Morgunblaðið - Sunnudagur - 17.04.2016, Blaðsíða 47

Jón Stefánsson organisti og kórstjóri bjó yfir mikilli starfsorku og tókst ávallt
að hrífa samstarfsfólk sitt með sér, að sögn Láru Bryndísar Eggertsdóttur.
Morgunblaðið/Ómar
Í ljósi aðstæðna kom ekki annað tilgreina en að helga dagskrá tón-leikanna minningu Jóns Stefáns-
sonar,“ segir Lára Bryndís Eggerts-
dóttir sem heldur orgeltónleika í
Langholtskirkju á morgun, sunnu-
dag, kl. 17. Jón lést sem kunnugt er
2. apríl sl., aðeins 69 ára að aldri.
Hann hafði verið á sjúkrahúsi frá í
nóvember á síðasta ári í kjölfar um-
ferðarslyss, en komst aldrei til með-
vitundar eftir slysið.
„Allt sem ég spila á tónleikunum
hefur einhverja tengingu við Jónsa.
Á efnisskránni verða nokkur af
uppáhaldsorgelverkum hans, m.a.
hinn undurfagri sálmforleikur J.S.
Bach „Schmücke dich O liebe Seele“
sem Jónsi kynnti mér á sínum tíma
sem eitt af fallegustu lögum í heimi,
eitt af mörgum. Einnig mun ég leika
nokkur þeirra verka sem hann lék
sjálfur á tónleikum þegar Noack-
orgelið í Langholtskirkju var vígt
árið 1999. Vivaldi skýtur einnig upp
kollinum, sem og minna þekktir koll-
egar hans eins og hinn þýski Walt-
her og hinn spænski Antonio Soler,“
segir Lára Bryndís og tekur fram að
hún hafi lofað Jóni því, þegar hann
leitaði til hennar sl. haust með ósk
um að hún héldi orgeltónleika í
kirkjunni, að spila ekki neitt sem
væri ljótt eða leiðinlegt.
Leysti Jón af 14 ára gömul
„Ég var aðeins 10 ára gömul þegar
ég fór að syngja í kórnum hjá Jóni,“
segir Lára Bryndís þegar hún er
beðin að rifja upp kynni þeirra Jóns
og samstarf. Lára Bryndís söng
fyrst með Kór Kórskóla Langholts-
kirkju, síðan Graduale Nobili og Kór
Langholtskirkju. „Þegar í ljós kom
að ég kynni á píanó var ég fengin til
að spila með kórnum við ýmis tæki-
færi. Ég var aðeins 14 ára þegar
hann fékk mig til að leysa sig af við
orgelið í messum,“ segir Lára Bryn-
dís og rifjar upp að þá hafi hún spil-
að á litla fjögurra radda orgelið í
kirkjunni. „Ég byrjaði ekki að læra
formlega á orgel fyrr en 1998,“ segir
Lára Bryndís sem lauk 8. stigi á org-
el ásamt kantorsprófi frá Tónskóla
Þjóðkirkjunnar vorið 2001 og ein-
leikaraprófi ári síðar, ásamt því að
taka próf við Tónlistarháskólann í
Piteå í Svíþjóð, en aðalkennarar
hennar voru Hörður Áskelsson á Ís-
landi og prófessor Hans-Ola Erics-
son í Svíþjóð. Hún starfar nú sem
organisti við Sønderbro kirkju í
Horsens og semballeikari hjá bar-
okksveitinni BaroqueAros í Árósum.
„Jónsi var frábærlega músík-
alskur og spilaði alltaf fallega. Sem
kórstjóri bjó hann yfir ótrúlegum
krafti og tókst ávallt að hrífa aðra
með sér. Hann gat lokkað ótrúleg-
ustu hluti úr óþekkum krakkaorm-
um. Maður kæmist langt á því ef
maður hefði aðeins helminginn af
þeirri orku sem hann bjó yfir. Hann
virtist vera með fleiri tíma í sólar-
hringnum heldur aðrir. Það er mikill
missir að honum.“ silja@mbl.is
Lára Bryndís Eggertsdóttir
Spilar uppá-
haldsverk Jóns
Lára Bryndís Eggertsdóttir helgar dagskrá orgel-
tónleika sinna í Langholtskirkju á morgun,
sunnudag, minningu Jóns Stefánssonar organista
og kórstjóra sem féll frá fyrr í þessum mánuði.
17.4. 2016 MORGUNBLAÐIÐ SUNNUDAGUR 47
Bið er yfirskrift sýningar sem Sig-
ríður Anna E. Nikulásdóttir
opnar í sal félagsins Íslensk grafík
að Tryggvagötu 17, hafnarmegin, í
dag, laugardag, milli kl. 15 og 18.
Sýningin stendur til 1. maí og er
opin fim. til sun. milli kl. 14 og 18.
Tónlistarkonan
Myrra Rós, ástr-
alski tónlistar-
maðurinn Owls of
the Swamp og
hljómsveitin
Uggla úr
Hafnarfirði
halda tónleika í
Gym og Tonic á
Kex hosteli
annað kvöld,
sunnudag, kl. 20.
Kortasmiðja ætluð börnum og
fullorðnum fylgifiskum þeirra
fer fram í Safnahúsinu við
Hverfisgötu á morgun, sunnu-
dag, milli kl. 14 og 16. Smiðjan er
í tengslum við sýninguna
Sjónarhorn.
Jónborg-Svanborg nefnist sýning
sem Jónborg Sigurðardóttir, Jonna,
opnar í dag, laugardag, kl.15 í
Mjólkurbúðinni í Listagilinu á Akur-
eyri. Til sýnis eru akrýlmálverk og
innsetning sem Jonna vann m.a. úr
endurvinnsluplasti.
DrinniK er nýtt tríó sem spilar
frumsamda tónlist undir sígauna-
áhrifum. Sveitin, sem skipuð er
Andra Kristinssyni, Wolfgang Lobo
Sahr og Alan Mackay, leikur í Al-
þýðuhúsinu á Siglufirði í kvöld,
laugardag, kl. 20.
MÆLT MEÐ
Klæðskeraskæri
Stærðir 8“-12“
Verð kr. 4.980 -
8.580 kr.
ÚRVAL AF GÓÐUM
S ÆRUM
Laugavegi 29 | sími 552 4320 | www.brynja.is | verslun@brynja.is
skæri í úrvali
Opið
virka
daga
frá 9-
18
lau fr
á 10-1
6
Alhliða skæri
kr. 4.395
Vinstri
handar skæri
kr. 4.395
Hárskæri
kr. 5.190
Klæðskeraskæri
Verð kr. 5.660
Bróderskæri
Kr. 2.565
Dreifingardeild Morgunblaðsins leitar að dugmiklu
fólki 13 ára og eldra, til að bera út blöð.
Blaðburður fer fram mánudaga til laugardaga
og þarf að vera lokið fyrir kl. 7 á morgnana.
Allar nánari upplýsingar í síma 569 1440 eða dreifing@mbl.is
Hafðu samband í dag
og byrjaðu launaða líkamsrækt
strax á morgun.
www.mbl.is/laushverfi
Vantar þig aukapening?