Tímarit hjúkrunarfræðinga - 01.06.2011, Side 44

Tímarit hjúkrunarfræ›inga – 3. tbl. 87. árg. 201140
Ályktanir aðalfundar 2011
Aðalfundur Félags íslenskra hjúkrunarfræðinga skorar
á helstu viðsemjendur félagsins, fjármálaráðherra,
Reykjavíkurborg og sveitarfélögin, að ganga nú þegar til
samninga við hjúkrunarfræðinga eða í síðasta lagi fyrir lok
maí. Ef ekki hefur verið gengið frá kjarasamningum fyrir
lok maí hvetur aðalfundur FÍH samninganefnd og stjórn
félagsins til að kanna grundvöll og hug félagsmanna til
aðgerða eins og yfirvinnubanns eða verkfalls.
Kjarasamningar Félags íslenskra hjúkrunarfræðinga runnu út
í byrjun árs 2009. Síðan hefur lítið þokast í samkomulagsátt
við helstu viðsemjendur þrátt fyrir að FÍH hafi lagt fram
ýmsar hugmyndir að samkomulagi.
Ályktun um kjaramál
Samninganefnd FÍH hefur lagt áherslu á það í
samningaviðræðum við viðsemjendur sína að gera samninga
sem tryggja félagsmönnum launahækkanir sem þarf til að
tryggja kaupmátt launa og að tekið sé á ýmsum réttinda­ og
sérmálum hjúkrunarfræðinga.
Gengið hefur verið frá samningum við aðila á almennum
markaði og vilja viðsemjendur FÍH hafa þá til viðmiðunar
við gerð samninga á opinberum markaði. Aðalfundur
FÍH mótmælir því harðlega að búið sé að framselja
samningsumboð félagsins í hendur samningsaðilum á
almennum markaði með þessum hætti.
Aðalfundur Félags íslenskra hjúkrunarfræðinga varar eindregið
við þeim alvarlegu afleiðingum sem skertar fjárveitingar til
hjúkrunarfræðináms munu hafa á gæði námsins og menntun
hjúkrunarfræðinga þegar til lengri tíma er litið.
Fjárveitingarnar byggjast á tveimur meginþáttum, annars
vegar fjölda nemenda og hins vegar á rannsóknavirkni
kennara deildanna. Eina leið stjórnenda hjúkrunarfræðideilda
háskólanna til að bregðast við skertum fjárveitingum er
Ályktun um skertar fjárveitingar til hjúkrunarfræðináms
því að draga úr kennslu nemenda, fækka umræðutímum
og minnka leiðsögn. Slíkt mun augljóslega leiða til lakari
árangurs nemendanna og hafa neikvæð áhrif á gæði
heilbrigðisþjónustunnar í framtíðinni.
Aðalfundurinn hvetur stjórnvöld til að horfa til framtíðar og
tryggja áframhaldandi góða heilbrigðisþjónustu með því
meðal annars að falla frá skerðingum á fjárveitingum til
hjúkrunarfræðináms hér á landi.
Aðalfundur Félags íslenskra hjúkrunarfræðinga hvetur
stjórnvöld til að nýta krafta og þekkingu stéttarinnar enn
betur en nú er gert, til hagsbóta fyrir íslensku þjóðina.
Hjúkrunarfræðingar eru stærsta heilbrigðisstéttin á Íslandi.
Menntun þeirra er víðtæk og tekur á heilbrigði og veikindum
einstaklinga. Í krafti sinnar breiðu þekkingar og fjölbreyttra
Ályktun um að nýta betur krafta og þekkingu hjúkrunarfræðinga
starfa hafa þeir mikla yfirsýn bæði á sviði heilbrigðis­ og
félagsmála. Fagleg færni og umhyggja fyrir einstaklingum,
frá vöggu til grafar, eru leiðarljós í störfum stéttarinnar.
Sérfræðiþekking fer sívaxandi í hjúkrun og nýta má enn
betur þá auðlind við uppbyggingu á sérhæfðri þjónustu sem
miðar að þörfum sjúklinga og eflingu heilbrigðis.
verði lögð á skólaheilsugæslu, skólasálfræðiþjónustu og
almenna barnavernd.
Aðalfundur Félags íslenskra hjúkrunarfræðinga skorar
á stjórnvöld að standa vörð um forvarnir og almenna
stuðningsþjónustu er lýtur að skólabörnum. Sérstök áhersla
Ályktun um velferð skólabarna