Morgunblaðið - 15.12.2015, Síða 6

6 FRÉTTIRInnlent
MORGUNBLAÐIÐ ÞRIÐJUDAGUR 15. DESEMBER 2015
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Einnig mikið úrval varahluta
í Ifor Williams og aðrar gerðir af kerrum,
ásamt úrvals viðgerðarþjónustu.
Kerrur
frá Ifor Williams
í öllum stærðum
og útfærslum
frá Svolvær suður á bóginn – og
lögðu svo í haf frá Kristjanssundi
nærri Þrándheimi á laugardags-
morgun. Til Akureyrar var komið í
gærmorgun.
„Þetta gekk ævintýralega vel hér á
leiðinni yfir hafið. Við vorum heppnir
með veður og það var gott í sjóinn.
Allt gekk eins og í sögu. Skipið lofar
virkilega góðu og framtíðin er björt,“
segir Magnús.
hefja reglulegar siglingar til Gríms-
eyjar næsta sumar og undirbúningur
að því er í fullum gangi. Kaupin á
Ambassador II sé hluti af undirbún-
ingi þess, enda sé þessi tvíbytna gott
sjóskip. Það er alls 225 brúttótonn,
29 metra langt, 8 metra breidd og
gengur 27 til 28 hnúta á klukkustund.
Það var í síðustu viku sem Magnús
Guðjónsson við 4. mann fór til Nor-
egs að sækja skipið. Því sigldu þeir
Sigurður Bogi Sævarsson
sbs@mbl.is
„Fjölgun farþega í hvalaskoðunar-
ferðum hér á Eyjafirði kallaði á að
við bættum við okkur skipi,“ segir
Magnús Guðjónsson, skipstjóri og
framkvæmdastjóri Ambassador ehf..
Nýtt skip í eigu fyrirtækisins, Am-
bassador II, kom til Akureyrar í gær
og verður það gert út til skoðunar- og
skemmtisiglinga á Eyjafirði. Skipið
var keypt notað frá Bodö í Noregi
hvar það hefur í áraraðir verið nýtt
til farþegaflutninga í eyjabyggðum
við Lofoten. Það þykir því henta
mjög vel í ferðaþjónustu, en það tek-
ur alls um 150 farþega.
Fyrir á Ambassador annað skip,
samnefnt fyrirtækinu, og getur tekið
100 manns.
Hnúfabakar leika listir
Aðstæður til hvalaskoðunar í Eyja-
firði eru góðar og í siglingum síðast-
liðið sumar sást til hvala í nánast
hverri ferð. „Hér úti við Hjalteyri
sáust stundum 10-15 hnúfubakar
leika listir sínar og oft voru þeir fleiri.
Við höfum mest verið í siglingum hér
á Eyjafirði, þá við Hjalteyri, Hrísey
og stundum farið út fyrir Hrólfs-
sker,“ segir Magnús Guðjónsson og
bætir við að nú standi til að fyrir-
tækið færi út kívarnar. Ætlunin sé að
Morgunblaðið/Þorgeir Baldursson
Fley Ambassador er 225 brúttótonna skip sem gengur 28 hnúta á klukkustund. Grímseyjarferðir eru á dagskrá.
Ambassadorinn í
Eyjafirði lofar góðu
 Keyptu norska ferju  Góðar aðstæður til hvalaskoðunar
Ánægðir Bjarni Bjarnason, stjórnarformaður Ambassador, fremst, Örn Stef-
ánsson stýrimaður og aftastur er framkvæmdastjórinn Magnús Gíslason.
Flóðvarnargarðurinn neðan við Vík
í Mýrdal skemmdist nokkuð í óveðri
sem gekk yfir landið 7. desember sl.
Fór þá sjór yfir garðinn og flæddi
meðal annars inn
á lóð Vega-
gerðarinnar og
bílaplanið austan
við Víkurá. Hef-
ur meirihluti
fjárlaganefndar
Alþingis nú lagt
til 40 milljóna
króna tímabund-
ið framlag til að
styrkja varnar-
garða við Vík.
Ásgeir Magnússon, sveitarstjóri
Mýrdalshrepps, segist heldur vilja
nýta fjárveitinguna til byggingar
nýs varnargarðs, en sá kann að
kosta um 300 milljónir króna.
„Það þarf vissulega að styrkja
þennan varnargarð en það er mun
brýnna að ráðast í byggingu nýs
varnargarðs,“ segir Ásgeir í sam-
tali við Morgunblaðið og bendir á
að núverandi garður, sem byggður
var árið 2011, hafi verið eins konar
tilraunaverkefni.
„Ákveðið var að láta á hann
reyna og sjá hvernig hann stæði sig
í að verja ströndina vestan garðs-
ins. Það var alveg ljóst að hann
myndi ekki verja neitt austan meg-
in,“ segir Ásgeir.
