Gerðir kirkjuþings - 01.01.2011, Blaðsíða 104

104

11. gr.
Valnefnd skal fylgja ákvæðum stjórnsýslulaga í störfum sínum. Nefndarmönnum og
ráðgjafa er skylt að gæta þagmælsku um atriði er varða umsækjendur og þeir fá
vitneskju um í starfi nefndarinnar og fellur sú skylda ekki úr gildi við starfslok í
nefndinni.

12. gr.
Valnefnd skal ná samstöðu um einn umsækjanda. Niðurstaða valnefndar telst
bindandi ef tveir þriðju nefndarmanna ná samstöðu um hana. Niðurstöðu valnefndar
skal fylgja rökstuðningur með vísan til þeirra sjónarmiða sem nefndin leggur til
grundvallar. Formaður valnefndar sendir biskupi þegar í stað niðurstöðu valnefndar.
Jafnframt sendir ráðgjafi skýrslu um störf sín og mat á störfum valnefndar við val á
presti til biskups.

13. gr.
Biskup skipar þann umsækjanda í embætti, sem valnefnd hefur náð samstöðu um, og
kynnir hana umsækjendum enda telji hann og ráðgjafi niðurstöðu valnefndar reista á
lögmætum sjónarmiðum. Sé svo ekki eða náist ekki samstaða í valnefnd getur biskup
skipað í embættið þann sem hann metur hæfastan, framlengt umsóknarfrest eða
ákveðið að auglýsa embættið að nýju.

14. gr.
Hafi safnaðarfundur afgreitt og samþykkt tillögu um að embætti sóknarprests eða
prests í prestakalli því er sóknin tilheyrir skuli auglýst laust til umsóknar við lok
skipunartíma og úrskurðarnefnd veitt álit sitt, sendir biskup valnefnd prestakallsins
álit úrskurðarnefndar og önnur gögn málsins. Valnefndir eru kjörmenn í skilningi 40.
gr. þjóðkirkjulaga nr. 78/1997.
Formaður valnefndar boðar nefndina og ráðgjafa til fundar með hæfilegum fyrirvara
og stýrir fundi. Á þeim fundi skal valnefnd afgreiða tillögu um hvort embætti skuli
auglýst eða ekki. Formaður tilkynnir biskupi niðurstöðu valnefndar svo fljótt sem
kostur er. Sama gerir ráðgjafi og greinir frá mati sínu á störfum valnefndar. Biskup
kynnir hlutaðeigandi presti niðurstöðu valnefndar.

Almenn kosning
15. gr.
Óski minnst þriðjungur atkvæðisbærra sóknarbarna í prestakalli þess, að almenn
prestskosning fari fram er skylt að verða við því. Skrifleg ósk um kosningu skal hafa
borist biskupi eigi síðar en að hálfum mánuði liðnum frá þeim degi er kallið var
auglýst laust til umsóknar.
Fjöldi atkvæðisbærra manna miðast við þá sem eru skráðir í þjóðkirkjuna í
prestakallinu samkvæmt þjóðskrá þann dag sem auglýsing um embættið birtist. Ef
ágreiningur rís um hvort almenn kosning eigi að fara fram úrskurðar yfirkjörstjórn
þjóðkirkjunnar, sbr. starfsreglur um kjör til kirkjuþings og þingsköp, um það.

16. gr.
Jafnskjótt og biskup hefur fengið í hendur óskir frá lögboðnum fjölda atkvæðisbærra
manna í prestakallinu um almenna kosningu, sbr. 15. gr. skal hann tilkynna kjörstjórn
um framkomnar óskir. Kjörstjórn við kirkjuþingskjör, sbr. starfsreglur um kjör til
kirkjuþings og þingsköp, er jafnframt kjörstjórn við almennar prestskosningar. Kjör-
stjórn er heimilt að fela prófasti eða öðrum starfsmönnum þjóðkirkjunnar að annast