni berast um
ákveðin mál eins og kemur fram hér til hliðar varðandi skrif
hjúkrunarfræðinga á samfélagsmiðlum.
Siðaráð er faglegur farvegur FÍH fyrir siðfræðileg álitamál. Það
skal vera stjórn, deildum og nefndum félagsins til ráðgjafar um
siðfræðileg álitaefni. Siðaráð er vettvangur hjúkrunarfræðinga
og hjúkrunarfræðinema fyrir siðfræðileg álitamál sem tengjast
umönnun sjúklinga, hjúkrun og heilbrigðisþjónustu og skal hafa
forgöngu um umræður um siðamál innan félagsins. Eitt hlutverk
ráðsins er að endurskoða siðareglur hjúkrunarfræðinga. Ráðið
á einnig að kynna og fræða um siðareglur hjúkrunarfræðinga
og hafa forgöngu um umræðu um siðareglur og siðfræði innan
hjúkrunar og í heilbrigðisþjónustunni. Formaður siðaráðs er
Aðalheiður D. Matthíasdóttir.
Siðanefnd og siðaráð