Morgunblaðið - 02.09.2015, Síða 26

26 MINNINGAR
MORGUNBLAÐIÐ MIÐVIKUDAGUR 2. SEPTEMBER 2015
Það er komið að
því. Þú ert loksins á
leið til ömmu. Þetta
hefur verið löng bið
að komast til hennar, en eins erf-
itt og það er að sjá þig fara héðan
þá ég er glaður að þú fékkst þá
ósk loksins uppfyllta. Það hefur
verið sönn ánægja að fá að fylgja
þér í gegnum lífið og hafa þig mér
við hlið, elsku afi minn. Ég væri
ekki sá maður sem ég er í dag án
þín. Þú ert mín stærsta fyrir-
mynd í einu og öllu og hefur verið
leiðarvísir minn í gegnum lífið.
Þú ert og hefur alltaf verið
minn besti vinur, allt frá því að þú
lagðir Manchester United fánann
við hlið mér þegar ég fæddist. Við
höfum átt margar góðar stundir
saman, bæði fyrir framan sjón-
varpið að horfa á okkar lið og í
eldhúsinu að horfa á bestu kóte-
lettur í heiminum verða til. Enn
þann dag í dag eru kótelettur „a
la“ afi sá besti matur sem ég fæ.
Það kemst ekkert nálægt því.
Það er gríðarlega erfitt að
kveðja þig, afi minn, en ég veit að
þú ert kominn á betri stað þar
sem amma tekur þér opnum örm-
um.
Ég elska þig og mun alltaf hafa
þig í hjarta um alla ævi,
Þitt barnabarn,
Þorsteinn Andri Haraldsson.
Elsku besti Sæli afi.
Það er skrítið þetta líf. Það er
svo stutt milli gráts og hláturs.
Maður hefur ekki þerrað tárin
frá síðasta fráfalli þegar það
næsta skellur á. Mikið var gott að
eiga afa eins og þig. Sælkeri í húð
og hár. Alltaf áttuð þið amma
Ársæll
Þorsteinsson
✝ Ársæll Þor-steinsson fædd-
ist 3. júlí 1933.
Hann lést 18. ágúst
2015. Útför Ársæls
fer fram frá Graf-
arvogskirkju í dag,
31. ágúst 2015.
kandís í krukku
fyrir litla sælgætis-
grísi, tópaspakka
og marga kassa af
ís. Þið pössuðuð
upp á ykkar fólk,
allir vel nærðir.
Afaísinn sló alltaf
jafnmikið í gegn,
enda heimsins besti
ís. Það var gott að
koma til ykkar og
fá sér kringlu og
kakómalt og glápa á sjónvarpið
eða spila Olsen Olsen. Afakóte-
lettur og appelsín, afaís og
ávextir út á, með útsýni yfir haf-
ið, rétt eins og maður væri á
fimm stjörnu lúxusveitingarstað.
Ég á svo margar yndislegar
minningar af þér. Talaðir alltaf
svo fallega til allra, stoltur af öllu
þínu fólki. Þú varst með stórt
hjarta og alltaf tilbúinn til þess
að knúsa mann og kyssa þegar
eitthvað bjátaði á. Hafðir
áhyggjur af manni ef heilsan var
ekki 100% og gast svo sannar-
lega bent manni á það hvert
maður skyldi leita, enda vina-
margur og þekktir nánast alla.
Mesti snyrtipinni sem fyrir-
fannst, alltaf með tandurhreina
bíla og nóg til af öllu mögulegu.
Alltaf stutt í hlátur í kringum
þig, enda mikill stríðnispúki. Það
var svo gaman að sjá þig horfa á
fótbolta, þú hafðir svo ótrúlega
gaman af honum. Manchester-
maður og Frammari í húð og
hár, alltaf flottur í Framgallan-
um. Mikið var ég montin af þér.
