Tímarit hjúkrunarfræðinga - 01.06.2011, Qupperneq 24

Tímarit hjúkrunarfræ›inga – 3. tbl. 87. árg. 201120
Ingibjörg J. Friðbertsdóttir, ingibfr@landspitali.is
FAGDEILD UM VIÐBÓTARMEÐFERÐ Í HJÚKRUN
Á aðalfundi Félags íslenskra hjúkrunarfræðinga 27. maí 2010 voru samþykktar
starfsreglur fyrir nýja fagdeild – fagdeild um viðbótarmeðferð í hjúkrun.
Allir félagsmenn í Félagi íslenskra hjúkrunarfræðinga, sem hafa áhuga á
viðbótarmeðferð, geta orðið félagar.
Þeir sem unnu að stofnun fagdeildarinnar
höfðu hist reglulega frá því í byrjun
árs 2010. Hópurinn samanstóð af
hjúkrunarfræðingum sem vinna við
gjörgæsluhjúkrun, krabbameinshjúkrun,
skólahjúkrun og kennslu við
hjúkrunarfræðideild Háskóla Íslands.
Þær eru: Hólmfríður Margrét Bjarnadóttir,
Ingibjörg J. Friðbertsdóttir, Lilja
Jónasdóttir, Þóra Jenný Gunnarsdóttir,
Vigdís Steinþórsdóttir og Þórunn M.
Lárusdóttir. Allar hafa þær áhuga á
viðbótarmeðferð í hjúkrun og sumar
veita slíka meðferð. Fyrsta starfsárið hafa
setið í stjórn fagdeildarinnar Hólmfríður
Margrét Bjarnadóttir, Ingibjörg J.
Friðbertsdóttir, Lilja Jónasdóttir, Þóra
Jenný Gunnarsdóttir og Þórunn M.
Lárusdóttir, varamenn eru Eva Hjörtína
Ólafsdóttir og Hrund Helgadóttir.
Hugtakið óhefðbundin meðferð hefur
náð að festa sig í sessi í íslenskri
tungu. Í enskri tungu er algengt að
nota skammstöfunina CAM fyrir
óhefðbundna meðferð. Skammstöfunin
stendur fyrir Complementary and
Alternative Medicine. Þetta heiti felur í
sér tvö hugtök, þ.e. viðbótarmeðferð
(complementary) og meðferð sem kemur
í stað annarrar meðferðar (alternative),
svo sem í staðinn fyrir hefðbundna
meðferð. Færð hafa verið rök fyrir
því að kalla óhefðbundna meðferð
viðbótarmeðferð þegar slík meðferð
er veitt innan heilbrigðisstofnana af
starfsfólki með heilbrigðismenntun.
Viðbótarmeðferð vísar til meðferðar sem
ekki hefur verið talin hluti af hefðbundinni
heilbrigðisþjónustu en sýnt hefur verið
fram á með rannsóknum að nýtist
samhliða hefðbundinni meðferð.
Stjórn fagdeildar um viðbótarmeðferðir í hjúkrun. Í stjórninni eru frá vinstri Þóra Jenný Gunnarsdóttir,
Lilja Jónasdóttir, Hrund Helgadóttir, Þórunn Lárusdóttir og Hólmfríður Margrét Bjarnadóttir. Á myndina
vantar Ingibjörgu J. Friðbertsdóttur og Evu Hjörtínu Ólafsdóttur.
Fagdeildin hefur fengið svæði á vefsíðu
Félags íslenskra hjúkrunarfræðinga
og póstfangið vidbot@hjukrun.is.
Búið er að setja texta á síðuna og
verður hann uppfærður reglulega. Frá
stofnun fagdeildarinnar hefur verið
unnið að ýmsum málum. Aflað hefur
verið upplýsinga um sambærileg félög
á Norðurlöndum. Haldinn hefur verið
fundur með formanni fagdeildar um
viðbótarmeðferð í Danmörku en sú deild
er innan danska hjúkrunarfélagsins.
Áhugi var hjá báðum aðilum að ræða
áframhaldandi samstarf. Hafin er söfnun
upplýsinga um hvaða viðbótarmeðferð er
beitt innan íslenska heilbrigðiskerfisins.
Frá stofnun fagdeildarinnar hafa verið
haldnir þrír fræðslufundir. Fyrsti fundurinn
var í september en hann var formlegur
stofnfundur deildarinnar. Á þeim fundi
var farið yfir aðdraganda að stofnun
fagdeildarinnar og starfsreglur kynntar.
Þóra Jenný Gunnarsdóttir hélt erindi
um núverandi stöðu viðbótarmeðferðar
innan heilbrigðiskerfisins. Annar
fundurinn var haldinn í nóvember og
flutti Lilja Jónasdóttir þar fræðsluerindi
um slökun og dáleiðslu, viðbótarmeðferð
sem veitt er á dagdeild blóð­ og
krabbameinslækninga á Landspítala.
Þriðji fræðslufundurinn var haldinn í
tengslum við aðalfund fagdeildarinnar
í lok mars 2011. Á fundinum fluttu
Arnbjörg Linda Jóhannsdóttir og Gyða
Pálsdóttir fræðsluerindi um nálastungur.
Innlendar og erlendar rannsóknir hafa sýnt
að áhugi almennings á óhefðbundinni