Bjartur og frú Emilía: tímarit um bókmenntir og leiklist - 01.07.1995, Blaðsíða 63
við bleikur rammi sem nær allan hringinn, einsog sentimetra frá jaðr-
inum. Neðst í hægra horninu er áletrun skrifuð með bírópenna: Til
elsku Önnu. Kannski kortið hafi fylgt pakka, afmælisgjöf. Lesmálið
aftan á stemmir við þá tilgátu. Sami penni. Textinn skrifaður þvers-
um á ská þannig að lengsta línan gæti náð frá vinstra horni að neðan
upp í hægra horn að ofan, en í því horni er reyndar undirskriftin,
hornrétt upp miðað við tígullagaðan textaflötinn. Efst í tiglinum er
dagsetning: 21/6 - miðvikudaginn fyrir Jónsmessuna í ár, sem var á
laugardegi. Afmælisdagur Önnu? Aðaltextinn er fjórar línur sem
greinilega eru tvær Ijóðlínur:
Mitt er þitt og
hjá mér áttu heima,
víst skaltu öllum veraldarsorgum
gleyma.
Fyrir neðan stendur: „Ur Heimsljósi eftir Halldór Kiljan L.“
Seinasti upphafsstafurinn fyllir upp í neðra hornið, sem skýrir hvers
vegna nafn Laxness er ekki skrifað skrifað allt. Undirskriftin er eins-
og áður segir í næsta horni fyrir ofan, og hún er það óskýrasta af
textanum. Þarna gæti staðið: Þinn Eyjólfur eða Eyvindur, og einhver
önnur karlmannsnöfn koma eflaust til greina; þarna gæti líka staðið
Þín Eygló eða Eydís... Ekkert þessara nafna er það rétta, held ég.
61