Þú varst glæsilegur kokkur og
áttir Árbæjarkjör, aðal-versl-
unina í bænum. Mig dreymdi
alltaf um að fá að vinna þar, þér
við hlið.
Allar stundirnar þegar ég sat
uppi í rúmi hjá ykkur ömmu að
horfa á Tomma og Jenna og
hámaði í mig alla tópaspakka
sem ég fann. Öll þau skipti sem
þið amma fóruð til útlanda og
komuð heim að drukkna í gjöfum
fyrir barnabörnin ykkar. Allar
menningarnæturnar á Skúló að
horfa á flugeldasýninguna og
drekka heitt kakó, Hábærinn,
sumarbústaðarferðir, áramót og
margt fleira. Það verður ekki
eins án þín.
Mín besta minning er þegar ég
kom eitt skiptið til þín að gista ár-
ið 2010. Við sátum að spjalla í
marga klukkutíma enda áttuðum
við okkur ekkert á tímanum. Þú
sagðir mér margar skemmtilegar
sögur af öllu milli himins og jarð-
ar. Hvernig var að alast upp á
þínum tíma, Árbæjarkjör, Há-
bærinn og svo margt fleira. Ég er
þakklát fyrir að hafa fengið að
ferðast með þér og fjölskyldunni
minni austur árið 2009. Gistum
m.a. í sumarbústað á Egilsstöð-
um með útsýni yfir Lagarfljótið,
komum við á Akureyri og Norð-
firði.
Maður er aldrei undirbúinn
þegar kallið kemur. Skrítið að
vera ekki heima og geta fengið að
vera með fólkinu mínu á þessari
stundu en við Ragna Björg vor-
um heppnar að hafa hvor aðra
þegar við fengum fréttirnar.
Það er gott að hugsa til þess að
þú sért nú loksins með ömmu,
mikið sem þú saknaðir hennar.
Það verður erfitt að komast yfir
sorgina, elsku fallegi afi minn, en
við reynum það í sameiningu. Ég
veit að þér líður betur núna, um-
vafinn öllum fallegu englunum
sem við eigum. Þau taka vel á
móti þér.
Við kveðjumst að sinni.
Þín afastelpa og sælgætis-
félagi,
Inga Björk.
Elsku besti afi minn.
Mikið var sárt að kveðja þig
þriðjudagsmorguninn 18. ágúst
síðastliðinn. Það hefur verið
virkilega erfitt að horfa upp á þig
í þínum veikindum og erfiður tími
fyrir þig en þú alltaf svo dugleg-
ur. Ég veit að þú ert hvíldinni
feginn og ert kominn á þann stað
sem þig hefur dreymt um lengi, í
fangið á ömmu.
Þú varst í einu orði sagt ein-
stakur, alltaf svo glaður og góður.
Yndislegur afi sem vildir allt fyrir
mann gera. Elskaðir að fá okkur í
heimsókn og þá var alltaf eitt-
hvað töfrað fram á silfurfati eins
og þér einum var lagið.
Krakkarnir fengu ís hjá afa
Sæla og horfðu með á boltann.
Ég á eftir að sakna þín mikið
og það var skrítið að vera á
Skúlagötunni og fletta í gegnum
gamlar myndir og rifja upp allar
þær minningar sem við fjölskyld-
an eigum með þér án þess að
heyra rödd þína óma um alla
íbúðina.
Afi þú varst og verður alltaf
uppáhalds minn og það kremur í
mér hjartað að þú sért dáinn, en
allar góðu minningarnar okkar
saman ylja mér um hjartað.
Takk, elsku afi fyrir allt og allt.
Þú ert ljós í myrkri minnar sálar,
minningarnar ylja á sorgarstund.
Er þræddi’ eg ljósi byrgðar brautir
hálar,
birti upp þín hlýja og góða lund.
Þú gafst mér von í veður lífsins dróma
vinur, sem að aldrei gleymist mér,
með nálægð þinni hvunndag léstu
ljóma
og lífið varð mér sælla nærri þér.