Þær skemmdir sem urðu á garð-
inum fyrir um viku eru á austur-
hluta hans og að sögn sveitarstjóra
stóð alltaf til að byggja þar annan
varnargarð. Verður nú að sögn Ás-
geirs allt kapp lagt á að koma þess-
um nýja varnargarði í framkvæmd.
„Til að þetta verði tilbúið næsta
haust verðum við að byrja á fram-
kvæmdinni í vor.“
Vilja setja bygg-
ingu nýs varnar-
garðs í forgang
 Tillaga um að 40 m.kr. fari í að
styrkja varnargarða við Vík í Mýrdal
Ljósmynd/Þórir N. Kjartansson
Flóð Sjór gekk yfir flóðvarnargarð-
inn og inn á lóð Vegagerðarinnar.
Ásgeir
Magnússon
Ágúst Ingi Jónsson
aij@mbl.is
Viðræðum við Rússa um fiskveiði-
réttindi Íslendinga í Barentshafi á
næsta ári lauk án samnings í
Moskvu fyrir helgina. Jóhann Guð-
mundsson, formaður íslensku
samninganefndarinnar, segir það
vonbrigði að samkomulag skyldi
ekki nást, en bendir á að viðræðum
hafi þó ekki verið slitið en þess í
stað frestað fram í febrúar á næsta
ári.
Viðræðurnar í Moskvu fóru vel af
stað og var útlit fyrir að gengið yrði
frá samkomulagi á öðrum degi við-
ræðna. Þá hljóp hins vegar snurða
á þráðinn og Rússar tilkynntu að
ekki yrði gengið frá samkomulagi
að þessu sinni. Ástæða þess var
sögð flókin úrlausnarefni er vörð-
uðu útreikning á þorskkvótanum.
Þetta kom á óvart því samkvæmt
heimildum blaðsins eru Rússar ný-
búnir að semja bæði við Færeyjar
og Grænland um þorskveiðar í Bar-
entshafi án þess að sambærilegir
erfiðleikar hafi komið upp.
Yfir átta þúsund tonn af þorski
Samkvæmt samningi um veiðarn-
ar á þessu ári mega íslensk skip
veiða 5.091 tonn af þorski í ár, auk
3.060 tonna samkvæmt sölukvóta.
Meðafli í ýsu má í ár vera um 8%,
en heildarmeðafli um 30%. Heildar-
aflaverðmæti þessara heimilda má
áætla um 2,2 milljarða nettó á síð-
asta fiskveiðiári. Rússar hafa í ár
heimild til að veiða 1.500 tonn af
kolmunna af kvóta Íslendinga.
Samninga um heimildir Íslendinga
til þorskveiða í Barentshafi má rekja
til lausnar Smugudeilunnar árið
1999. Síðustu ár hafa viðræður um
þessar veiðar gengið hnökralaust að
því undanskildu að Rússar hafa hert
skilyrði um ýsu sem meðafla, en erf-
itt er að komast hjá því að veiða ýsu
við þorskveiðar á svæðinu.
Í viðræðunefndinni í Moskvu
voru, auk Jóhanns, fulltrúar frá
sendiráði Íslands í Moskvu, Haf-
rannsóknastofnun, Fiskistofu og
Samtökum fyrirtækja í sjávarút-
vegi.
Viðskiptaþvinganir og lokanir
Það hefur haft erfiðleika í för
með sér fyrir íslensk sjávarútvegs-
fyrirtæki að í ágústmánuði var Ís-
landi bætt á lista yfir lönd sem sæta
innflutningsbanni til Rússlands.
Þær innflutningshindranir voru
settar fram sem svar við viðskipta-
þvingunum Evrópusambandsins,
sem Ísland gerðist aðili að, gagn-
vart Rússlandi, en þær áttu að gilda
til 31. janúar 2016.
Fram kom í Morgunblaðinu á
laugardag að niðurstöður hafa ekki
enn borist eftir heimsókn sendi-
nefndar frá rússnesku matvæla-
stofnuninni hingað til lands í sept-
embermánuði. Verkefni nefndar-
innar var m.a. að skoða heilbrigðis-
og gæðamál í fiskvinnslufyrirtækj-
um og frystihúsum. Þegar nefndin
kom hingað til lands í nóvember í
fyrra var lokað á viðskipti við nokk-
ur íslensk fiskvinnslufyrirtæki, en
fram að því hafði verið vandkvæða-
lítið að fá slíkt vottorð frá Rússum.
Ekki samið um Barentshafið
 Rússar segja ástæðuna flókin úrlausnarefni varðandi útreikning á þorskkvótanum  Viðræðunum
ekki slitið en frestað fram í febrúar  Heildarverðmæti í Barentshafi um 2,2 milljarðar króna
Þerney RE Eitt þeirra skipa sem
sótt hefur í Barentshafið síðustu ár.