Félagsbréf - 01.09.1963, Side 16

Nafn þitt er mœr
Nafn þitt er mær.
Björt af söng og yndi birtist þú á vegi mínum.
Þú komst til mín í eyðimörk hinnar illu þagnar
og gafst mér liiminblámann að drekka.
Oafvitandi, eins og helgimynd,
snertir þú mig höndum þínum læknandi,
og blóð upprisunnar rann mér í æðar
af barnslega vankunnandi munni þínum.
Nafn þitt er auðarlín.
Björt af leik og draumi birtist þú í eyðimörkinni.
Óafvitandi, eins og helgimynd,
gafstu mér gróðurilminn og vorið,
og hendur þínar leiddu mig
út í birtuna blá, birtuna hvítu.
Nafn þitt er hrund.
Björt af gáska og þrá birtist þú mér.
Sól ertu og sunnanblær á hausti mínu,
uppsprettan í fjallbrekkunni,
lind dýjamosans.
Og hve góðar eru hendur þínar, vina mín,
hendur þínar læknandi.
Óafvitandi, eins og helgimynd
snertir þú enni mitt og hjartastað.
Nafn þitt er kona.
Og úr draumnum um þig skapaði maðurinn eilífðina.