Þú verður hér í draumi dags og nætur
ef dreyra þakinn hugur kvelur mig,
er sorgir á mig herja’ og hjartað grætur
huggunin er minningin um þig.
Vertu sæll, ég kveð með harm í hjarta,
þú hefir lagt af stað þín síðstu spor.
Til himnaföður liggur leið þín bjarta,
liðnar þrautir, aftur komið vor.
(Rúna)
Þín
Melissa.
Nú kveðjum við afa Ársæl og
geymum minninguna um
skemmtilegan, gjafmildan og
góðan afa sem alltaf tók vel á
móti okkur með bros á vör.
„Langar ykkur í ís?“ sagði hann
um leið og við komum inn úr dyr-
unum á Skúló og jafnvel stuttu
seinna „langar ykkur í annan“?
Frábæri afinn okkar.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Afastrákarnir
Breki Elí og Eiður Áki.
Mig langar að minnast Ársæls
mágs míns í örfáum orðum. Ég
kynntist honum þegar við Guðný
systir hans tókum saman fyrir um
36 árum síðan. Ársæll var sann-
kallaður heimsmaður, glaðvær,
félagslyndur og gjafmildur með
eindæmum. Árið 1980 í septem-
ber réð hann mig til vinnu í versl-
unina Árbæjarkjör sem hann átti
og rak. Ég kunni ekkert á vinnu-
umhverfi í verslun þegar ég kom
þar inn, blautur á bakvið eyrun í
þeim efnum. Ársæll sýndi hversu
megnugur hann var þegar hann
tók mig í kennslustund í kjöt-
vinnslunni hjá sér og kenndi mér
allt um vinnslu og umgengi við
matvæli, enda fagmaður að verki,
og bý ég enn að þeirri reynslu.
Ófáum veislunum varð ég vitni að
sem hann útbjó ásamt fjölskyldu
sinni, fermingarveislur og afmæl-
isveislur voru annálaðar fyrir
smekkvísi og hreint listaverk. Ár-
sæll var gleðimaður mikil og hafði
gaman af að segja sögur þegar
hann starfaði sem kokkur og bryti
hjá Eimskipum. Þar lærðu menn
að bjarga sér um aukatekjur því
laun voru ekkert of góð á þeim
tíma.
Ég þakka Ársæli fyrir sam-
starfið og allar gleðistundirnar
sem ég átti með honum og fjöl-
skyldu hans. Það var sárt að fylgj-
ast með baráttu hans við veikindi
sem hrjáðu hann síðustu árin. Við
Guðný systir hans heimsóttum
hann á sjúkrahúsið nær daglega í
meira en ár og sáum því hversu
mikla orku og lífsvilja hann hafði
til að ná bata, en að lokum varð
hann að gefa eftir, það var hans
vilji að lokum að hverfa til feðra
sinna. Við hjónin vottum dætrum
og barnabörnum hans guðs bless-
unar í sorg þeirra. Farðu í guðs
friði og hafðu þökk fyrir allt.
Þorleifur.
Elsku, kæri, besti frændi minn,
ég sakna þín mikið. Þú hefur verið
mér sem stóri bróðir alla tíð, þú
varst einstakt ljúfmeni, kæri
frændi, og mikill meistari í þínu
fagi. Þú sagðir aldrei styggð-
aryrði. enda kominn af úrvalsfólki
eins og Austfirðingar eru. Vel lið-
inn af öllum. Saknaðarkveðjur.
Þín frænka,
Dagný Jónsdóttir.
Kæri afi Sæli, okkur langar til
að kveðja þig með þessu kvæði.
Senn fer vorið á vængjum yfir flóann,
vaknar allt af vetrarblund um völl og
hlíð.
Blómin spretta úr jörð og litla lóan
ljóðar glatt og leikur dátt sín lögin
blíð.
