Tímarit hjúkrunarfræðinga - 01.02.2013, Blaðsíða 34

Tímarit hjúkrunarfræðinga – 1. tbl. 89. árg. 201330
samfélaginu og skyldur hans við þá sem
njóta þjónustu hans svo og þá sem hann
á í samskiptum við.
Siðareglur hjúkrunarfræðinga kveða á
um skyldur hjúkrunarfræðinga gagnvart
skjólstæðingum sínum, hjúkrunarstarfinu,
samstarfsfólki og samfélaginu í heild.
Siðareglurnar eru einn af þeim vegvísum
sem hjúkrunarfræðingum ber að fara
eftir í starfi sínu og samskiptum við
skjólstæðinga og samstarfsfólk. Þær eiga
að skerpa á hlutverkum og vera nokkurs
konar leiðarvísir um hvar hin almennu
siðferðislegu mörk liggja í málum sem geta
við fyrstu sýn virkað einföld en reynast vera
flókin og umdeilanleg í framkvæmd.
Samskipti hjúkrunarfræðinga og
skjólstæðinga eru þungamiðja hjúkrunar.
Siðareglur eru því nauðsynlegar
bæði fyrir hjúkrunarfræðinga og ekki
síður þá sem þeir eru í samskiptum
við. Í siðareglum hjúkrunarfræðinga er
áhersla lögð á velferð og mannhelgi
skjólstæðingsins, trúnað við hann og
þagmælsku og að hjúkrunarfræðingar
gæti að því að heilbrigði og öryggi
skjólstæðingsins sé ekki stefnt í hættu.
Þá ber hjúkrunarfræðingi að viðhalda
og miðla þekkingu sinni, ráðfæra sig
við samstarfsaðila með hagsmuni
skjólstæðingsins í huga og taka ekki að
sér verkefni sem hann ræður ekki við
heldur vísa þeim til hæfari aðila. Þar segir
enn fremur að hjúkrunarfræðingar skuli
haga störfum sínum þannig að þeir séu
stétt sinni til sóma og ástundi heiðarleg
og holl samskipti við samstarfsfólk bæði
innan og utan starfsvettvangs.
Siðareglurnar kveða skýrt á um að
hjúkrunarfræðingar eigi umfram allt
skyldum að gegna við þá sem þarfnast
hjúkrunar. Þeim ber skylda til að vekja
athygli á því ef ráðstafanir stjórnvalda
og annarra stjórnenda ganga gegn
hagsmunum skjólstæðinga, svo og ef
heilbrigði og öryggi þeirra er stefnt í
hættu. Slíkt ber þeim að tilkynna
viðeigandi aðilum.
Hjúkrunarfræðingar bera faglega og
lagalega ábyrgð á störfum sínum. Þeim er
skylt að viðhalda þekkingu sinni og færni,
taka þátt í þróun þekkingar í hjúkrun og
byggja störf sín á rannsóknarniðurstöðum
til hagsbóta fyrir skjólstæðinga. Þá ber
þeim að hafa frumkvæði að og vera virkir
þátttakendur í stefnumótun og eflingu
heilbrigðisþjónustunnar.
Virðing og traust
Siða- og sáttanefnd FÍH telur að það
sé öllum hjúkrunarfræðingum hollt og
nauðsynlegt að hafa skoðanir og taka
þátt í málefnalegum umræðum er snerta
hagsmuni þeirra og skjólstæðinga þeirra.
Allri umræðu fylgir ábyrgð og einn af
leiðarvísunum í því, hvernig sú ábyrgð er
uppfyllt, eru siðareglurnar. Því vill nefndin
hvetja hjúkrunarfræðinga eindregið til
að virða siðareglurnar í öllum sínum
athöfnum og gera þá kröfu til sjálfra sín
og annarra að þeir haldi umræðunni
innan velsæmismarka, beri virðingu
fyrir sjálfum sér og kollegum sínum og
ástundi heiðarleg og holl samskipti, bæði
innan og utan starfsvettvangs. Það er
farsæl leið til að viðhalda trúverðugleika
stéttarinnar og standa undir þeim trúnaði
og trausti sem almenningur ber til
hjúkrunarfræðinga.
Nú er lag að huga að sumarfríinu en orlofsblað Félags
íslenskra hjúkrunarfræðinga kemur út bráðlega og
orlofsvefurinn verður opnaður kl. 9 að morgni 11.
mars 2013.
Orlofskostirnir í sumar eru 24, þar af eru 5 nýir.
Einn þeirra er Vörðuholt í Aðaldal. Þessi bústaður
verður til leigu allt árið um kring og ætti að gagnast
norðanmönnum sérstaklega vel. Mikið hefur verið
kallað eftir bústað á því svæði yfir vetrartímann.
Orlofsvefurinn hefur verið stilltur þannig að einungis
þeir sjóðsfélagar, sem eiga tilskilinn fjölda orlofs punkta,
komast inn á orlofstímabilið fyrir vikuleigu (júní, júlí og
ágúst). Úthlutað er samkvæmt punktaeign sjóðsfélaga.
Orlof sumarið 2013
Samningar hafa tekist við Wow air en gjafabréf
frá þessu flugfélagi koma í stað gjafabréfa Iceland
Express. Nýr kostur meðal gjafabréfa er golfkort fyrir
einstaklinga og fjölskyldur.