Tímarit hjúkrunarfræðinga - 01.02.2013, Blaðsíða 25
Tímarit hjúkrunarfræðinga – 1. tbl. 89. árg. 2013 21
Styrktarsjóður: mánaðargreiðsla: 2.851 kr.,
ársgreiðsla 34.215 kr.
Sjúkrasjóður: mánaðargreiðsla: 3.097 kr.,
ársgreiðsla 37.163 kr.
Úthlutanir úr sjóðunum hafa hins vegar verið
mun meiri en iðgjöld frá því sjóðirnir voru
stofnaðir árið 2010. Svipuð þróun hefur verið
hjá styrktar- og sjúkrasjóðum nokkurra annarra
stéttarfélaga. Megin ástæðan er að mikill munur
er á þeim styrkjum, sem úthlutunarreglurnar
heimila til sjóðsfélaga, og tekjum sjóðsins. Þar
sem fjöldi sjóðsfélaga, sem sótt hefur um styrki
úr sjóðnum, hefur aukist síðustu ár hafa þessir
veikleikar í úthlutunarreglunum komið í ljós.
Gerðar voru breytingar á úthlutunarreglunum
1. júlí 2012 til að bregðast við tapi sjóðanna en
þá voru felldir niður styrkir vegna tannlækninga,
glasafrjóvgunar og laseraðgerða úr styrktarsjóði
og tannlækninga úr sjúkrasjóði. Þessar
breytingar skiluðu ekki tilætluðum árangri, auk
þess sem úthlutanir vegna sjúkradagpeninga
hafa aukist um 48% milli áranna 2011 og
2012 og 122% milli áranna 2010 og 2012.
Tap sjóðanna árið 2012 nam samtals 16,7
milljónum króna. Sjóðirnir hafa ekki getað greitt
félagssjóði FÍH fyrir umsýslu vegna sjóðanna
frá stofnum sjóðanna árið 2010. Heildarskuldir
sjúkra- og styrktarsjóðs við vinnudeilusjóð og
félagssjóð FÍH eru því nú um 89 milljónir króna.
Nauðsynlegt er að greiða niður þessar skuldir
hratt til þess að vinnudeilusjóður og félagssjóður
FÍH hafi úr að spila öllum sínum fjármunum.
Stjórn styrktar- og sjúkrasjóðs og stjórn FÍH
töldu nauðsynlegt í ljósi viðvarandi tapreksturs
sjóðanna og mikilla skulda að bregðast við
þessari stöðu með breyttum úthlutunarreglum.
Tilgangur breytinganna er að rétta af
fjárhagsstöðu sjóðanna og greiða niður skuldir
við vinnudeilusjóð og félagssjóð FÍH. Markmið
breytinganna er að viðhalda styrkjum vegna
ólaunaðrar fjarveru frá vinnu og fæðingarstyrk.
Stjórn styrktar- og sjúkrasjóðs og stjórn
FÍH gera sér grein fyrir því að breytingar á
úthlutunarreglum með svo skömmum fyrirvara
koma sér illa fyrir sjóðsfélaga. Við viljum biðja
sjóðsfélaga um að sýna þessum breytingum
skilning og er það von okkar að hægt verði að
auka aftur styrki úr sjóðunum hið allra fyrsta.
Guðbjörg Pálsdóttir er formaður styrktar- og
sjúkrasjóðs og Gunnar Helgason ritari sjóðsins. Þau
sitja bæði í stjórn Félags íslenskra hjúkrunarfræðinga.
Kosningar til formans
Efnt verður til formannskosninga í byrjun mars. Formanns-
kosningar eru haldnar annað hvert ár en síðustu fimm
skiptin hefur Elsa B. Friðfinnsdóttir sigrað í kosningunum
eða verið ein í kjöri. Hún getur samkvæmt lögum félagsins
ekki boðið sig fram aftur en í staðinn hafa eftirfarandi
félagsmenn ákveðið að sækjast eftir kjöri:
Elín Hanna Jónsdóttir
Herdís Gunnarsdóttir
Margrét Guðjónsdóttir
Ólafur G. Skúlason
Ragnheiður Gunnarsdóttir
Vigdís Hallgrímsdóttir.
Framboðsfrestur rann út 31. janúar. Síðan tölublaðið fór í
prentun hafa frambjóðendur fundað með kjörnefnd og hafið
kynningar sínar. Um miðjan febrúar eða í síðasta lagi 18.
febrúar munu kynningar birtast á kosningavef félagsins.
Kynningarfundur verður haldinn á Grand hóteli 21. febrúar
og verður hægt að fylgjast með útsendingu frá fundinum á
vef félagsins. Upptökur frá fundinum verða einnig settar á
vefinn. Á fundinum mun hver frambjóðandi fá tíu mínútur
til þess að kynna sig og svo verður hægt að spyrja
frambjóðendur spjörunum úr.
Kosningar fara fram 1. til 11. mars. Á þessum tíma er opið
fyrir rafræna kosningu en þeir sem vilja frekar skila kjörseðli
á pappír þurfa að póstleggja hann eða skila á skrifstofu í
síðasta lagi 8. mars kl. 16.
Kjörnefnd tilkynnir úrslit kosninga 18. mars og nýr formaður
verður að sjálfsögðu kynntur á aðalfundinum 3. maí.
Fr
ét
ta
pu
nk
tu
r