Um hin kyrru ljúfu kvöld
er hvíslað létt í skóg
hin ástarljúfu orð
er angar döggin á grein.
Senn fer vorið á vængjum yfir flóann,
Vaknar allt af vetrarblund um völl og
hlíð.
(Jón Sigurðsson)
Þetta kvæði minnir mig á þig
og ég veit ekki alveg hvers vegna.
Við kynntumst ykkur Rögnu
þegar við eignuðumst Melissu
fyrir tengdadóttur.
En um leið og við kynntumst
henni fylgduð þið með í kaupbæti,
bæði þú og Ragna amma sem
kvaddi allt of snemma.
Það sem hún Melissa elskaði
ykkur mikið. Það var svo ljúft að
heyra hana segja frá og allskonar
litlir hlutir urðu svo merkilegir af
því að þið voruð með í för. Ef allir
eldri borgarar ættu svona elsku
væri gott að lifa. Þið kennduð
henni margt. Einnig veit ég að
Raggi Bjarna var vinur ykkar og
kvæðið er lagið hans, finnst mér.
Held reyndar að margir Íslend-
ingar eigi þetta sem uppáhalds-
lag.
Þér fylgdi mikil gleði og létt-
leiki, það skynjar maður þegar
þessi hressa og glaða fjölskylda
hittist. En nú ert þú farinn á
vængjum yfir flóann og hittir von-
andi ástina þína þar.
Kæra fjölskylda, blessuð sé
minning hans.
Takk fyrir viðkynninguna.
Fjölskyldan í Heiðarlundi,
Hlín og Ketill.
✝ GunnhildurFrímann fædd-
ist á Akureyri 31.
maí 1950. Hún lést
á Fjórðungssjúkra-
húsinu á Akureyri
12. ágúst 2015.
Foreldrar henn-
ar eru Guðmundur
Frímann, f. 29. júlí
1903 í Hvammi í
Langadal, d. 24.
ágúst 1989 á Ak-
ureyri, og Ragna Sigurlín Jón-
asdóttir, f. 15. desember 1911 á
Hjalteyri við Eyjafjörð, d. 27.
mars 1983. Systur Gunnhildar
eru Valgerður Frímann, f. 9.
desember 1935, d. 2. janúar
dætur þeirra eru Amelía Mist og
Katrín Helga, Sindri Þór, f. 2.
júní 1980 og Helga Guðrún, f.
15. desember 1982, sambýlis-
maður hennar er Hjalti Ásgeirs-
son og sonur þeirra er Viktor
Helgi.
Gunnhildur sleit barns-
skónum í Hamarstíg 14 á Ak-
ureyri, gekk í barnaskóla Ak-
ureyrar, gagnfræðiskóla
Akureyrar og svo Menntaskóla
Akureyrar. Eftir stúdentspróf
hélt hún til Reykjavíkur þar sem
hún starfaði í Útvegsbankanum
í nokkur ár. Í Reykjavík kynnist
hún Sverri og fljótlega eftir þau
byrja að búa flytja þau aftur
norður til Akureyrar og setjast
þar að. Gunnhildur starfaði
lengst af við barnagæslu og
verslunarstörf en síðustu árin
var hún frá vinnu vegna heilsu-
brests í kjölfar bílslyss.
Útför Gunnhildar fór fram í
kyrrþey þann 19. ágúst.
2005, og Hrefna
Frímann, f. 15. maí
1954.
Maður Gunn-
hildar er Sverrir
Gunnlaugsson, f.
23. mars 1951. For-
eldrar Sverris eru
Gunnlaugur Helgi
Guðmundsson, f. 4.
ágúst 1921, d. 28.
janúar 1990, og
Helga Guðrún Guð-
varðardóttir, f. 7. febrúar 1925,
d. 18. október 2013.
