Morgunblaðið - 02.09.2015, Blaðsíða 5

Innlent
MORGUNBLAÐIÐ MIÐVIKUDAGUR 2. SEPTEMBER 2015
Samtal á
afmælisári50
Í tilefni af 50 ára afmæli stendur Landsvirkjun
fyrir samtali við þjóðina með opnum fundum.
Allir velkomnir!
Hönnun, áhrif og afturkræfni í orkulandslagi
Hvernig mótar orku-
vinnsla umhverfið?
Fimmtudagur 3. september kl. 13:30-16:30
Hilton Reykjavík Nordica
Stórum framkvæmdum fylgir óhjákvæmilegt rask þar sem sjónræn áhrif geta
orðið umtalsverð. Landsvirkjun býður í samstarfi við Félag íslenskra landslags-
arkitekta til opins fundar um hvernig skapa má jafnvægi milli landslags, land-
mótunar og orkunýtingar.
Skráning á fundinn og bein
útsending á landsvirkjun.is
Áhrif mannsins á landslag
Stefán Pálsson sagnfræðingur.
Vatnsafl og arkitektúr
Steinþór Kári Kárason, arkitekt FAÍ og prófessor við Listaháskóla Íslands.
Eru virkjanamannvirki afturkræf?
Rut Kristinsdóttir, sviðsstjóri umhverfismats Skipulagsstofnunar,
og Ólafur Páll Jónsson heimspekingur.
Sjónræn áhrif við aðlögun framkvæmda að landslagi - hvað þýðir það?
Helena Guttormsdóttir, lektor við Landbúnaðarháskóla Íslands,
og Áslaug Traustadóttir, landslagsarkitekt FÍLA, Landmótun.
Hönnun á orkuvinnslusvæðum
Gavin Lister, landslagsarkitekt frá Nýja Sjálandi og stofnandi Isthmus,
landslagsarkitektastofu. Erindið verður flutt á ensku.
Pallborð og umræður
Samantekt
Björk Guðmundsdóttir, landslagsarkitekt FÍLA, Landsvirkjun,
og Hermann Georg Gunnlaugsson, formaður Félags íslenskra landslagsarkitekta.
Fundarstjóri er Ragna Árnadóttir, aðstoðarforstjóri Landsvirkjunar.
Ágúst Ingi Jónsson
aij@mbl.is
Veðrið í ágústmánuði var á margan
hátt nálægt meðallagi með þeirri
undantekningu að sérlega úrkomu-
samt var um landið norðan- og norð-
austanvert og metúrkoma á nokkr-
um stöðvum. Hitinn á landinu var
yfirleitt við meðaltal áranna 1961-
1990, en undir því á Vestfjörðum,
samkvæmt upplýsingum Trausta
Jónssonar veðurfræðings.
Samkvæmt yfirliti Veðurstofunnar
mældist úrkoman á Akureyri 79,4
mm og er það meira en tvöföld
meðalúrkoma í ágústmánuði og sú
mesta í ágúst síðan 1992. Litlu minni
úrkoma mældist þó í ágúst 2005.
Dagar þegar úrkoma mældist 1,0
mm eða meiri voru ellefu í Reykjavík,
einum færri en í meðalári. Á Akur-
eyri voru slíkir dagar tólf, þ.e. fimm
fleiri en í meðalári. Í Stykkishólmi
mældist úrkoman 1 mm eða meiri í
tólf daga, þremur fleiri en í meðalári.
Hlýjast í Skaftafelli
Sólskinsstundir í Reykjavík mæld-
ust 158,1 og er það þremur stundum
yfir meðallagi áranna 1961 til 1990 en
23 stundum undir meðallagi síðustu
tíu ára. Á Akureyri mældust sól-
skinsstundirnar 104,5 og er það 31
stund færri en í meðalári.
