Skólavarðan - 01.11.2013, Síða 31

SKóLaVarðaN 2. tbl 2013
viðtalviðtal
29
gOTT STarF Í LeiK- Og
TóNLiSTarSKóLUM
Fyrsta skólastigið er leikskólinn. Illugi
hefur heimsótt fjölda þeirra og segir
ljóst að þar sé unnið afar gott starf og
tími barnanna vel nýttur. Þar eins og
annars staðar sé starfið þó í stöðugri
endurskoðun.
„Auðvitað er alltaf umræða um hvort
við getum fært meira námsefni neðar
og þá inn í leikskólann. Mér finnst
alveg sjálfsagt að ræða það, en hitt er
auðvitað mikilvægt að börn fái að vera
börn. Að þau fái að leika sér sem mest
og vera í friði fyrir heimi okkar full-
orðna fólksins eins lengi og hægt er.“
Lög kveða á um að 2/3 hlutar starfs-
manna við menntun og umönnun barna
í leikskólum skuli vera menntaðir til þess.
Er ekki áhyggjuefni hversu mikið vantar
upp á að það markmið laganna náist?
„Jú, sérstaklega í ljósi þess að nokkrir
áratugir munu líða þar til við getum
uppfyllt þessar kröfur. Ég er þeirrar
skoðunar að sérstaklega við kennslu
yngstu nemendanna þurfum við á að
halda fólki með mjög góða uppeldis-
menntun, þannig að ég vil ekki slá af
kröfum hvað menntun varðar - en ég
vil vera raunsær um hvernig við getum
best unnið úr þessari stöðu. Það þýðir
m.a. að við þurfum að hafa sveigjan-
leika varðandi námið.“
En þýðir það að þú viljir bjóða á ný upp á
þriggja ára leikskólakennaranám?
Hvað varðar aðrar starfsstéttir þá gildir
það oft að einhver réttindi ávinnist
með þriggja ára námi, t.d. BA/BS námi,
og til viðbótar komi síðan aukin rétt-
indi, t.d. með meistaragráðu. Í ljósi
fyrirsjáanlegs og alvarlegs skorts á leik-
skólastiginu þá hljótum við að skoða
allar lausnir til að efla hið góða starf
sem þar er unnið.
Illugi nefnir tónlistarskólann sem ann-
að dæmi um að vel hafi tekist til.
„Ég held að það fyrirkomulag sem við
höfum haft í tónlistarkennslu síðustu
árin hafi skilað gríðarlegum árangri. Við
sjáum þess stað mjög víða í tónlistar-
lífi þjóðarinnar. Að baki þessa mikla
vaxtar liggur mikil menntun margra og
gott aðgengi að tónlistarskólum. Þar
fyrir utan er tónlistarnám mannbæt-
andi, því það krefst aga, einbeitingar
og vinnu sem skilar árangri langt út
fyrir námið. Ég vil því gera mitt besta
til að efla það.“
BOðar SaMSTarF
Það er stundum nefnt í opinberri um-
ræðu að ekki sé hægt að gera breytingar
á skólakerfinu vegna andstöðu kennara
og kennaraforystunnar. Er þetta þín
upplifun?
„Nei, því hjá kennaraforystunni og
kennurum almennt er aðeins eitt sem
skiptir máli og það er hversu vel okkur
tekst upp með skólastarfið. Ég held að
það sé mjög ríkur metnaður hjá foryst-
unni og kennurum að skila sem bestu
starfi fyrir nemendur. Ég held að það
séu tækifæri til úrbóta en auðvitað þarf
að ræða hvaða leiðir eru bestar.“
Texti: Aðalbjörn Sigurðsson.
Myndir: Jón Svavarsson og Aðalbjörn
Sigurðsson.
ekki var verið
að leggja niður
Fagráðið eða draga
úr starfsemi þess.
Ég tel að betur sé
hægt að sinna því
úr ráðuneytinu með
þeim fjármunum sem
við höfum hér til
staðar.
Menntamálaráðherra sló á létta strengi
þegar hann heimsótti Kennarahúsið fyrir
stuttu.