Börn Gunnhildar og Sverris
eru Guðmundur Frímann, f. 4.
apríl 1976, kvæntur Önnu Sig-
urbjörgu Sigurbjörnsdóttir,
Elsku mamma.
Það er svo tómlegt án þín.
Sorgin og söknuðurinn er mikill
og erfitt að trúa því að við eigum
ekki eftir að hitta þig aftur. Stórt
skarð hefur verið höggvið í okkar
hversdagslíf og svo margt sem
við áttum enn eftir að upplifa
saman.
Mamma okkar var einstök
kona. Hægt væri að lýsa henni í
mörgum orðum. Hún var góð, fé-
lagslynd, forvitin og fróðleiksfús.
Alltaf var hægt að biðja hana
um greiða og leita til hennar um
ýmis mál og lá hún þá aldrei á
skoðunum eða ráðleggingum til
handa okkur.
Áhugamálin hennar voru mörg
og fjölbreytt og átti hún alltaf
sameiginleg áhugamál með okk-
ur systkinunum, til dæmis ljós-
myndun, tónlist og kvikmyndir,
sögu og menningu svo fátt eitt sé
nefnt, það lýsir henni vel að hún
fylgdi ávallt nýjustu straumum
og stefnum í tónlist og kvikmynd-
um.
Við vorum alltaf velkomin til
mömmu og pabba í Aðalstrætið,
hvort heldur sem var í heimsókn
eða þegar okkur vantaði sama-
stað í lengri eða skemmri tíma.
Alltaf tók hún líka sérstaklega
vel á móti barnabörnunum sínum
þremur sem henni þótti ofur
vænt um. Væntumþykjan skein í
gegn í öllu sem hún sagði og gerði
er viðkom þeim, en ömmubörn-
unum þótti mjög gaman að koma
í þann ævintýraheim sem Aðal-
strætið var, fullt af leikföngum,
föndurdóti og öðrum áhugaverð-
um hlutum.
Fréttin af veikindunum var
okkur öllum áfall en mamma
tókst á við þau af æðruleysi,
bjartsýni og styrk sem aldrei
brast.
Það er erfitt að kveðja en við
eigum margar góðar minningar
til þess að ylja okkur við á þessari
stundu.
Hve ljúfsár og máttug ein minning er,
sem mig hefur tengt við hin liðnu ár.
Er langvegu til mín bjarmann ber
af bernskunnar sólarvegi,
þá ómar í hug mínum angursár,
hinn orðlausi, hljóði tregi.
Ég man þig bezt, þegar vorið var
að völdum setzt, með sitt ljóð og sinn
draum,
og engið þitt græna blómskrúð bar
og bjarmann af sóleyjarljósum
er bakkinn við árinnar blakka straum
var bleikur af eyrarrósum
….
Þitt ríki var hér og þín dægradvöl,
við dalinn eina var jarðvist þín tengd.
Á langferli áttir þú aldrei völ,
en aðeins að þrá og dreyma.
Nú gagnar þér lítil grafarlengd
í garðinum þínum heima.
Á efsta degi mun ástúð þín
hið eina, sem brotlegum skýlir mér.
Þú sekt mína greiðir, mamma mín,
af mildi, sem aldrei svíkur,
og biður fyrir mér, fagnar mér,
er flóttanum mikla lýkur.
(Guðmundur Frímann)
Hvíldu í friði, við munum ávallt
minnast þín og sakna.
Guðmundur Frímann,
Sindri Þór og Helga
Guðrún.
Elsku Gunnhildur okkar.
Athvarf hlýtt við áttum hjá þér
ástrík skildir bros og tár.
Í samleik björt, sem sólskinsdagur
samfylgd þín um hofin ár.
Fyrir allt sem okkur varstu
ástarþakkir færum þér.
Gæði og tryggð er gafstu
í verki góðri konu vitni ber.
Aðalsmerkið: elska og fórna
yfir þínum sporum skín.
Hlý og björt í hugum okkar
hjartkær lifir minning þín.