Á landinu var að tiltölu hlýjast í
Skaftafelli, en langkaldast á Vest-
fjörðum og við Breiðafjörð utan-
verðan. Þar var hiti allt að 2 stigum
undir meðallagi síðustu tíu ára.
Hæsti hiti mánaðarins mældist 22,9
stig á Sauðanesvita þann 25. ágúst
Lægsti hiti á landinu mældist -4,5
stig á Torfum í Eyjafirði þann 30.
ágúst. Jafnaði sá hiti lands-
dægurlágmark.
Kalt á Akureyri í sumar
Meðalhiti í Reykjavík sumar-
mánuðina júní til ágúst var 10,4 stig
og er það +0,5 stigum yfir meðallagi
áranna 1961 til 1990 en 0,8 stigum
undir meðallagi síðustu tíu ára. Á Ak-
ureyri var meðalhiti mánaðanna
þriggja 9,1 stig, 0,8 stigum undir
meðallagi áranna 1961 til 1990, og 1,8
stigum undir meðalhita síðustu tíu
ára. Þessir mánuðir hafa ekki verið
kaldari á Akureyri síðan 1993.
Sólskinsstundir mældust 577 í
Reykjavík, 89 fleiri en að meðaltali
1961 til 1990, en í meðallagi sé miðað
við síðustu tíu sumur. Á Akureyri
mældust sólskinsstundirnar 343 og
er það 127 stundum undir meðallagi.
Sólskinsstundir hafa ekki verið færri
á Akureyri í júní til ágúst síðan 1993,
en árið 2005 og 2002 voru þær þó litlu
fleiri en nú.
Kalt ár það sem af er
Hiti fyrstu átta mánuði ársins hef-
ur verið nærri meðallagi áranna 1961
til 1990; lítillega undir því um landið
sunnan- og vestanvert en lítillega yfir
því austast á landinu.
Engu að síður verður árið það sem
af er að teljast frekar kalt miðað við
það sem verið hefur á síðari árum,
segir í yfirliti Veðurstofunnar.
Jafnkalt var síðast í Reykjavík
1999 en töluvert kaldara 1995. Á
Stórhöfða hefur ekki verið kaldara
síðan 1995 og síðan 2002 á Akureyri
og í Stykkishólmi. Úrkoma er um 10
prósentum ofan meðallags áranna
1961 til 1990 í Reykjavík en um 20
prósentum ofan þess á Akureyri.
Sólskinsstundir hafa verið 177 um-
fram meðallag áranna 1961 til 1990 í
Reykjavík en 183 stundum undir
meðallagi á Akureyri. Sólskins-
stundir fyrstu átta mánuði ársins
2012 voru fleiri en nú í Reykjavík, en
á Akureyri þarf að fara allt aftur til
ársins 1983 til að finna færri sólskins-
stundir fyrstu átta mánuði ársins
heldur en nú.
Ljósmynd/Þórir Kristinn Þórisson
Flóð Mikið vatnsveður gerði á norðanverðu landinu í lok ágúst og talsvert
tjón varð á Siglufirði. Metúrkoma var á nokkrum stöðvum í mánuðinum.
Ágúst sérlega
blautur á mörg-
um veðurstöðvum
 Mikil úrkoma á landinu norðan- og
norðaustanverðu  Kalt ár það sem af er
Samkvæmt yfirliti Veðurstof-
unnar hefur úrkoma aldrei
mælst meiri í ágúst en nú á eft-
irtöldum stöðvum, fyrsti ágúst-
mánuður mælinga í sviga: Á
Sauðanesvita (1990), Skjald-
þingsstöðum (1994), í Litlu-
Ávík (1996), Miðfjarðarnesi
(2000) og á Hánefssstöðum í
Seyðisfirði (2003).
Í Litlu-Ávík, á Sauðanesvita
og í Miðfjarðarnesi hefur ekki
mælst meiri úrkoma í nokkrum
mánuði.
Met á nokkr-
um stöðvum
MIKIL ÚRKOMA