Tímarit hjúkrunarfræðinga - 01.06.2011, Qupperneq 41

Tímarit hjúkrunarfræ›inga – 3. tbl. 87. árg. 2011 37
Guðbjartur Hannesson.
Alþjóðaráðs hjúkrunarfræðinga (ICN), sem
haldinn var á Möltu nú í byrjun maímánaðar,
var einróma ályktað um nauðsyn þess
að Alþjóðaheilbrigðismálastofnunin
réði hjúkrunarfræðinga í æðstu stöður
stofnunarinnar og að í hverju heilbrigðis­
eða velferðarráðuneyti einstakra ríkja
starfaði leiðtogi í hjúkrun, Chief Nurse
Executive.
Guðbjartur Hannesson velferðarráðherra
ávarpaði fundarmenn. Taldi hann það kær­
komið tækifæri fyrir sig að fá að tala beint
til svo fjöl mennrar heilbrigðis stéttar sem
starfar á öllum sviðum heilbrigðiskerfisins
og er því fátt óviðkomandi í þessum stóra
mála flokki. Ræddi hann þær breytingar
sem orðið hafa í heilbrigðiskerfinu og
heil brigðisþjónustunni undanfarin
misseri og lagði á það áherslu að þar
ættu sér sífelldar breytingar stað í takt
við breytta tíma og nýjar áherslur þó
þær hefðu verið meiri en við eigum
að venjast undanfarið, meðal annars
vegna erfiðra efnahagsaðstæðna.
Ráðherra fór yfir helstu áherslur
og breytingar sem fram undan eru á
heilbrigðisþjónustunni en megináhersla
verður lögð á heildstæða stefnumörkun
á sviði velferðarmála og ákvarðanir
byggðar á glöggum upplýsingum og
staðreyndum. Að lokum tók ráðherra
undir orð formanns FÍH um nauðsyn þess
að formgera betur samstarf og samráð
Félags íslenskra hjúkrunarfræðinga og
velferðarráðuneytisins.
Ráðherra telur að
• með sameiningu ráðuneyta og stofnun nýs vel­
ferðar ráðuneytis hafi verið lagður grunnur að
ýmsum viðameiri breytingum á skipulagi velferðar­
mála til framtíðar
• heilbrigðiskerfið, félagslega kerfið og almanna­
tryggingakerfið séu grunnstoðir velferðarkerfisins
sem verður að skoða og skipuleggja í nánum
tengslum hverja við aðra til að fá skýra heildarsýn
sem ekki hefur verið fyrir hendi
• ef vel er á málum haldið geti stofnun velferðar­
ráðu neytisins orðið grunnur að miklu öflugra
og skil virkara þjónustukerfi fyrir alla notendur
velferðar þjónustunnar
• nálgast þurfi skipulag þjónustunnar meira út frá
þörfum notendanna í stað þess að lokka notendur
og ráðstafa þeim inn í skipulag og þarfir kerfisins.
Framtíðarsýn ráðherra:
• Leggja þarf áherslu á heildstæða stefnumörkun á
sviði velferðarmála.
• Heilsugæslan á að vera í öndvegi sem fyrsti við­
komu staður fólks í heilbrigðiskerfinu. Nauðsyn legt
er að efla starfsemi heilsugæslunnar í þessu skyni.
• Heilbrigðisþjónusta á að vera aðgengileg fólki á
viðeigandi þjónustustigi, óháð efnahag og búsetu.
• Nauðsynlegt er að skilgreina á faglegan hátt
hvaða þjónustustigi er mögulegt og skynsamlegt
að halda úti í einstökum landshlutum og heil­
brigðis umdæmum, eftir því hvort um er að ræða
heilsugæslu, almenna sjúkrahúsþjónustu og
hjúkrunar rými aldraðra, sérhæfðari sjúkrahús­
þjónustu eða þjónustu sem einungis er á færi
Landspítala að veita.
• Rekstrarform í heilbrigðiskerfinu þurfa að vera
fjölbreytt en í framkvæmd verður að tryggja að
útvistun verkefna og ólík rekstrarform ógni á
engan hátt öryggi sjúklinga
• Öflugri nærþjónusta með flutningi verkefna til
sveitarfélaga er meðal þess sem unnið er að.
Málefni fatlaðra færðust á þeirra hendur um
síðustu áramót og fram undan er undir búningur
að flutningi málefna aldraðra til sveitarfélaganna.
• Skipa þarf forvarnar­ og lýðheilsustarfi traustan
sess og samþætta áherslur þess efnis inn í alla
velferðarþjónustu. Miklu skiptir að setja skýr og
mælanleg markmið eftir því sem kostur er og
beina fjármagni í þau verkefni sem brýnust eru
hverju sinni.
Ávarp velferðarráðherra í heild er að finna á vef
velferðarráðuneytisins.
Úr ávarpi
velferðarráðherra