Bjartur og frú Emilía: tímarit um bókmenntir og leiklist - 01.07.1995, Blaðsíða 11

Skemmuvegur, 28.10. 1992
Kom hingað klukkan fjögur í dag. Fyrsti frostdagur vetrarins og kalt
að ganga þennan spöl niður í Mjódd til að sækja vindla. Þegar ég kom
til baka var farið að dimma og búið að
slökkva ljósin á bílapartasölunni handan við
götuna þar sem risastór blikkpáfagaukur
hangir á gormi úti í glugga. Fletti Times
Literary Supplement meðan ég drakk dósa-
bjórinn sem ég kældi undir krananum. Blaðið
er frá því í júní 1977 og þar stóð m.a. að búið
sé að loka tívolíinu í Battersea Park í London,
en þangað kom ég sumarið 1973, og þó að
árin hafi liðið hef ég ekki gleymt þeinr undarlega stað; parísarhjól,
ryðgaðar hringekjur, hálftómir söluskúrar og næstum engin böm.
Stjömubjartur himinn þegar ég labbaði eftir stígnum gegnum neðra
Breiðholtið og upp í Hólahverfi. Þaðan er ekki svo langt að kofa-
byggðinni við Rauðavatn.
9