(Ingibjörg Sigurðardóttir)
Takk fyrir allt og allt.
Þín tengdadóttir og ömmu-
stelpur,
Anna S. Sigurbjörnsdóttir.
Elsku Gunnhildur mín. Það var
mér sannur heiður að fá að kynn-
ast þér og að fá að vera partur af
þinni fjölskyldu. Þú tókst mér
opnum örmum sem tengdasyni og
þakka ég þér kærlega fyrir það.
Ég á margar góðar minningar
um þig, þó ekki voru árin mjög
mörg sem við þekktumst og minn-
ist ég þín í hvert sinn sem ég
faðma litla strákinn minn, barna-
barnið þitt, sem var þér svo kær.
Minningarnar um hversu góð
þú varst við okkur feðgana,
hversu gaman var að sögunum
þínum og hversu gott var að geta
treyst á þig þegar þörf var á,
verma mér um hjartarætur.
Þó það sé sárt að hugsa til þess
að við munum ekki hittast aftur þá
hugga ég mér við það að við mun-
um ávallt eiga part af þér í hjarta
okkar og í syni okkar.
Ég er fullviss um að þú sért nú
á góðum stað að rifja upp gamlar
stundir með þínum nánustu sem
biðu þín handan þokunnar miklu.
Takk fyrir allt Gunnhildur mín
og Guð verði með þér.
Hjalti Ásgeirsson.
Elsku amma, við eigum svo
margar minningar saman, sem
munu ávallt lifa í hjarta mínu.
Takk fyrir allar þær góðu stundir
sem við áttum saman.
Hér er lítið ljóð sem ég samdi
fyrir þig.
Þeir sem eiga mömmu
eiga líka ömmu.
Ég elska þig svo heitt,
ömmu mína með faðmlagið breitt.
Ég vil knúsa þig og kyssa
og vil þig ei missa
hana eskulegu
ömmu dunnidu.
(Amelía Mist)
Blessuð sé minning þín,
Þín,
Amelía Mist
Guðmundsdóttir.
Gunnhildur
Frímann
Morgunblaðið birtir minning-
argreinar endurgjaldslaust
alla útgáfudaga.
Skil | Þeir sem vilja senda Morg-
unblaðinu greinar eru vinsamlega
beðnir að nota innsendikerfi
blaðsins. Smellt á Morgunblaðs-
lógóið í hægra horninu efst og við-
eigandi liður, „Senda inn minn-
ingargrein,“ valinn úr
felliglugganum. Einnig er hægt
að slá inn slóðina www.mbl.is/
sendagrein
Skilafrestur | Ef óskað er eftir
birtingu á útfarardegi verður
greinin að hafa borist eigi síðar en
á hádegi tveimur virkum dögum
fyrr (á föstudegi ef útför er á
mánudegi eða þriðjudegi).
Þar sem pláss er takmarkað get-
ur birting dregist, enda þótt grein
berist áður en skilafrestur rennur
út.
Lengd | Minningargreinar sem
birtast í Morgunblaðinu séu ekki
lengri en 3.000 slög. Ekki er unnt
að senda lengri grein. Lengri
greinar eru eingöngu birtar á
vefnum. Hægt er að senda ör-
stutta kveðju, HINSTU
KVEÐJU, 5-15 línur. Ekki er
unnt að tengja viðhengi við síð-
una.
Formáli | Minningargreinum
fylgir formáli sem nánustu að-
standendur senda inn. Þar koma
fram upplýsingar um hvar og hve-
nær sá sem fjallað er um fæddist,
hvar og hvenær hann lést og loks
hvaðan og klukkan hvað útförin
fer fram. Þar mega einnig koma
fram upplýsingar um foreldra,
systkini, maka og börn. Ætlast er
til að þetta komi aðeins fram í for-
málanum, sem er feitletraður, en
ekki í minningargreinunum.
Minningargreinar