Morgunblaðið - Sunnudagur - 17.04.2016, Blaðsíða 19

er maður farinn að efast um það. Þá fer maður
að sjá í öðru ljósi allar stórar ákvarðanir sem
hafa verið teknar um forgangsröðun. Með
framlagi til menningar, hvort sem það er kvik-
myndir eða leikhús eða annað, er verið að hlúa
að almenningshagsmunum. Það er verið að
gera líf okkar ríkara; merkingarbærara. Svo
auðvitað eru erfiðir tímar, maður skilur það.
Ég mun gera þetta allt öðruvísi þegar ég verð
menntamálaráðherra,“ segir Benedikt í gríni.
Nú er sagt að þú hafir móðgað mennta-
málaráðherra, Illuga Gunnarsson, í ræðu þinni
þegar þú tókst við Kvikmyndaverðlaunum
Norðurlandaráðs á sínum tíma. „Já, ég veit
það ekki, ég efast um að það sé rétt túlkun. Ég
var mjög kurteis. En menn auðvitað reiddust,
ég tók af þeim partíið. Af því að mér fannst
þeir ekki eiga það skilið.“
Danska konan svífst einskis
Það er ýmislegt á teikniborðinu hjá Benedikt.
„Ég er svo sem með nóg af hugmyndum,“ seg-
ir hann og telur upp langan lista. „Sem fram-
leiðandi er ég orðinn partur af næstu mynd
Ara Ergis Magnússonar, Sturlungaöld um ald-
ir alda. Stórhættuleg kvikmynd sem verður
frumsýnd fljótlega. Svo langar mig að gera
aðra heimildamynd um Sturlungu í samstarfi
við Margréti Jónasdóttur. Hún verður um
uppgang Hvamm-Sturlu. Þetta er svona Sturl-
ungageðveikin sem ég verð að losa mig við. Og
svo er ég með barnamynd tilbúna, bíómynd.
Einnig er það sjónvarpssería sem ég ætla að
kalla: Danska konan. Hún er um danska konu
sem tekur yfir fjölbýlishús, svífst einskis að
kenna meðborgurum sínum skandínavíska
hugsun og innleiða velferðarkerfið í sínu litla
samfélagi. Og er algerlega grensulaus. Ég er
náttúrulega kominn með konu í það aðal-
hlutverk,“ segir Benedikt og á þá að sjálfsögðu
við eiginkonuna Charlotte Bøving.
Er persóna konunnar byggð á henni? Bene-
dikt hlær og svarar: „Nei, það má ekki segja
það. Þá á ég ekki góða daga ef það kemur
fram. Þú mátt segja að ég hafi harðneitað því!“
Ég spyr nánar um kvikmyndina Fjallkona
fer í stríð. „Hún er mjög dramatísk, fullt af elt-
ingarleikjum, drónum og þyrlum. Hún gerist í
Reykjavík og á hálendinu. Búið er að velja þær
tvíburasystur Hörpu og Ástu Arnardætur til
að leika stór hlutverk í myndinni. Þetta er tví-
buradrama. Myndin er „umhverfisþriller“.
Það er ekkert blóð, engar byssur, ekkert kyn-
líf og enginn dauði í henni,“ útskýrir hann.
Er hún fyndin? „Hún er alla vega ekki
óskemmtileg. Grín og alvara, ég er ekki neitt
að pæla í því. Grín er aukaafurð í minni vinnu
af því að þannig sögumaður er ég bara.“
Þurfum að breyta lífstílnum
Umhverfismál myndarinnar og á Íslandi ber á
góma. „Myndin fjallar um umhverfismál og
baráttuna um hálendið. Ekki síst í ljósi lofts-
lagsbreytinga. Þrýstingurinn á að virkja allt í
tætlur mun aukast enn meir. Þetta er svo stórt
mál að það er í raun allt annað algjört smámál.
Við erum að stefna á einhverja katastrófu eins
og risaeðlurnar upplifðu og það sem við þurf-
um að gera er svo stórt. Við þurfum að breyta
lífsstíl okkar. En við sem neytendur erum van-
máttug. Þetta verður að gerast að vanda fram-
leiðandans, og til þess höfum við ríkisvaldið.
Þetta er stríðsástand,“ segir Benedikt sem er
umhugað um framtíð landsins. „Stjórnmála-
maður framtíðarinnar er maður sem segir: ef
þið kjósið mig, þá fáiði minna af öllu. En það
sem þið fáið, það mun endast betur. Og betur
fyrir börnin ykkar. Þið verðið að borða minna
kjöt, ferðast minna og hægar og þið þurfið að
leggja meiri vinnu á ykkur í því hvernig þið
gangið um. Þetta er ekki einu sinni spurning
um næstu kynslóð, þetta er að gerast núna,“
segir Benedikt. Þú hefur ekki tíma bara til að
hella þér út í pólitíkina? „Nei, ég er listamaður
og sögumaður. Það er mín pólitík.“
Benedikt Erlingsson segir ekk-
ert réttlæti vera í listum en
hann fékk nýlega synjun um
styrk frá kvikmyndasjóði fyrir
mynd sína Fjallkona fer í stríð.
Morgunblaðið/Ásdís
Margrét Jónasdóttir er
framleiðandi og Benedikt
leikstjóri myndarinnar
The Show of Shows.
The Show of Shows er heimild-
armynd um sirkusa en þar má
finna myndefni allt frá 1897.
17.4. 2016 MORGUNBLAÐIÐ SUNNUDAGUR 19