Tímarit hjúkrunarfræðinga - 01.02.2013, Blaðsíða 47

Tímarit hjúkrunarfræðinga – 1. tbl. 89. árg. 2013 43
að skapa það umhverfi að konan sé sjálf við stjórnvölinn með
stuðningi fagfólks þar sem áhersla er lögð á traust, virðingu
og upplýsingagjöf í öllu ferlinu. Grundvallarhugmyndafræði
hjúkrunar um að veita heildræna en jafnframt einstaklingshæfða
umönnun á mjög vel við í umönnun kvenna í fæðingu.
Í mínu starfi er bein snerting og nálægð við konurnar
óhjákvæmileg til dæmis við að meta hríðar eða nudda bak til
að lina hríðaverki. Þá eru ljósmæður og hjúkrunarfræðingar
í mikilli nánd við fólk, oft á erfiðum tímum í lífi þess. Með
nærveru okkar erum við mikilvægir þátttakendur í erfiðum
ákvörðunum og á örlagastundum. Framkoma okkar, nærvera
og snerting skiptir fólk máli. Einlægur áhugi á líðan fólks og
velferð sýnir að við berum virðingu fyrir því og við sýnum
því samhygð og veitum því athygli. Sem ljósmóðir er ég
vitni að og þátttakandi í þeim gleðilega atburði þegar barn
fæðist. Það geta þó verið tímar átaka þegar ekki gengur vel
eða lífshættulegt ástand skapast. Með nærveru minni og
snertingu tel ég að ég geti haft áhrif.
Á sama hátt og snerting við skjólstæðinga okkar hefur áhrif
á velferð þeirra hefur snerting okkar við samstarfsfólk og
stjórnendur áhrif á velferð okkar. Forysta, sem hefur einlægan
áhuga á högum og velferð samstarfsfólksins, endurspeglar
virðingu og skapar traust. Hugmyndafræði þjónandi forystu
felur í sér samskipti og forystu sem er grunduð á þjónustu
og hafa rannsóknir sýnt jákvæð tengsl við starfsánægju og
vellíðan starfsfólks. Dæmi um slíka forystu er áðurnefnd
fyrirmynd mín, Vigdís Magnúsdóttir, sem hlustaði á
hugmyndir annarra og sinnti þörfum samstarfsfólks síns
með virkri hlustun, leiðsögn og tækifærum til að vaxa og
þroskast í starfi. Ég tel slíka aðferð í stjórnun sérstaklega
mikilvæga nú um stundir þegar erfiðlega gengur í rekstri
og álag er mikið. Einmitt þá getur viðhorf og framkoma
stjórnanda skipt sköpum um líðan starfsfólksins.
Ég fylgi skjólstæðingum mínum áfram upp stigann og inn
á fæðingardeildina. Þau eiga fyrir höndum eitt stærsta
verkefni ævi sinnar. Saman mun þeim takast það og með
snertingu minni, nærveru og sérþekkingu vil ég aðstoða
þau við að gera þann atburð eins jákvæðan og hægt er.
Ég skora á Aðalbjörgu Stefaníu Helgadóttur að skrifa
næsta þankastrik.
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
REYNSLA • UMHYGGJA • TRAUST
Önnumst alla þætti útfararinnar
Þegar andlát ber að höndum
Arnór L. Pálsson
framkvæmdastjóri
Ísleifur Jónsson
útfararstjóri
Frímann Andrésson
útfararþjónusta
Svafar Magnússon
útfararþjónusta
Hugrún Jónsdóttir
útfararþjónusta
Guðmundur Baldvinsson
útfararþjónusta
Þorsteinn Elísson
útfararþjónusta
Ellert Ingason
útfararþjónusta